Ամառանոցում (ռուս.՝ На даче), խորհրդային տիկնիկային մուլտֆիլմ, որը 1954 թվականին նկարահանել է ռեժիսոր Գրիգոր Լոմիձեն, ըստ Անտոն Չեխովի նույնանուն հեքիաթի մոտիվների։
Ամառանոցավար Պավել Վիխոդցևը տարօրինակ գրություն է ստանում, որը նրան առաջարկում էր հանդիպել տաղավարում։ Տաղավարում նա հանդիպում է իր զարմիկ Միտյային, որը ստացել էր նույն նամակից։ Նրանք վիճում են, բայց տաղավարում հայտնված կինն ասում է, որ այդ ամենի հեղինակն ինքն է, քանի որ ուզում էր տղամարդկանց հեռացնել տնից, որտեղ լվացվում էր հատակը։
1953 թվականին «Սոյուզմուլտֆիլմ» ստուդիայում նորից վերսկսվել են այնպիսի ֆիլմերի նկարահանումներ, որտեղ կերպարները պատկերվել են դերասան տիկինիկների ձևով։ Այդ թվում էին նաև այնպիսի դերասան տիկնիկներ, որոնց գլուխները պատրաստվել էին բնական ծակոտկեն կաուչուկից։ Առաջին անգամ ռետինե դերասան տիկնիկներին հանդիսատեսը տեսել է 1954 թվականին, Գ․ Լոմիձեի «Ամառանոցում» մուլտֆիլմում, որը նկարահանվել էր ըստ Ա․ Չեխովի համանուն հեքիաթի։ Հետագայում տիկնիկ–դերասաններ պատրաստելու համար սկսել են օգտագործել պորոլոն։ Սակայն որոշ դեպքերում այդպիսի տիկին դերասաններին շարունակում են կոչել «ռետինե տիկնիկներ»։