Ագրարային հեղափոխություն

Վիքիպեդիայից՝ ազատ հանրագիտարանից
Jump to navigation Jump to search

Ագրարային հեղափոխություն, ագրարային հարաբերությունների արմատական վերափոխման պրոցես։ Ագրարային հեղափոխություններ են կատարվել Անգլիայում, Ֆրանսիայում և այլ երկրներում։

Անգլիայում 16–17-րդ դարերում բուրժուականացող ազնվականությունը, ճորտային կախվածությունից ազատագրված գյուղացիությանը բռնի ուժով քշեց իր հողաբաժիններից։ Սեփականազրկվելով՝ գյուղացիության զգալի մասը վերածվեց պրոլետարիատի։ Աստիճանաբար ձևավորվեց ֆերմերների դասակարգը։ Սոցիալ-տնտեսական վերափոխումների հիման վրա Անգլիայում ֆեոդալական ագրարային հարաբերությունները վերաճեցին կապիտալիստական ագրարային հարաբերությունների։ Բուրժուական հողատիրության կողքին պահպանվեցին նաև հողատիրության նախկին ձևերը։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ CC-BY-SA-icon-80x15.png