Բրուտի բերդ

Երրորդ խմբի ամրոցներին ենք վերագրում նաև Գեղարքունիքի մարզի Արծվանիստ գյուղից չորս կիլոմետր դեպի արևելք գտնվող, այսպես կոչված է Բրուտի բերդը։

Կառուցվածք[խմբագրել | խմբագրել կոդը]

Ամրոցը կառուցված է փոքրիշատե հարթ բլրի գագաթին, որն ընկած է հյուսիս-հարավ ուղղությամբ։ Բարձունքի լանջերը երեք կողմից համարյա հավասար թեքությամբ իջնում են դեպի ստորոտները, բացի արևելյան լանջից, որը ավելի դժվարամատչելի է և թեքությամբ իջնում է դեպի խոր ձորը։ Ամրոցը գրավում է կես հեկտար տարածություն։

Պարիսպներ[խմբագրել | խմբագրել կոդը]

Պարիսպների վրա հայտնաբերվեցին հինգ աշտարակ, որոնք դասավորված են ամրոցի չորս անկյուններում, մեկը հյուսիսային պարսպի գրեթե կենտրոնում է։ Պարիսպների լայնությունը չորս մետր է, անշաղախ ու անտաշ քարերից։ Մուտքը գտնվում է հարավային պարսպի կենտրոնում և ունի երեք մետր լայնություն։

Ամրոցը, ունեցել է տեղական պաշտպանական նշանակություն, ինչպես մի շարք այլ ամրոցներ։