Ալի Ալմոեզ

Վիքիպեդիայից՝ ազատ հանրագիտարանից
Jump to navigation Jump to search
Football pictogram.svg
Ալմոեզ Ալի
Almoez Ali.jpg
Անձնական տվյալներ
Քաղաքացիությունը Flag of Qatar.svg Կատար
Ծննդյան ամսաթիվ օգոստոսի 19, 1996(1996-08-19)[1] (23 տարեկան)
Ծննդավայր Խարթում, Սուդան
Հասակ 1,84 մետր
Դիրք հարձակվող
Պատանեկան կարիերա
Բելգիա Էյպեն
Մասնագիտական կարիերա*
Տարի Ակումբ Խաղ (Գոլ)
2015 Ավստրիա ԼԱՍԿ 7 (1)
2015  Ավստրիա Պաշինգ 4 (5)
2016 Իսպանիա Կուլտուրալ Լեոնեսա 10 (1)
2016—մ․հ․ Կատար Ալ-Դուխայիլ 59 (18)
Ազգային հավաքական
2013—մ․հ․ Կատար Կատար 37 (19)
* Մասնագիտական կարիերայում ընդգրկված են միայն առաջնության խաղերը և գոլերը:

Ալմոյեզ Ալի Զայնալաբադդին Աբդուլա (արաբ․՝ المعز علي زين العابدين عبد الله‎‎‎‎, օգոստոսի 19, 1996(1996-08-19)[1], Խարթում, Սուդան), կատարցի ֆուտբոլիստ, «Ալ-Դուխայիլ» ակումբի և Կատարի ազգային հավաքականի հարձակվող։ 2019 թվականի Ասիայի գավաթի խաղարկության հաղթող, մրցաշարի լավագույն խաղացող և ռմբարկու։

Ակումբային կարիերա[խմբագրել | խմբագրել կոդը]

Ծնվել է 1996 թվականի օգոստոսի 19-ին։ «Ալ-Դուխայիլ» պատանեկան ակումբի սան է[2], որից հետո հայտնվել է «Էյպեն» ակումբի կազմում, որտեղ նույնպես խաղացել է միայն երիտասարդական մակարդակում[3]։

Պրոֆեսիոնալ մակարդակում իր նորամուտը կատարել է ավստրիական ԼԱՍԿ (Լինց) ակումբի կազմում[4]՝ խաղադաշտ դուրս գալով «Աուստրիա» ակումբի դեմ խաղում՝ 2015/16 մրցաշրջանի Ավտրիայի երկրորդ լիգայի 5-րդ տուրի շրջանակներում, իսկ 2015 թվականի նոյեմբերի 27-ին «Ֆլորիդսդորֆ» ակումբի դեմ խաղում խփել է առաջին գոլն ակումբում[5]։ Վարձավճարային հիմունքներով խաղացել է նաև «Պաշինգ» ֆարմ-ակումբի կազմում երրորդ դիվիզիոնում։

2016 թվականի սկզբին դարձել է իսպանական Սեգունդա Բ-ի «Կուլտուրալ Լեոնեսա» ակումբի խաղացող[6] և Լեոնի ակումբում անցկացրել 10 խաղ։ 2017 թվականի ապրիլի 3-ին խփել է իր միակ գոլը ակումբի կազմում՝ աչքի ընկնելով «Արանդինա» ակումբի դեմ խաղում (1:0)[7]:

2016 թվականի ամռանը վերադարձել է Կատար, որտեղ նորից դարձել է «Ալ-Դուխայիլ» ակումբի խաղացող։ Թիմի հետ միասին նվաճել է մի շարք ազգային տիտղոսներ։

Ելույթները հավաքականում[խմբագրել | խմբագրել կոդը]

2014 թվականին կատարել է իր նորամուտը Կատարի պատանեկան հավաքականում, որի կազմում դարձել է Ասիայի գավաթի պատանեկան (մինչև 19) խաղարկության հաղթող՝ աչքի ընկնելով 3 գոլերով. խմբային փուլում գրավել է Հյուսիսային Կորեայի դարպասը[8], քառորդ եզրափակչում՝ Չինաստանի[9], իսկ կիսաեզրափակչում՝ Բիրմի[10]։

2015-2018 թվականներին ընդգրկվել է Կատարի երիտասարդական հավաքականի կազմում, որի հետ մասնակցել է 2015 թվականի աշխարհի երիտասարդական առաջնությանը Նոր Զելանդիայում, որտեղ խաղացել է բոլոր երեք խաղերում, սակայն հավաքականը բոլոր խաղերում պարտվել է և զբաղեցրել վերջին տեղը։ Ընդհանուր առմամբ Ալմոեզ Ալին երիտասարդական մակարդակում անցկացրել է 14 պաշտոնական խաղ և խփել 7 գոլ։

2013 թվականի դեկտեմբերի 21-ին կատարել է իր նորամուտը պաշտոնական խաղերում Կատարի ազգային հավաքականի կազմում՝ մասնակցելով Բահրեյնի հավաքականի դեմ ընկերական խաղին (1:1)[11]։

Հավաքականի կազմում մասնակցել է 2019 թվականի Ասիայի գավաթի խաղարկությանն ԱՄԷ-ում, որտեղ խմբային փուլի՝ Հյուսիսային Կորեայի հավաքականի դեմ խաղում ձևակերպել է պոկեր[12]։ Խմբային փուլի երրորդ՝ Սաուդյան Արաբիայի հավաքականի դեմ խաղում խփել է երկու գոլ և օգնել իր թիմին հաղթել 2։0 հաշվով։ Արդյունքում ազգային հավաքականի կազմում դարձել է Ասիայի գավաթի դափնեկիր։

2019 թվականի ամռանը Ալին հրավիրվել է Կատարի հավաքական՝ մասնակցելու Ամերիկայի գավաթի խաղարկությանը, որը տեղի է ունեցել Բրազիլիայում։ Խմբային փուլի առաջին՝ Պարագվայի դեմ խաղում նա աչքի է ընկել գոլով հանդիպման 68-րդ րոպեին, իսկ թիմը խաղն ավարտել է ոչ-ոքի (2։2)։

Ձեռքբերումներ[խմբագրել | խմբագրել կոդը]

  • 2019 Ասիայի գավաթի դափնեկիր
  • Կատարի չեմպիոն (2) – 2016/17, 2017/18
  • Կատարի էմիրի գավաթի դափնեկիր – 2016, 2018
  • Յասիմ շեյխի գավաթի դափնեկիր – 2016

Ծանոթագրություններ[խմբագրել | խմբագրել կոդը]

  1. 1,0 1,1 Transfermarkt.com — 2000.
  2. «AlMoez ‘AlMoez’ Ali Abdulla (32) Forward»։ LASK Linz։ Արխիվացված է օրիգինալից 2015-08-02-ին։ Վերցված է 24 January 2016 
  3. «Katar mit 6 KAS-Spielern» (German)։ KAS Eupen։ 5 June 2015։ Վերցված է 24 January 2016 
  4. «Almoez Ali»։ Norsk Internasjonal Fotballstatistikk։ Վերցված է 24 December 2015 
  5. «LASK Linz-Floridsdorfer AC»։ Republica Sport։ 27 November 2015։ Վերցված է 24 January 2016 
  6. Marcel Yildiz (4 January 2016)։ «Duo verlässt den LASK» (German)։ Fussball Imnetz 
  7. «Continúa la mala racha ribereña»։ Diario de Burgos։ 3 April 2016։ Վերցված է 6 October 2017 
  8. Feuille du match Corée du Nord U19 — Qatar U19 sur footballdatabase.eu
  9. Feuille du match Qatar U19 — Chine U19 sur footballdatabase.eu
  10. Feuille du match Birmanie U19 — Qatar U19 sur footballdatabase.eu
  11. «Abdulla, Almoez Ali»։ national-football-teams.com։ Վերցված է 24 January 2016 
  12. «AFCS»։ stats.the-afc.com։ Վերցված է 2019-01-14