Աբդելմաջիդ Թեբուն
| Աբդելմաջիդ Թեբուն | |
_(crop).jpg)
| |
| Կուսակցություն՝ | Ազգային ազատության ճակատ |
|---|---|
| Կրթություն՝ | Ազգային կառավարման դպրոց |
| Մասնագիտություն՝ | քաղաքական գործիչ |
| Դավանանք | իսլամ |
| Ծննդյան օր | նոյեմբերի 17, 1945 (77 տարեկան) |
| Ծննդավայր | Mécheria, Mécheria District, Naama Province, Ալժիր |
| Քաղաքացիություն |  Ալժիր
|
| Պարգևներ |
 և  |
Աբդելմաջիդ Թեբուն (արաբ․՝ عبد المجيد تبون, նոյեմբերի 17, 1945, Mécheria, Mécheria District, Naama Province, Ալժիր), պետական և քաղաքական գործիչ, Ալժիրի Ժողովրդական Ժողովրդավարական Հանրապետության նախագահ (2019 թվականի դեկտեմբերի 19-ից)։ Ավելի վաղ երկու անգամ զբաղեցրել է բնակարանաշինության նախարարի պաշտոնը, իսկ 2017 թվականին նշանակվել է երկրի վարչապետի պաշտոնում։
Կենսագրություն[խմբագրել | խմբագրել կոդը]
Վաղ տարիներ[խմբագրել | խմբագրել կոդը]
Ծնվել է 1945 թվականի նոյեմբերի 17-ին Ալժիրի Մեշերիա քաղաքում։ 1965 թվականին ավարտել է վարչարարության ազգային դպրոցը։ 1991-1992 թվականներին եղել է Ալժիր քաղաքի մունիցիպալ կառավարության նախարար-պատվիրակ։ 1999 թվականից մինչև 2000 թվականը Ալժիրի կառավարությունում աշխատել է որպես հաղորդակցության և մշակույթի նախարար, իսկ 2000-2001 թվականներին կրկին պետական ծառայություն է անցել որպես մունիցիպալ կառավարության պատվիրակ նախարար[1][2]։
Աշխատանք կառավարությունում[խմբագրել | խմբագրել կոդը]
Աբդելմաջիդ Թեբունը 2001-2002 թվականներին զբաղեցրել է բնակարանաշինության և քաղաքային պլանավորման նախարարի պաշտոնը։ 2012-2017 թվականներին կրկին աշխատել է այդ պաշտոնում։ 2017 թվականի մայիսի 25-ին նշանակվել է երկրի վարչապետի պաշտոնում՝ այդ պաշտոնում փոխարինելով Աբդելմալեկ Սելալին[3][4]։ Սակայն շուտով՝ օգոստոսի 16-ին, նա պաշտոնանկ արվեց։ Պատճառը պետական պայմանագրերի բաշխումը ստուգելու նրա փորձերն են[5]։
Ալժիրի նախագահ[խմբագրել | խմբագրել կոդը]
2019 թվականին մասնակցել է նախագահական ընտրություններին, որտեղ հաղթանակ է տարել արդեն 1-ին փուլում՝ ստանալով գրեթե 5 մլն ձայն (58,15%)։ Դեկտեմբերի 19-ին պաշտոնապես ստանձնել է պետության ղեկավարի պաշտոնը[6]։
Թեբունի նախագահության ընթացքում շարունակվում էին զանգվածային բողոքի ցույցերը։ Չնայած Թեբունը փորձում էր իրեն դիրքավորել որպես Աբդելազիզ Բուտեֆլիկի ռեժիմից տուժած քաղաքական գործիչ, շատ ալժիրցիների համար նա նրա շրջապատի պաշտոնյաներից մեկն էր[7]։
Համազգային հանրաքվեում, որը տեղի է ունեցել 2020 թվականի նոյեմբերի 1-ին, քվեարկած քաղաքացիների 66,8 տոկոսը պաշտպանել Է երկրի Սահմանադրության մեջ կատարված փոփոխությունները, որոնք նախատեսում էին նախագահի իշխանության գտնվելը երկու ժամկետից ոչ ավելի և նրա լիազորությունների կրճատումը[8]։
Ծանոթագրություններ[խմբագրել | խմբագրել կոդը]
- ↑ عبد المجيد تبون
- ↑ «Архивированная копия»։ Արխիվացված է օրիգինալից 2017-05-29-ին։ Վերցված է 2017-06-13
- ↑ Algérie : qui est Abdelmadjid Tebboune, le nouveau Premier ministre d’Abdelaziz Bouteflika ? — JeuneAfrique.com
- ↑ Algerian energy, finance ministers replaced in reshuffle — APS | Reuters
- ↑ Алжир выбрал из пяти зол
- ↑ Новый глава Алжира принес президентскую присягу
- ↑ В Алжире заявили, что покончили со старым режимом
- ↑ В Алжире более 66% проголосовавших граждан поддержали поправки в конституцию
| ||||||
