Արթուր Արկադիի Խաչատրյան (1964)

Վիքիպեդիայից՝ ազատ հանրագիտարանից
Jump to navigation Jump to search
1rightarrow blue.svgԱյս հոդվածը 1964 թ. ծնված հայ ազատամարտիկի մասին է։ Այլ գործածությունների համար այցելեք Արթուր Արկադիի Խաչատրյան (այլ կիրառումներ)։
Վիքիպեդիայում կան հոդվածներ Խաչատրյան ազգանունով այլ մարդկանց մասին:
ARTUR ARKADII XACHATARYAN 1964.jpg

Արթուր Արկադիի Խաչատրյան (հունվարի 31, 1964, Զագլիկ, Մարտակերտի շրջան - սեպտեմբերի 25, 1992, Չլդրան), հայ ազատամարտիկ, Արցախյան ազատամարտի մասնակից։

Ծնվել է 1964 թվականի հունվարի 31-ին, Մարտակերտի շրջանի Զագլիկ գյուղում։ Ավարտել է տեղի դպրոցը։ Ծառայել է Խորհրդային բանակում։ Ղարաբաղյան շարժման ակտիվ մասնակիցներից էր։

1991 թվականին կազմավորել և ղեկավարել է հայրենի գյուղի ինքնապաշտպանական ջոկատը։ Իր ջոկատի հետ միասին ակտիվ մասնակցություն է ցուցաբերել Ակնաբերդ, Իմ. Քերավենդ գյուղերի ազատագրության ժամանակ։ Մասնակցել է նաև Շուշիի, Խոջալուի, Սրխավենդի մարտերին։ Քաջազուն հրամանատարն իր ջոկատի տղաների հետ միասին միշտ հայտնվել է թեժ կետերում։ Ուներ լեյտենանտի զինվորական կոչում։

Զոհվել է 1992 թ. սեպտեմբերի 25-ին, Չլդրան գյուղի տարածքում՝ ընկնելով շրջապատման մեջ։ Հետմահու պարգևատրվել է «Մարտական խաչ» 2-րդ աստիճանի շքանշանով։ Ամուսնացած էր, ունի մեկ երեխա։ Հանգչում է Զագլիկի գերեզմանատանը։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Ղարաբաղյան ազատագրական պատերազմ (1988—1994) հանրագիտարանից, որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ CC-BY-SA-icon-80x15.png