Անդրիասովի տուն (Դոնի Ռոստով)

Վիքիպեդիայից՝ ազատ հանրագիտարանից
Jump to navigation Jump to search
Museum Silhouette.svg
Անդրիասովի տուն
Տեսակտեսարժանություն
ԵրկիրFlag of Russia.svg Ռուսաստան
ՏեղագրությունԴոնի Ռոստով
Հիմնադրված է1965
Կոորդինատներ: 47°13′29.679600099996″ հս․ լ. 39°43′39.385200099996″ ավ. ե. / 47.22491100002777387° հս․. լ. 39.72760700002777412° ավ. ե. / 47.22491100002777387; 39.72760700002777412

Անդրիասովի տուն (ռուս.՝ Дом Андриасова), շենք Ռուսաստանի Դոնի Ռոստով քաղաքում, որտեղ ապրել է խորհրդահայ գրող, լրագրող և հրապարակախոս Միխայիլ Անդրիասովը։ Ինը հարկանի աղյուսե շենքը կառուցվել է 1965 թվականին։

Պատմություն[խմբագրել | խմբագրել կոդը]

Այն շենքը, որտեղ 1969-1984 թվականներին ապրել և աշխատել է հայազգի գրող Միխայիլ Անդրեյի Անդրիասովը, գտնվում է Դոնի Ռոստովի Համալսարանական նրբանցք, 53/54 հասցեում։ Շենքը կառուցվել է 1965 թվականին։ Մ. Անդրիասովը Ղուկաս Մադոյանի հերոսական գումարտակի մասին պատմող բազմիցս վերահրատարակված «Վեց օր» վիպակի, «Յուրա Տարասովի ինքնաձիգը», «Իշխող բարձունք», «Լեգենդ ոսկե ձիու մասին», «Մերձդոնյան իրողություն» գրքերի և այլ ստեղծագործությունների հեղինակ է։ Մահացել է Դոնի Ռոստովում, 1984 թվականի ապրիլի 25-ին, կյանքի 70-րդ տարում։

Գրողը բնակվել է չորրորդ հարկում՝ երեքսենյականոց թիվ 27 բնակարանում։ Նրա բնակարանի պատուհանները նայել են դեպի Համալսարանական նրբանցք։ Պահպանվել է գրողի աշխատասենյակի հուշային նկարագիրը։

1988 թվականին շենքի պատին փակցվել է հուշատախտակ, որի վրա գրված է.

Aquote1.png Այս տանը 1969-1984 թվականներին ապրել և աշխատել է գրող Միխայիլ Անդրեյի Անդրիասովը (1914-1984)։ Aquote2.png


Ավելի ուշ հուշատախտակի վերևում տեղադրվել է գրողի ցածրաքանդակը։

Ճարտարապետություն[խմբագրել | խմբագրել կոդը]

Շենքը ինը հարկանի է, աղյուսե, ցոկոլի վրա, ճակատը՝ պատշգամբներով։ Շենքի ճարտարապետական դիմագիծը որոշում է գլխավոր ճակատի կենտրոնում կրկնապատկված լուսամուտատեղերի և պատշգամբների ռիթմը։ Ցածր առաջին հարկում տեղակայված են խանութների ցուցափեղկեր։ Այս և բարձրահարկ հարևան շենքի միջև գտնվում է մուտքը դեպի շենքի ներքին բակ։

Շինությունն ուղղանկյունաձև է։ Նրա հատակագծման հիմքը կազմում է աստիճանավանդակը, որի շուրջը գտնվում են բնակարանները։

Գրականություն[խմբագրել | խմբագրել կոդը]

  • Комсомолец. - 1971. - 7 января.
  • Писатели Дона - Ростов-н/Д, 1986. - С. 46 - 51.

Արտաքին հղումներ[խմբագրել | խմբագրել կոդը]