Բաստամ (հնավայր)

Անվան այլ կիրառումների համար տե՛ս՝ Բաստամ (այլ կիրառումներ)

Բաստամ , հնավայր Իրանում, Պարսկահայաստանում, Խոյ քաղաքի մոտ։ Այստեղ էր գտնվում Ուրարտուի Ռուսա 2-րդ թագավորի հիմնադրած Ռուսախինիլի քաղաքը։ Գերմանական հնագիտական ինստիտուտի արշավախումբը ինստիտուտի փոխտնօրեն Վոլֆրամ Կլայսի ղեկավարությամբ այստեղ բացել էր 850x400 մ չափերով ամրոցը, որի մոտ բուն քաղաքն էր։ Այս ամրոցն ավելի մեծ է, քան Թուրքիայում և Խորհրդային Միության տարածքում հայտնաբերված նույնատիպ ամրոցները։ Արշավախումբն այստեղից հայտնաբերել է կարմիր ջնարակված բազմաթիվ խեցեղեն և կարասներ, որոնք ըստ դրանց վրայի մակագրությունների, նախատեսված են եղել գինու համար։ Գտնվել են նաև արձանագրությունների բեկորներ։ Բլրի շուրջը կառուցված պաշտպանական կառույցի բարձրությունը հասել է 5 մետրի և կանգուն է մնացել մոտ 2700 տարի։