Աիդա Իսմաիլովա

	Աիդա Իսմաիլովա
Կրթություն՝	Bishkek Humanities University? (1999)
Մասնագիտություն՝	քաղաքական գործիչ
Ծննդյան օր	դեկտեմբերի 17, 1976 (47 տարեկան)
Ծննդավայր	Բիշքեկ, Ղրղզական ԽՍՀ, ԽՍՀՄ
Քաղաքացիություն	Ղրղզստան

Աիդա Ժեկշենբաևնա Իսմաիլովա (դեկտեմբերի 17, 1976(1976-12-17), Բիշքեկ, Ղրղզական ԽՍՀ, ԽՍՀՄ^[1]), ղրղզ կին քաղաքական գործիչ։ «Աթա Ժուրտ հանրապետություն» կուսակցության անդամ։ 2020 թվականի ապրիլի 1-ից երկրի փոխվարչապետն է։ 2015 թվականից Ժոգորկու Քենեշի (խորհրդարան) պատգամավոր է։ Պարգևատրվել է Ղրղզստանի Հանրապետության «Արդակ» պատվոգրով, Ղրղզստանի միլիցիոներների ասոցիացիայի «Դաթկա Հայիմ» գերազանցության պատվո մեդալով^[1]^[2]։

Կենսագրություն[խմբագրել | խմբագրել կոդը]

Ծնվել է 1976 թվականի դեկտեմբերի 17-ին Խորհրդային Ղրղզստանի Ֆրունզե քաղաքում (այժմ՝ Բիշքեկ)^[2]՝ ուսուցչի ընտանիքում։ Իսմաիլովայի հայրը՝ Ժեքշենբայը, երկար տարիներ աշխատել է կրթության ոլորտում, իսկ Ուրգազիևի մայրը՝ Կուզիպան, զբաղվել է երեխաների դաստիարակությամբ^[1]։

1994 թվականին ավարտել Է Բիշքեկ քաղաքի թիվ 62 դպրոցը։ 1994-1999 թվականներին սովորել է Բիշքեկի հումանիտար համալսարանի արևելագիտության ֆակուլտետում, ստացել «տնտեսագետ-արևելագետ» մասնագիտությունը, մասնագիտացել է Կորեայի Հանրապետության տնտեսության մեջ^[1]^[2]։

1997 թվականին լինելով ուսանող` դասավանդել է կորեերեն Բիշքեկ քաղաքի «Բալասագին» մասնավոր դպրոցում։ 1998-2002 թվականներին աշխատել է որպես թարգմանիչ (համատեղության կարգով) «Փխուրիլ Քիլ» ընկերությունում, 2002-2005 թվականներին՝ երկրաբանության բնագավառում գլխավոր մենեջեր, թարգմանիչ «Խանուլ» ընկերությունում, 2005-2006 թվականներին՝ որպես թարգմանիչ կորեական «Վենչուր Սի էնդ Սի Պլազա» ընկերությունում և 2006-2008 թվականներին՝ որպես գլխավոր մենեջեր և թարգմանիչ, 2006-2010 թվականներին՝ կորեական «PARK8 OPC» ընկերության տարածաշրջանային ներկայացուցիչ։ 2011-2015 թվականներին աշխատել է որպես «Silk road services» ընկերության գլխավոր տնօրեն»^[1]^[2]։

2012 թվականին մասնակցել է անձնագրերի անհատականացման պետական կենտրոնի ստեղծմանը, անհատույց օգնություն է ներգրավել սարքավորումների, ծրագրային ապահովման և տեխնիկական սպասարկման տեսքով^[1]։

2015 թվականի խորհրդարանական ընտրությունների արդյունքներով «Աթա Ժուրտ հանրապետություն» կուսակցությունից ընտրվել է 6-րդ գումարման պատգամավոր Ժոգորկա Քենեշում (խորհրդարան)։ Սոցիալական, կրթության, գիտության, մշակույթի և առողջապահության հարցերով կոմիտեի անդամ է։ 2016 թվականից հանդիսանում է Կորեայի Հանրապետության հետ համագործակցության պատգամավորական խմբի ղեկավարը^[1]։

2020 թվականի ապրիլի 1-ին նշանակվել է փոխվարչապետ^[2]։

Անձնական կյանք[խմբագրել | խմբագրել կոդը]

Ամուսնացած է, ունի երկու երեխա^[1]^[2]։

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 ^1,3 ^1,4 ^1,5 ^1,6 ^1,7 «Исмаилова Аида Жекшенбаевна». Жогорку Кенеш. Վերցված է 2020 թ․ հուլիսի 13-ին.
↑ ^2,0 ^2,1 ^2,2 ^2,3 ^2,4 ^2,5 «Исмаилова Аида Жекшенбаевна — биография». Sputnik. 2019 թ․ սեպտեմբերի 27. Վերցված է 2020 թ․ հուլիսի 13-ին.

Արտաքին հղումներ[խմբագրել | խմբագրել կոդը]

«Իսմաիլովա Աիդա Ժեկշենբաևնա». Ժոգորկու Քենեշ. Վերցված է 2020 թ․ հուլիսի 13-ին.
«Իսմաիլովա Աիդա Ժեկշենբաևնա - կենսագրություն». Sputnik. 2019 թ․ սեպտեմբերի 27. Վերցված է 2020 թ․ հուլիսի 13-ին.

[ken-1] 1,0 ^1,1 ^1,2 ^1,3 ^1,4 ^1,5 ^1,6 ^1,7 «Исмаилова Аида Жекшенбаевна». Жогорку Кенеш. Վերցված է 2020 թ․ հուլիսի 13-ին.

[spu-2] 2,0 ^2,1 ^2,2 ^2,3 ^2,4 ^2,5 «Исмаилова Аида Жекшенбаевна — биография». Sputnik. 2019 թ․ սեպտեմբերի 27. Վերցված է 2020 թ․ հուլիսի 13-ին.

[1]

[2]