Աստղիկ Ավետիսյան
Աստղիկ Ավետիսյան | |
---|---|
Ծնվել է | օգոստոսի 21, 1977 (46 տարեկան) |
Ծննդավայր | Մարտունի, Հայաստան |
Քաղաքացիություն | Հայաստան |
Ազգություն | հայ |
Կրթություն | Երևանի պետական համալսարան |
Գիտական աստիճան | բանասիրական գիտությունների թեկնածու |
Մասնագիտություն | լրագրող, հանրային գործիչ, հանրային կապերի (PR) մասնագետ |
Աստղիկ Ավետիսյան (օգոստոսի 21, 1977, Մարտունի, Հայկական ԽՍՀ, ԽՍՀՄ) հայ լրագրող, հանրային գործիչ, հանրային կապերի (PR) մասնագետ, Հայկական Փի Ար ասոցիացիայի[1] նախագահ, ԵՊՀ ժուռնալիստիկայի ֆակուլտետի դոցենտ, բ.գ.թ., «PR և հաղորդակցային տեխնոլոգիաներ» մագիստրոսական ծրագրի ղեկավար։
Կրթություն
[խմբագրել | խմբագրել կոդը]- 1984-1994 թթ․ Մարտունու թիվ 2 միջնակարգ դպրոց։
- 1994-1999 թթ․ Երևանի պետական համալսարանի բանասիրական ֆակուլտետի ժուռնալիստիկայի բաժնի ուսանող (գերազանցության դիպլոմ)։
- 1996-1999 թթ․ ՀՀ ժուռնալիստների միության «Գրիգոր Արծրունու» անվանական կրթաթոշակառու։
- 1996-1999 թթ․ ԵՊՀ Ուսանողական միության տեղեկատվական և վերլուծական հանձնաժողովի նախագահ, բանասիրական ֆակուլտետի Ուսանողական խորհրդի նախագահ։
- 1998 թ․-ին ճանաչվել է ԵՊՀ տարվա լավագույն ուսանող։
- 1999-2003 թթ․ Երևանի պետական համալսարանի ժուռնալիստիկայի ֆակուլտետի ռադիոհեռուստատեսային ժուռնալիստիկայի ամբիոնի ասպիրանտ։
- 2010 թ․ Բանասիրական գիտությունների թեկնածուի գիտական աստիճան է ստացել՝ պաշտպանելով թեկնածուական ատենախոսությունը։
- 2014 թ․ ԵՊՀ գիտական խորհրդի և ԲՈՀ-ի որոշմամբ շնորհվել է դոցենտի գիտական կոչում։
Աշխատանքային գործունեություն
[խմբագրել | խմբագրել կոդը]- 2000-2008 թթ․ Համահայկական երիտասարդական հիմնադրամի լրատվության բաժնի պետ։
- 2001 թ․-ից ԵՊՀ ժուռնալիստիկայի ֆակուլտետի դասախոս։
- 2002-2008 թթ․ Հայ-ռուսական համալսարանի ժուռնալիստիկայի ֆակուլտետի դասախոս։
- 2006 թ․-ից «Հայկական Փի Ար ասոցիացիա» գիտատեղեկատվական հասարակական կազմակերպության նախագահ։
- 2008-2011 թթ․ ՀՀ նախագահի մամուլի քարտուղարի օգնական։
- 2011 թ․ Հայաստանի հանրային ռադիոյի Արտասահմանի համար տրվող հաղորդումների ղեկավար, ապա՝ գործադիր տնօրենի խորհրդական։
- 2011 թ․-ից Երիտասարդական ակումբների դաշնության նախագահության անդամ, PR ղեկավար։
- 2011-2013 թթ․ «Քլինլենդ» ընկերության հանրային կապերի (PR) տնօրեն։
- 2011-2013 թթ․ ԵՊՀ հայագիտության ինստիտուտի ավագ գիտաշխատող։
- 2012 թ․ «Արմնյուզ» հ/ը «Գիտակ» գիտահանրամատչելի հեռուստանախագծի հեղինակ և վարող։
- 2013-2014 թթ․ «Մասնագիտական կրթության որակի ապահովման ազգային կենտրոն» հիմնադրամի հասարակության հետ կապերի (PR) պատասխանատու։
- 2014 թ․-ից ԵՊՀ ժուռնալիստիկայի ֆակուլտետի, տպագիր և հեռարձակվող լրատվամիջոցների ամբիոնի դոցենտ։
- 2014 թ․-ից ՀՀ պետական կառավարման ակադեմիայի վերապատրաստման, որակավորման բարձրացման և գիտահետազոտական գործունեության բաժնի դասախոս։
- 2014-2015 թթ․ ՀՀ ԳԱԱ գիտակրթական միջազգային կենտրոնի հեռավար ուսուցման դասախոս։
- 2015 թ․-ին ստեղծել է Հայաստանի առաջին PR դպրոցը՝ Հայկական PR դպրոցը։
- 2016 թ․-ից ՀՀ պաշտպանության նախարարին կից հասարակական խորհրդի անդամ։
- 2018 թ․-ից ԵՊՀ ժուռնալիստիկայի ֆակուլտետի «PR և հաղորդակցային տեխնոլոգիաներ» մագիստրոսական ծրագրի ղեկավար։
Այլ տվյալներ
[խմբագրել | խմբագրել կոդը]Շուրջ 30 գիտական հոդվածի և 5 մասնագիտական գրքի հեղինակ է։ Թղթակցել և աշխատակցել է հայաստանյան հեղինակավոր լրատվամիջոցների։
Մասնակցել է տեղական և միջազգային բազմաթիվ սեմինարների, ուսուցողական ծրագրերի, գիտաժողովների՝ որպես ուսուցանող, մասնակից, կազմակերպիչ, փորձագետ։
Արժանացել է ՀՀ նախագահի, ԵՊՀ ռեկտորի շնորհակալագրերին, ԵՊՀ արծաթե մեդալի, ինչպես նաև ստացել է բազմաթիվ պատվոգրեր և որակավորման բարձրացման վկայագրեր։
Ընդգրկված է Eventiada միջազգային PR մրցանակաբաշխության հեղինակավոր ժյուրիի կազմում, Հայկական PR մրցանակաբաշխության մասնագիտական հանձնաժողովում, ինչպես նաև բազմաթիվ լրագրողական մրցույթների ժյուրիի նախագահ և անդամ։
Ընտանիք
[խմբագրել | խմբագրել կոդը]Ամուսնացած է, ունի դուստր և որդի։
Ծանոթագրություններ
[խմբագրել | խմբագրել կոդը]Արտաքին հղումներ
[խմբագրել | խմբագրել կոդը]- Աստղիկ Ավետիսյան Արխիվացված 2021-11-24 Wayback Machine
- Աստղիկ Ավետիսյան, Հանրային կապերը զանգվածային հաղորդակցության համակարգում
- Աստղիկ Ավետիսյան, Հայաստանի Հանրապետությունում հանրային կապերի (PR) ոլորտի ձեռքբերումներն ու մարտահրավերները Արխիվացված 2021-05-12 Wayback Machine
- Աստղիկ Ավետիսյան, Գովազդային տեխնոլոգիաները հանրային կարծիքի վրա ազդելու և գործողության մղելու մեթոդ Արխիվացված 2022-02-24 Wayback Machine
- Աստղիկ Ավետիսյան, Հեռուստածրագրերի տիպաբանություն․ հեռուստահաղորդումների դասակարգման չափանիշներ Արխիվացված 2021-05-10 Wayback Machine
- Աստղիկ Ավետիսյան, Հեռուստատեսային ինքնագովազդի տիպաբանական առանձնահատկությունները Արխիվացված 2021-05-10 Wayback Machine