Աշոտ Բաղդասարյան (նկարիչ)
Աշոտ Բաղդասարյան | |
---|---|
Ծնվել է | օգոստոսի 7, 1945 (78 տարեկան) |
Ծննդավայր | Երևան |
Ազգություն | հայ |
Քաղաքացիություն | ԽՍՀՄ և Հայաստան |
Կրթություն | Փանոս Թերլեմեզյանի անվան գեղարվեստական ուսումնարան (1964) և Երևանի պետական գեղարվեստա-թատերական ինստիտուտ (1972) |
Մասնագիտություն | գրաֆիկ, նկարիչ-ձևավորող |
Պարգևներ | |
Հայր | Միքայել Բաղդասարյան |
Աշոտ Միքայելի Բաղդասարյան (օգոստոսի 7, 1945, Երևան, Հայկական ԽՍՀ, ԽՍՀՄ), գրաֆիկ, նկարիչ-ձևավորող, Միքայել Բաղդասարյանի որդին։
Կենսագրություն[խմբագրել | խմբագրել կոդը]
1964 թվականին ավարտել է Երևանի գեղարվեստի ուսումնարանը, իսկ 1972 թվականին՝ Երևանի պետական գեղարվեստաթատերական ինստիտուտը։ 1992–1996 թվականներին դասավանդել է Երևանի պետական համալսարանի Իջևանի մասնաճյուղում, 1993 թվականին՝ «Ռոսլին» արվեստի ինստիտուտում (1995–2010 թվականներին եղել է պրոռեկտոր), 2008 թվականից՝ Ճարտարապետության և շինարարարության Հայաստանի ազգային համալսարանում (2010 թվականից՝ ամբիոնի վարիչ)։
1995–2008 թվականներին՝ Հայաստանի դիզայներների միության նախագահ։
2003 թվականից՝ Հայսատանի պետական ագրարային համալսարանի «Տեղեկագիր» գիտական միջազգային ամսագրի գեղարվեստական խմբագիր (ձևավորել է 40-ից ավելի համար)։
Նկարազարդել և ձևավորել է Վարդգես Պետրոսյանի «Գրական երաժշտական խաղեր» (1972), նաև «Հայաստանի քաղաքացիական ծառայություն» (2005), Գայանե Ավագյանի և Արայիկ Նազարյանի «Պտուղների, բանջարեղենի և կարտոֆիլի հիվանդությունները պահպանման ժամանակ» (2006), Այդին Մորիկյանի «Միայնակ ծերունին, որ զրուցակից է փնտրում» (2010, Հրանտ Թադևոսյանի նկարներով), «80-ամյակի հոբելյանական ձեռնարկ» (2010, նվիրված է ՀՊԱՀ-ին) գրքերը, «Ալմաստ» կատալոգը (2005), «Լևոն Մանասերյան» (2009) ալբոմը և այլն։
Պարգևներ[խմբագրել | խմբագրել կոդը]
Այս հոդվածի կամ նրա բաժնի որոշակի հատված վերցված է «Հայ գրատպություն և գրքարվեստ» հանրագիտարանից, որի նյութերը թողարկված են՝ Քրիեյթիվ Քոմմոնս Նշում-Համանման տարածում 3.0 (Creative Commons BY-SA 3.0) թույլատրագրի ներքո։ |