Աբդուլ Գանի Ահմադ
Աբդուլ Գանի Ահմադ մալայերեն՝ Adbul Ghani Ahmad | |
---|---|
Ծնվել է | հոկտեմբերի 28, 1945 (78 տարեկան) |
Մասնագիտություն | նկարիչ |
Աբդուլ Գանի Ահմադ (մալայերեն՝ Abdul Ghani Ahmad, հոկտեմբերի 28, 1945), մալազիացի ինքնուս նկարիչ-ջրանկարիչ։
Կենսագրություն[խմբագրել | խմբագրել կոդը]
Աբդուլ Գանի Ահմադը ծնվել է 1945 թվականի հոկտեմբերի 28-ին Կուալա Մուդայում, գյուղացիական աղքատ ընտանիքում և եղել է 13 երեխաներից ավագը։ Ավարտել է Կուալա-Կետիլի (Քեդախ) տարրական դպրոցը։ 1965-1986 թվականներին ծառայել է Մալայզիայի զինված ուժերի հատուկ նշանակության զորքերում։ Ծառայությունն ավարտել է որպես պաշտպանության նախարարության գրաֆիկ կապրալ կոչումով։ Ծառայության մեջ լինելով պաշտպանության նախարարությունում՝ ավարտել է Ազգային պատկերասրահին առընթեր դասընթացները։ 1987 թվականին ձեռք է բերել ստուդիա Կուալա Լումպուրի արվեստի շուկայում, որտեղ կատարել է հաճախորդների պատվերները։ 2012 թվականին սկսել է աշխատել տնային ստուդիայում։
Ջրանկարիչների Ասիական կոնֆեդերացիայի, Մալայզիայի ջրանկարիչների կազմակերպության, Մալայզիայի նկարիչների միության անդամ է[1]։
Ստեղծագործություն[խմբագրել | խմբագրել կոդը]
Աշխատում է ջրաներկով և ակրիլային ներկով բնանկարի, գյուղական բնանկարչության, ինչպես նաև անառարկա արվեստի ժանրերում։ Աշխատանքներն աչքի են ընկնում լուսանկարչական ճշգրտությամբ և դետալների մանրամասն պատկերմամբ[2]։ Նրա ամենահայտնի նկարներից են՝ «Կուսական բնություն» (1983), «Ճանապարհորդություն» (2005-2011), «Մալայզիայի ֆլորան» (2008)[3]։ 1978 թվականից մասնակցել է ավելի քան 60 ցուցահանդեսների Մալայզիայում, Հոնկոնգում, Չինաստանում, Թաիլանդում, Սինգապուրում։ Առաջին անհատական ցուցահանդեսը տեղի է ունեցել 1991 թվականին։ Թողարկել է բացիկների շարք Մալայզիայում բնապատկերներով։
Ծանոթագրություններ[խմբագրել | խմբագրել կոդը]
- ↑ Alam Arts : Abdul Ghani Ahmad
- ↑ Siti Sainon Ismail. Abd. Ghani Ahmad dengan Perjalanannya. Kuala Lumpur, 1991 (ցուցահանդեսի կատալոգ)
- ↑ https://www.invaluable.com/artist/ahmad-abdul-ghani-dc0izfjuln http://kl-lifestyle.com.my/abdul-ghani-ahmad/