Աստղիկ Ավետիսյան

Վիքիպեդիայից՝ ազատ հանրագիտարանից
Jump to navigation Jump to search
Վիքիպեդիայում կան հոդվածներ Ավետիսյան ազգանունով այլ մարդկանց մասին:
Աստղիկ Ավետիսյան
Astghik-Avetisyan.jpg
Ծնվել էօգոստոսի 21, 1977 (42 տարեկան)
ԾննդավայրՄարտունի, Հայաստան
Քաղաքացիություն{{{2}}} Հայաստան
Ազգությունհայ
ԿրթությունԵրևանի պետական համալսարան
Մասնագիտությունհասարակական գործիչ, լրագրող, հանրային կապերի մասնագետ(PR)
Աշխատանք1994-ից

Աստղիկ Ավետիսյան (օգոստոսի 21, 1977(1977-08-21), Մարտունի, Գեղարքունիքի մարզ, Հայաստան, ԽՍՀՄ), «Հայկական Փի Ար ասոցիացիա» գիտատեղեկատվական ՀԿ նախագահ, հասարակական գործիչ, լրագրող, Երևանի պետական համալսարանի ռադիոհեռուստատեսային ժուռնալիստիկայի ամբիոնի դոցենտ, բանասիրական գիտությունների թեկնածու։

Կենսագրություն[խմբագրել | խմբագրել կոդը]

Ծնվել է 1977 թ. օգոստոսի 21-ին, Գեղարքունիքի մարզի Մարտունի քաղաքում։ 1994-1999 թթ սովորել է Երևանի պետական համալսարանի ժուռնալիստիկայի ֆակուլտետում։ 2003 թ. ավարտել է նաև Երևանի պետական համալսարանի ռադիոհեռուստատեսային ժուռնալիստիկայի ամբիոնի ասպիրանտուրան։ 2010 թ. ստացել է բանասիրական գիտությունների թեկնածուի աստիճան։ 1994-1997 թթ թղթակցել է «Հայաստան», «Լրագիր», «Հայկական ժամանակ», «Մոլորակ», «Երևանյան օրեր», «Զրուցակից», «Առավոտ», «Երևանի համալսարան», «Ժուռնալիստ», «Գարուն», պարբերականներին։ 1997-1999 թթ թղթակցել է «Նորք» հեռուստաընկերության «20-21 դարաշեմին», «Ուսանողական ակնթարթներ» հաղորդաշարերին, «Լրաբեր», «Լուրեր» լրատվական ծառայություններին, Հայաստանի ազգային ռադիոյի «Երևան» ծրագրին, «Ասուն-լուր» երիտասարդական հաղորդմանը։ 1995-1998 թթ աշխատել է «Շրջան» թերթում որպես լրագրող։ 1998-2000 թթ աշխատել է «Ընթացք» հեռուստաընկերությունում՝ որպես գլխավոր խմբագիր։ 2002-2008 թթ դասավանդել է Հայ-ռուսական (սլավոնական) համալսարանում։ 2001-2003 թթ եղել է «Տեղեկագիր Հայաստանի երիտասարդության» հանդեսի խմբագրական խորհրդի անդամ։ 2000-2008 թթ զբաղեցրել է Համահայկական երիտասարդական հիմնադրամի լրատվության բաժնի պետի պաշտոնը։ 2006 թ. հիմնադրել է «Հայկական Փի Ար ասոցիացիա» գիտատեղեկատվական ՀԿ[1]: 2008-2011 թթ ՀՀ նախագահի մամուլի քարտուղարի օգնականը։ 2011 թ. նշանակվել է Հայաստանի հանրային ռադիոյի Արտասահմանի համար տրվող հաղորդումների ղեկավար, ապա՝տնօրենի օգնական։ 2011-2013 թթ աշխատել է «Քլինլենդ» ընկերությունում՝ որպես հանրային կապերի(PR)տնօրեն։ 2012 թվականին վարել է «Արմնյուզ» հեռուստաընկերության «Գիտակ» գիտահանրամատչելի նախագիծը[2]։ 2013 - 2014 թթ. «Մասնագիտական կրթության որակի ապահովման ազգային կենտրոն» հիմնադրամի հասարակության հետ կապերի պատասխանատու։ 2001 թվականից մինչ օրս դասախոսում է Երևանի պետական համալսարանի ժուռնալիստիկայի ֆակուլտետում։ 2014 թ.ԵՊՀ ռադիոհեռուստատեսային ժուռնալիստիկայի ամբիոնի դոցենտ է։ 2014 թ. ՀՀ պետական կառավարման ակադեմիայի վերապատրաստումների բաժնի ուսուցանող է։ 2015 թ. հիմնադրել է Հայաստանի հանրային կապերի (PR) առաջին դպրոցը։ Մասնակցել է բազմաթիվ տեղական և միջազգային գիտական, ուսուցողական ծրագրերի, դասընթացների, գիտաժողովների՝ մասնակցի, ուսուցանողի կազմակերպչի և վարողի դերում։ Մի շարք լրագրողական մրցույթների ժյուրիի անդամ և նախագահ է հանդիսացել։ Հեղինակել է 14 գիտական, բազմաթիվ լրագրողական հոդվածներ, 5 գիտական, մասնագիտական գիրք։

Գիտական աստիճան[խմբագրել | խմբագրել կոդը]

Բանասիրական գիտությունների թեկնածու (2010 թ.) «Հեռուստածրագրերի տիպաբանություն (հեռուստատեսությունը հասարակական նոր հարաբերությունների ձևավորման պայմաններում)», ԲՈՀ, 012 մասնագիտական խորհուրդ 03.04.2014 ԵՊՀ գիտական խորհրդի որոշմամբ շնորհվել է դոցենտի գիտական կոչում։

Գիտական հետաքրքրությունների շրջանակ[խմբագրել | խմբագրել կոդը]

Հեռուստատեսային ժուռնալիստիկա, Հանրային կապեր (PR), Քաղաքագիտություն, Հոգեբանություն, Նորագույն տեխնոլոգիաներ։

Ծանոթագրություններ[խմբագրել | խմբագրել կոդը]

Աստղիկ Շամս Ավետիսյան`գրքեր Հանրային կապերը զանգվածային հաղորդակցության համակարգում, Երևան, ԵՊՀ հրատ., 2014, 72 էջ Հեռուստատիպաբանություն, Երևան, ԵՊՀ հրատ., 2010, 40 էջ, Հանրային կապեր, «Անտարես» հրատարակչություն, Երևան 2008 , 140 էջ Հեռուստածրագրերի տիպաբանություն. հեռուստահաղորդումների դասակարգման չափանիշներ, Երևան, ԵՊՀ հրատ., 2010, 120 էջ Հեռուստատեսային ինքնագովազդի տիպաբանական առանձնահատկությունները, Երևան, ԵՊՀ հրատ., 2010, 24 էջ