Արթուր Սաքունց
| Արթուր Սաքունց | |
|---|---|
| Ծնվել է | մայիսի 22, 1961 (62 տարեկան) |
| Մասնագիտություն | քիմիկոս |
Արթուր Սաքունց (ծնվ.՝ 1961 մայիսի 22, Աղջաքենդ[1], Շահումյանի շրջան, Ադրբեջանական ԽՍՀ), հայ իրավապաշտպան, լրագրող, քիմիկոս, Հելսինկյան քաղաքացիական ասամբլեայի Վանաձորի գրասենյակի նախագահ[2][3]։ Քիմիական գիտությունների թեկնածու (1992)[2]։
Կենսագրություն[խմբագրել | խմբագրել կոդը]
Ծնվել է 1961 թվականի մայիսի 22-ին Աղջաքենդ[1] գյուղում, Շահումյանի շրջան, Ադրբեջանական ԽՍՀ[2]։ Ավարտել է Վանաձորի Վահան Տերյանի անվան թիվ 5 դպրոցը[2]։
Կրթություն[խմբագրել | խմբագրել կոդը]
- 1978-1983 թվականներին սովորել և ավարտել է Երևանի պոլիտեխնիկական ինստիտուտի Վանաձորի մասնաճյուղը՝ ինժեներ-քիմիկոս մասնագիտությամբ։
- 1989-1992 թվականներին եղել է Ռուսաստանի գիտությունների ակադեմիայի Ա.Ն. Նեսմեյանովի անվան էլեմենտ-օրգանական միացությունների ինստիտուտի (ru) ասպիրանտ։ Քիմիական գիտությունների թեկնածու (1992)։
- 1998 թվականին ավարտել է Հարավային Կովկասի իրավապաշտպան կազմակերպությունների սեմինարը (Թբիլիսի-Գուդաուրի, Վրաստան)։
- 2002 թվականին ավարտել է հակամարտությունների կարգավորման թեմայով սեմինարը (Գուդաուրի, Վրաստան)։
- 2002 թվականին ավարտել է լրագրության սեմինար (IREX/ProMedia)[2]:
Աշխատանքային գործունեություն[խմբագրել | խմբագրել կոդը]
- 2004 թվականից առ այսօր, Վանաձորի մամուլի ակումբի նախագահ։
- 2002 թվականից առ այսօր, «Քաղաքացիական նախաձեռնություն» շաբաթաթերթի խմբագիր, Վանաձոր։
- 1998 թվականից առ այսօր, Հելսինկյան քաղաքացիական ասամբլեայի Վանաձորի գրասենյակի նախագահ։
- 1996-1997 թվականներին աշխատել է Լոռու մարզպետարանի տարածքային բաժնի ղեկավար։
- 1992-1996 թվականներին աշխատել է Վանաձորի քաղաքապետի խորհրդական։
- 1983-1992 թվականներին եղել է Պոլիմերային սոսինձների ինստիտուտի գիտաշխատող, Վանաձոր։
- 1983-1985 թվականներին ծառայել է ԽՍՀՄ Զինված ուժերում՝ քիմզորամասում։ Ունի ավագ լեյտենանտի կոչում[1]։
Ընտանիք[խմբագրել | խմբագրել կոդը]
Ամուսնացած է, ունի երեք զավակ[2]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 Նամակ Արթուր Սաքունցին. ո՞վ է «լեյտենանտին» ուղղել գնդապետի դեմ կամ մտորումներ սուբլիմացիայի եւ գրանտերի մասին
- ↑ 2,0 2,1 2,2 2,3 2,4 2,5 Արթուր Սաքունցի կենսագրությունը Երևանի մամուլի ակումբի կայքում
- ↑ «Հելսինկյան քաղաքացիական ասամբլեայի Վանաձորի գրասենյակի պաշտոնական կայք». Արխիվացված է օրիգինալից 2017 թ․ հունիսի 23-ին. Վերցված է 2017 թ․ հունիսի 14-ին.