Ադամյան փողոցի կառուցապատման հատված (Շուշի)
Ադամյան փողոցի կառուցապատման հատված | |
---|---|
Քաղաքային բաղնիքի շենքը | |
Երկիր | Արցախ |
Քաղաք | Շուշի |
Բնակավայր | Շուշի, Շուշիի շրջան |
Փողոց | Հովհաննես Ադամյան փողոց |
Հասցե | Հովհաննես Ադամյան փողոցի հյուսիսային հատված |
Ադամյան փողոցի կառուցապատման հատված, 19-րդ դարի ճարտարապետական միջավայր և պատմամշակութային հուշարձանների համալիր Արցախի Հանրապետության Շուշիի շրջանի Շուշի քաղաքում[1]։ Տեղակայված է Շուշիի հյուսիս-արևելքում և ընդգրկում է Հովհաննես Ադամյան փողոցի հյուսիսային ամբողջ հատվածը[1]։ Ներառված է՝ Շուշիի պատմության և մշակույթի անշարժ հուշարձանների ցանկում։
Պատմամշակութային հուշարձանները[խմբագրել | խմբագրել կոդը]
Ադամյան փողոցի կառուցապատման հատվածը բաղկացած է 10 պատմաճարտարապետական շինություններից․
- №1 Բնակելի տուն (19-րդ դար)
- №3 Բնակելի տուն (19-րդ դար)
- №5 Բնակելի տուն (19-րդ դար) - եղել է ՀՅԴ բյուրոյի շենքը
- №5 Բնակելի տան դիմաց - Բնակելի տուն (19-րդ դար)
- №7 Թաղային աղոթարան («Մարդինլի» մզկիթ, 19-րդ դար)
- №9 Հասարակական շենք (19-րդ դար)
- №9 Բնակելի տան դիմաց - Իվան Թևոսյանի բնակելի տուն (19-րդ դար)
- Ադամյան և Տմբլաչի Խաչանի փողոցների խաչմերուկի արևելյան կողմում- Բնակելի տուն (19-րդ դար)
- Ադամյան և Թևանի փողոցների խաչմերուկ - Միրզաջան Մահտեսի Հակոբյանի բնակելի տուն (Մահտեսի Հակոբյանի տպարանի շենք)
- Տմբլաչի Խաչան և Ադամյան փողոցների խաչմերուկի արևմտյան կողմ - Քաղաքային բաղնիքի շենք
Վերականգնման փորձ[խմբագրել | խմբագրել կոդը]
2004 թվականին «Շուշի» բարեգործական հիմնադրամը, ելնելով Շուշի քաղաքի զարգացման իր հայեցակարգից, ինչպես և եվրոպական նմանատիպ քաղաքների վերակառուցման փորձից, մշակել էր քաղաքային մի հատվածի` Հովհաննես Ադամյանի անվան փողոցի 19-րդ դարի ճարտարապետական միջավայրի վերականգնման ծրագիրը[1]։ Քաղաքի իշխանություններից ստանալով քաղաքի այդ հատվածի վերակառուցման իրավունքը, «Շուշի» հիմնադրամը պայմանագիր է կնքում իրավաբանական այն սուբյեկտների հետ, որոնք պատրաստ են վերականգնել տվյալ շենքը, նրա շինարարության ավարտից հետո ներդնել շահավետ բիզնես` ելնելով քաղաքի զբոսաշրջության զարգացման պահանջներից[1]։
Փողոցի ամբողջական վերակառուցումը պետք է ավարտվեր 2008 թվականի աշնանը[1]։