Բիսուլֆիտներ

Բիսուլֆիտներ, թթու սուլֆիտներ, ծծմբային թթվի թթու աղերը։

Պինդ վիճակում ստացվել են միայն ալկալիական մետաղների բիսուլֆիտներ (օրինակ՝ $NaHSO_{3},KHSO_{3}$ ևն), իսկ հողալկալիական մետաղների բիսուլֆիտներ (օրինակ՝ $Ca(HSO_{3})_{2}$ ևն) հայտնի են միայն ջրային լուծույթներում։ Ջրում ավելի լավ են լուծվում, քան համապատասխան մետաղների սուլֆիտները։ Բիսուլֆիտներ ջրային լուծույթներում օքսիդանում են օդի թթվածնով՝ առաջացնելով սուլֆատներ։ $Na$-ի և $K$-ի բիսուլֆիտներ տաքացնելիս վերածվում են պիրոսուլֆիտների՝ տաքացնելիս վերածվում են պիրոսուլֆիտների՝ $Na_{2}S_{2}O_{5}$ և $K_{2}S_{2}O_{5}$, որոնք հայտնի են նաև մետաբիսուլֆիտներ անվան տակ։ Բիսուլֆիտներ ստանում են կարբոնատների ջրային լուծույթների կամ կախույթների մեջ $SO_{2}$ բաց թողնելով։ $NaHSO_{3}$ օգտագործվում է տեքստիլ և այլ արդյունաբերություններում (որպես սպիտակեցնող միջոց) և լուսանկարչության մեջ, $Ca(HSO_{3})_{2}$ ջրային լուծույթները՝ փայտանյութից ցելյուլոզ ստանալիս։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 2, էջ 445)։