Անմեղ սպանվածներին (հուշարձան, Դոնի Ռոստով)
«Անմեղ սպանվածներին» հուշարձան | |
---|---|
Տեսակ | հուշարձան |
Ստեղծում | 1994 |
Երկիր | Ռուսաստան |
Բնակավայր | Դոնի Ռոստով |
Նյութ | մարմար |
Ներկա վիճակ | կանգուն |
Monument to innocent murdered, Rostov on Don Վիքիպահեստում |
Արտաքին պատկերներ | |
---|---|
«Անմեղ սպանվածներին» հուշարձանի լուսանկարներ |
«Անմեղ սպանվածներին» հուշարձան (ռուս.՝ Памятник «Невинно убиенным»), հուշահամալիր Դոնի Ռոստովի կենտրոնում, որը կանգնեցվել է 1921-1961 թվականներին Ռոստովի մարզի բռնադատվածների հիշատակին։ Հուշարձանը բացվել է Քաղաքական բռնությունների զոհերի հիշատակի օրը՝ 1994 թվականի հոկտեմբերի 30-ին, անօրինական քաղաքական ռեպրեսիաների զոհերի «Մեմորիալ» Ռոստովի մարզային ասոցիացիայի և նրա նախագահ, նախագծի հեղինակներից մեկի՝ Է. Ի. Եմելյանովի նախաձեռնությամբ։ Ամեն տարի հոկտեմբերի 30-ին հուշահամալիրի մոտ անցկացվում է հանրահավաք քաղաքական ճնշումների զոհերի հիշատակին և տեղադրվում են ծաղիկներ[1]։ 1921-1961 թվականներին Ռոստովի մարզում քաղաքական դրդապատճառներով բռնադատվել է մոտ 90 հազար մարդ, որոնցից 16130-ը գնդակահարվել է։ Նրանց գերեզմանների վայրն անհայտ է[2]։
Նկարագրություն[խմբագրել | խմբագրել կոդը]
Հուշահամալիրը բաղկացած է երեք մարմարե կոթողից և «Վշտի պատից»։ Կենտրոնական հուշակոթողի ցոկոլը սև է, իսկ վերին մասը ներկված է սպիտակ և կարմիր։ Կենտրոնում քառանկյուն խաչ է, որի երկու կողմերում գրված է. «Անմեղ սպանվածներին»։ Գագաթին տեղադրված է վեցանկյուն մետաղյա խաչ և խորհրդանշական ճաղավանդակ նրա տակ։ Հուշարձանի ցոկոլին 192 ճամբարների և հուշահամալիրի կառուցմանը օժանդակած անձանց անունների ցուցակն է։ Կենտրոնական հուշակոթողի հակառակ կողմում պատկերված են կրոնական դավանանքների խորհրդանիշերը, ինչպես նաև կոմունիստական շարժման խորհրդանիշ հնգաթև աստղը մուրճ և մանգաղով։
«Վշտի պատը» գտնվում է կենտրոնական կոթողի հետևում։ Դրա վրա տեղադրված է ԽՍՀՄ քարտեզը, որի վրա նշված են հիմնական ճամբարները։ Բերված են քաղաքական բռնությունների զոհերի տվյալները ինչպես ամբողջ երկրում, այնպես էլ Ռոստովի մարզում։
Հուշարձանն ավելի քան 20 անգամ ենթարկվել է վանդալների հարձակումներին։ 2006 թվականին համալիրը վերանորոգվել է քաղաքային վարչակազմի միջոցներով։ Երեսպատման մարմարե սալիկները փոխարինվել են մետաղականներով, պատրաստվել է «Վշտի պատի» նոր տեղեկատվական տախտակ[3]։
Ծանոթագրություններ[խմբագրել | խմբագրել կոդը]
- ↑ «Мемориал невинно убиенным» (ռուսերեն). Памятники всего мира. Վերցված է 2017 թ․ հունվարի 19-ին.
- ↑ «Невинно убиенным» (ռուսերեն). Памятники Дона. Վերցված է 2017 թ․ հունվարի 19-ին.
- ↑ «Мемориал «Невинно убиенным» в Ростове-на-Дону». Виртуальный музей ГУЛага. Արխիվացված է օրիգինալից 2018 թ․ դեկտեմբերի 20-ին. Վերցված է 2017 թ․ հունվարի 19-ին.