Աշոտ Չիթչյան

Վիքիպեդիայից՝ ազատ հանրագիտարանից
Jump to navigation Jump to search
Աշոտ Չիթչյան
Ծնվել է1903
Թիֆլիս, Ռուսական կայսրություն
Մահացել է1972
Ազգությունհայ
Մասնագիտությունգիտնական
Հաստատություն(ներ)Հայաստանի գիտությունների ազգային ակադեմիա, Հայաստանի ազգային ագրարային համալսարան և Երևանի անասնաբուծական-անասնաբուժական ինստիտուտ
Ալմա մատերԵրևանի պետական համալսարան և Հայաստանի ազգային ագրարային համալսարան
Գիտական աստիճանգյուղատնտեսական գիտությունների թեկնածու և դոցենտ
ՊարգևներՀայկական ԽՍՀ գիտության վաստակավոր գործիչ և «Պատվո նշան» շքանշան

Աշոտ Հովհաննեսի Չիթչյան (1903, Թիֆլիս, Ռուսական կայսրություն - 1972), հայ հողագետ: ՀԽՍՀ գյուղատնտեսական գիտությունների թեկնածու, դոցենտ: ՀԽՍՀ գիտության վաստակավոր գործիչ:

Կենսագրություն[խմբագրել | խմբագրել կոդը]

Աշոտ Չիթչյանը ծնվել է 1903 թվականին Թիֆլիսում: 1924-1928 թվականներին սովորել և ավարտել է Երևանի պետական համալսարանի գյուղատնտեսական ֆակուլտետը: 1927-1938 թվականներին աշխատել է որպես հողագետ-քիմիկոս, ջրային տնտեսության վարչությունում՝ որպես հողագիտության լաբորատորիայի վարիչ: 1935-1937 թվականներին աշխատել է ԽՍՀՄ ԳԱ հայկական մասնաճյուղում որպես կրտսեր հողագետ, 1937-1955 թվականներին՝ բաժանմունքի վարիչ: 1955-1958 թվականներին եղել է խաղողագործության, գինեգործության և պտղաբուծության գիտահետազոտական ինստիտուտի ավագ գիտական աշխատող և հողագիտության և ագրոքիմիայի բաժնի վարիչ: 1958-1971 թվականներին եղել է հողագիտության և ագրոքիմիայի գիտահետազոտական ինստիտուտի հողերի մելիորացիայի և հետագայում ռեժիմային հետազոտությունների բաժնի վարիչ: 1931-1941 թվականներին եղել է Հայկական գյուղատնտեսական ինստիտուտի հողագիտության ամբիոնի ասիստենտ, դոցենտ, ամբիոնի վարիչ: 1938-1952 թվականներին դոցենտի պաշտոն է վարել նաև Երևանի անասնաբուծական-անասնաբուժական ինստիտուտի կերհայթհայթման ամբիոնում:

Հայրենական մեծ պատերազմի տարիներին պաշտպանական նշանակության հատուկ աշխատանքներ է կատարել հողագիտական հետազոտությունների գծով:

Հետազոտությունների մեծ մասը նվիրել է Հայաստանի հողային ծածկոցի ուսումնասիրությանը, կազմել առանձին տարածաշրջանների խոշոր մասշտաբի հողային քարտեզների և փոքր մասշտաբի Հայաստանի հողերի քարտեզը: Ուսումնասիրել է Արարատյան հարթավայրի աղակալած հողերը՝ մշակելով միջոցառումներ դրանց իրականացման համար: Բազմաթիվ գիտական հոդվածների և աշխատությունների հեղինակ է[1]:

Աշոտ Չիթչյանի գրասեղանը ՀԱԱՀ Պատմության թանգարանում

Պարգևներ[խմբագրել | խմբագրել կոդը]

  • ՀԽՍՀ գիտության վաստակավոր գործիչ
  • Պատվո շքանշան

Երկեր[խմբագրել | խմբագրել կոդը]

  • Վասիլիյ Վասիլևիչ Դոկուչայևը և գիտությունը հողի մասին, Երևան: ՀՍՍՌ ԳԱ հրատ., 1947. 38 էջ[2]:

Ծանոթագրություններ[խմբագրել | խմբագրել կոդը]