Արմեն Սանթրոսյան

Արմեն Սանթրոսյան
Ծնվել է	ապրիլի 16, 1947(1947-04-16) (77 տարեկան)
Ծննդավայր	Երևան, Հայկական ԽՍՀ, ԽՍՀՄ
Կրթություն	Երևանի պետական գեղարվեստա-թատերական ինստիտուտ (1968) և Երևանի պետական համալսարան (1972)
Քաղաքացիություն	Հայաստան
Մասնագիտություն	դերասան և դրամատուրգ
Ծնողներ	հայր՝ Պարույր Սանթրոսյան
Պարգևներ և մրցանակներ	և Հայաստանի ժողովրդական արտիստ

Արմեն Պարույրի Սանթրոսյան (ապրիլի 16, 1947(1947-04-16), Երևան, Հայկական ԽՍՀ, ԽՍՀՄ), հայ դերասան, դրամատուրգ։ Հայաստանի ժողովրդական արտիստ (2004)։ Հայաստանի գրողների միության անդամ (2009)։

Պարույր Սանթրոսյանի որդին է և Արև Սանթրոսյանի եղբայրը։

Կենսագրություն

Արմեն Սանթրոսյանը ծնվել է 1947 թվականին, Երևանում՝ դերասան Պարույր Սանթրոսյանի ընտանիքում։ 1964 թվականին ավարտել է Երևանի Ստեփան Շահումյանի անվան թիվ 1 միջնակարգ դպրոցը, 1968 թվականին՝ Երևանի գեղարվեստա-թատերական ինստիտուտի դերասանական բաժինը, 1972 թվականին՝ Երևանի պետական համալսարանի հայոց լեզվի և գրականության բաժինը։ 1965-1967 թվականներին եղել է «Արշալույս», 1967 թվականից, միաժամանակ, Երևանի Պատանի հանդիսատեսի պետական թատրոնի և «Նորք» թատրոնների դերասան։

1997 թվականից բեմական խոսք է դասավանդում Երևանի Խաչատուր Աբովյանի անվան մանկավարժական համալսարանի կուլտուրայի ֆակուլտետում, 2006 թվականից՝ դոցենտ։

Գրել է «Ճառ ասեք, թե…», «Դալար շիվեր», «Հույս, հավատ, սեր», «Անհաղթ աքլորը», «Սարդոստայն», «Ախ, այդ փշերը», «Ռուբեն Սևակ», «Հրաշագործ սրինգը» և այլ պիեսներ, որոնք բեմադրվել են երևանյան թատրոններում, ինչպես նաև՝ Հալեպում։ Բազմաթիվ թերթերում, ամսագրերում հանդես է եկել թատերական արվեստին վերաբերող հոդվածներով։ «Լիր արքա», «Մի քաղաքի պատմություն» մոնոներկայացումներով մասնակցել է եվրոպական տարբեր երկրներում կազմակերպված փառատոների, արժանացել տարբեր մրցանակների։

Ներկայացումներ

• «Հեյ, քեզ հետ եմ, բարև»
• «Սկապենի արարքները»
• «Պատվի համար»
• «Հացի խնդիր»
• «Համլետ»
• «Ոչնչից մեծ աղմուկ»
• «Քաջ Նազար»
• «Ամպեր»
• Տարոն «Գնա մեռի, արի սիրեմ»

Ֆիլմեր

• «Հեղկոմի նախագահը»
• «Երկնագույն առյուծ»
• «Մեր պապերի քայլերգը»
• «Կապիտան Առաքել»
• «Հեծյալը, որին սպասում էին»

Պարգևներ, մրցանակներ

• 1982 թվականին Սալտիկով-Շչեդրինի «Մի քաղաքի պատմություն» ներկայացման մեջ մարմնավորելով իրարից տարբեր վեց քաղաքապետերի կերպարներ՝ արժանացել է ԽՍՀՄ մշակույթի նախարարության «Տղամարդու դերի լավագույն կատարման համար» հատուկ դիպլոմի
• ՀԽՍՀ վաստակավոր արտիստ, 1980
• Հայաստանի ժողովրդական արտիստ, 2004
• Հայաստանի մշակույթի նախարարության ոսկե մեդալ
• Հայաստանի թատերական գործիչների միության ոսկե մեդալ
• Երևանի քաղաքապետարանի ոսկե մեդալ

Արտաքին հղումներ

• Արմեն Սանթրոսյան - Գրական Թերթ
• Մեր մեջ ասած. Արմեն Սանթրոսյան