Ատալայայի ամրոց

Վիքիպեդիայից՝ ազատ հանրագիտարանից
Jump to navigation Jump to search
Coa Illustration Elements Building Castle.svg
Ատալայայի ամրոց
կատ.՝ Castillo Villena de Atalaya
Castillo Atalaya, desde inicio sendero a salvatierra y mina de los colores2.jpg
Տեսակդղյակ և հուշարձան
Վարչական միավորՎիլյենա[1]
ԵրկիրFlag of Spain.svg Իսպանիա[1]
Համալիրի մասԱլիկանտեի մշակութային ժառանգություն
Castillo de la Atalaya Վիքիպահեստում

Վիլյենա դե Ալատայա ամրոց (կատ.՝ Castillo Villena de Atalaya), պաշտպանական կառույց Իսպանիայի հարավում՝ Ալիկանտե պրովինցիայի Վիլյենա քաղաքում։ Սերա դե լա Վիլլա լեռնաճյուղավորումը (Ալիկանտե պրովինցիայի հյուսիս-արևմուտքում), որի վրա տեղակայված է ամրոցը, նախկինում եղել է սահման Կաստիլիայի ու Արագոնի թագավորության միջև։

1931 թվականի հունիսի 3-ին Ատալայայի ամրոցը հայտարարվել է Իսպանիայի պատմամշակութային հուշարձան[2]՝ ստանալով RI-51-0000366 գրանցման համարը։

Նկարագրություն[խմբագրել | խմբագրել կոդը]

Ամրոցը ունի կրկնակի պարիսպներ, որոնց հաստությունը հասնում է մոտավորապես չորս մետրի։ Արտաքին պատը կազմված է 12 աշտարակներից (շրջանաձև կամ կիսաշրջանաձև)։ Բարբիկան աշտարակը, որ գտնվում է ամրոցի հարավարևմտյան կողմում, ներկայում գտնվում է ավերված վիճակում[3]։ Երկու պատերի միջև տարածությունը շատ նեղ է. որոշ տեղերում նրա լայնությունը կազմում է ընդամենը մեկ մետր։ Արտաքին պատն ավելի ցածր է, քան ներքինը, որի ողջ երկայքով կան ատամնաձև ելուստներ, բացառությամբ հարավարևմտյան կողմի։ Այդտեղ է գտնվում ամրոցի գլխավոր աշտարակը, որի բարձրությունը հասնում է 27 մետրի։

Ատալայայի ամրոցի մուտքը գտնվում է նրա հյուսիսարևմտյան կողմում։ Մյուս երկու մուտքերը ներկայում փակ են։

Ամրոցի առաջին հարկում տեղակայված են սենյակներ. դրանցից մեկն Ալ-Մոհադների կողմից օգտագործվել է որպես պահոց[3]։ Սենյակներն իրար են միացված աստիճաններով։

Պատմություն[խմբագրել | խմբագրել կոդը]

Torre del homenaje del castillo de la atalaya.jpg

Ատալայայի ամրոցի հիմնադրման ստույգ ժամանակը հայտնի չէ։ Արաբական աղբյուրներում ամրոցն առաջին անգամ հիշատակվում է 1172 թվականին։

Ամրոցը կարևոր նշանակություն է ունեցել Կորդովայի ամիրայության հյուսիսային սահմանի վրա։ Ջեյմս I Արագոնցու զորքերը երկու անգամ պաշարել են այն, սակայն չեն կարողացել գրավել։ Ջեյմս I-ն ամրոցը գրավել է միայն գրավվել է թվականին։ Ամրոցը Կաստիլիայի թագավորությանն է հանձնվել 1244 թվականին կնքված Ալմիսրայի պայմանագրով։ Նա այն հանձնվել է Կալատրավայի օրդենին, սակայն Ինֆանտ Մանուելը վերցրել է այն, երբ դարձել է Վիլյենայի լորդ։ Ամրոցում բնակվել է նրա որդին՝ գրող Խուան Մանուելը։

1476 թվականին Վիլյենայի քաղաքացիները կաթոլիկ վանականների դրդմամբ ապստամբել են մարքիզի դեմ և կոտորել ամրոցում գտնվող հրեաներին ու կոնվերսոներին (կաթոլիկություն ընդունած հրեաներ կամ մուսուլմաններ)։ Այդ դեպքից հետո ամրոցը դադարել է մարքիզների նստավայր լինելուց և դարձել է թագավորական սեփականություն։

Վիլյենա դե Ատալայա ամրոցը կարևոր դեր է խաղացել 1700 թվականից մինչև 1714 թվականն Իսպանիայի անկախության համար մղված պատերազմի ժամանակ։ Այդ ընթացքում ամրոցում ապաստանել են Ֆելիպե դե Բուրբոն V-ի կողմնակիցները, ովքեր իրենց երկրի անկախության համար պայքարում էին Ավստրիայի Կառլ թագավորի դեմ. Բուրբոնի կողմնակից 50 մարդ ութ օր ամրոցում դիմադրել է ավստրիացիների պաշարմանը, ովքեր ի վերջո ստիպված են եղել դադարեցնել պաշարումն ու հեռանալ։ Այդ պատերազմի ընթացքում ամրոցը զգալի ավերածությունների է ենթարկվել։

Հետագայում ամրոցը լքվել է[4]։ 1931 թվականին ամրոցում կատարվել են վերակառուցողական աշխատանքներ։ Նույն թվականին ամրոցը հայտարարվել է ազգային պատմական հուշարձան[5]։ 1958 թվականին ամրոցի վերակառուցումը վերսկսվել է։ Վերակառուցման աշխատանքներն ավարտվել են 1999 թվականին. վերականգնվել են ամրոցի ինտերիերն ու նրա պատերը[3]։

Ծանոթագրություններ[խմբագրել | խմբագրել կոդը]

  1. 1,0 1,1 Monuments database — 2017.
  2. Decreto del Ministerio de Instrucción Pública y Bellas Artes publicado en la Gaceta de Madrid n.º 155 de 4 de junio de 1931, disponible en línea en: [1].
  3. 3,0 3,1 3,2 «Замок Виллена де Аталая (Castillo Villena de Atalaya)»։ castlesguide.ru։ Վերցված է 7 սեպտեմբերի, 2016 
  4. Soler García, José María (2002). «Monumentos: El castillo de Villena». Villena : Prehistoria - Historia - Monumentos (1ª edición). Madrid: Imprenta Taravilla. p. 178. ISBN 84-95112-05-1.
  5. Generalitat Valenciana. Conselleria de Cultura i Esport. Direcció General de Patrimoni Cultural Valencià Castillo la Atalaya o de los Pacheco

Արտաքին հղումներ[խմբագրել | խմբագրել կոդը]