Ավդիրա (հուն․՝ Άβδηρα), փոքր քաղաք Հունաստանում, հնագույն Աբդերի քաղաքի ավերակներից 6 կմ հյուսիս։ Գտնվում է ծովի մակերևույթից 41 մ բարձրության վրա, Մեստայի գետաբերանից դեպի արևելք։ Նույնանուն համայնքի մասն է կազմում, Քսանթի տարածաշրջանում։ Ըստ 2011 թվականի մարդահամարի տվյալների՝ բնակչությունը կազմում է 1090 մարդ։
Մ․ թ․ ա․ 656 թվականին Բուլուստրա հրվանդանի վրա (Μπουλούστρα) հիմնադրվել է Աբդերի քաղաքը[1]։ Հելլենիստական ժամանակաշրջանում քաղաքը սկսել է անկում ապրել, ավերվել է և լքվել Կոստանդիանոս Ա Մեծի կառավարության օրոք (306—337)։
Բյուզանդական ժամանակաշրջանում գոյություն է ունեցել Պոլիստիլոն քաղաքը (Πολύστυλον), որն առաջին անգամ հիշատակվում է 879 թվականին[2]։
1373 թվականին Պոլիստիլոնը ընկավ օսմանյան սուլթան Մուրադ I–ի իշխանության տակ, քաղաքը ավերվել և լքվել է։
Մոտավորապես 1720 թվականին կառուցվել է նոր Ավդիրա գյուղը՝ հին քաղաքից 6 կմ դեպ հյուսիս[3]։ Բնակիչները մեծ մասամբ աճեցրել են ծխախոտ և շարունակում են այդ գործունեությամբ զբաղվել առ այսօր։
Ավդիրայի տեղական համայնքն ընդգրկում է վեց բնակավայրեր։ Ըստ 2011 թվականի մարդահամարի տվյալների՝ բնակչությունը կազմում է 1473 մարդ։ Տարածքը կազմում է 59,915 կմ քառ․։
Հունաստան
