Անուշ Օրդյան
 | |
|---|---|
| Ծնվել է | օգոստոսի 21, 1961 (63 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Քաղաքացիություն |  ԽՍՀՄ և  Հայաստան |
| Կրթություն | Երևանի Մխիթար Հերացու անվան Պետական Բժշկական Համալսարան |
| Մասնագիտություն | սրտաբան |
| Գիտական աստիճան | բժշկական գիտությունների դոկտոր (1999) |
Անուշ Միքայելի Օրդյան (օգոստոսի 21, 1961, Երևան, Հայկական ԽՍՀ, ԽՍՀՄ), հայ սրտաբան։ Բժշկական գիտությունների դոկտոր (1999)։ ՌԴ Բժշկական գիտությունների ակադեմիայի անդամ (2001)[1]։
Կենսագրություն
[խմբագրել | խմբագրել կոդը]1984 թվականին ավարտել է Երևանի բժշկական ինստիտուտը։ 1984-1999 թվականներին աշխատել է ԵԲԻ ներքին հիվանդությունների ամբիոնում (1995-1999 թվականներին՝ դոցենտ), 1994-1995 թվականներին, միաժամանակ՝ «Էրեբունի» բժշկական կենտրոնի փոխտնօրեն, 1999-2001 թվականներին՝ Մոսկվայի Ն. Վ. Սկլիֆոսովսկու անվան բժշկական կենտրոնի անհետաձգելի սրտաբանության բաժանմունքում, 2001 թվականից՝ Հայաստանում շվեյցարական «Ֆ-Հոֆման-Լյա Ռոշ» դեղագործական ֆիրմայում և Երևանի Եվրոպական ԲԿ ընտանեկան բաժանմունքում[2]։
Անուշ Օրդյանի աշխատանքները վերաբերում են անկայուն կրծքային հեղձուկի ժամանակ արյան թրոմբահարուցիչ հատկություններին, սրտամկանի ինֆարկտի վաղ բարդությունների դեղորայքային և վիրահատական բուժմանը[2]։
Գիտական աստիճան
[խմբագրել | խմբագրել կոդը]- Բժշկական գիտությունների թեկնածու (1988)
- Բժշկական գիտությունների դոկտոր (1999)
Անդամակցություն
[խմբագրել | խմբագրել կոդը]- ՌԴ թերապևտների գիտական ընկերության քարտուղար (1999-2001)[2]
Ծանոթագրություններ
[խմբագրել | խմբագրել կոդը]- ↑ Армянский филиал Российской академии естественных наук, ОРДЯН АНУШ МИХАЙЛОВНА
- ↑ 2,0 2,1 2,2 Ով ով է. Հայեր. Կենսագրական հանրագիտարան, հատոր երկրորդ, Երևան, 2007, էջ 687։