Աբբեի դը Սիտո

Վիքիպեդիայից՝ ազատ հանրագիտարանից
Jump to navigation Jump to search
Աբբեի դը Սիտո
Fromage de Cîteaux.JPG
Տեսակպանիր կովի կաթից, ֆրանսիական պանիր, pressed uncooked cheese և farmstead cheese
Առաջացման երկիրFlag of France.svg Ֆրանսիա
Կաթկովի կաթ
Abbaye de Cîteaux (cheese) Վիքիպահեստում

Աբբեի դը Սիտո (ֆր.՝ Abbaye de Citeaux), ֆրանսիական կիսափափուկ պանիր՝ պատրաստած կովի կաթից:

Պանրատեսակը հայտնի է նաև Տրապ դը Սիտո (ֆր.՝ Trappe de Cîteaux) անունով: Ռեբլոշոն պանրի շարքին է պատկանում[1]:

Պատմություն[խմբագրել | խմբագրել կոդը]

Պանիրը սկսել են արտադրել 1925 թվականից Սուրբ Նիկողայոս աբբայությունում: Ամեն տարի մոնբելյար ցեղատեսակի 70 կովերի կաթից արտադրվում է շուրջ 60 տոննա Աբբեի դը Սիտո պանրատեսակից: Արտադրանքի մեծ մասն իրացվում է տեղական շուկայում[2]:

Պատրաստում[խմբագրել | խմբագրել կոդը]

Աբբեի դը Սիտո պանիրը պատրաստելու համար օգտագործվում է մոնբելյար ցեղատեսակի կովի չպաստերիզացված կաթ: Պանիրը հասունանում է հընթացս երկու ամիսների: Այդ ընթացքում պանիրը կանոնավոր կերպով լվանում են և շուռ տալիս[3]:

Նկարագիր[խմբագրել | խմբագրել կոդը]

Պանրի գլուխն ունի սկավառակի տեսք, որի տրամագիծը 18 սանտիմետր է, բարձրությունը՝ 3,5-ից 4 սմ: Պանրի ընդհանուր զանգվածը կազմում է 700 գրամ: Աբբեի դը Սիտո պանրի գլուխը պատված է վարդագույն-նարնջագույն երանգով հարթ կեղևով, որն ունի սպիտակ փափուկ փառ: Կեղևի տակ գտնվում է թեթևակի մամլած, միատարր, փայլուն սերուցքային միջուկը, որն ունի փղոսկրի գույն: Այդ միջուկը կարող է լինել թեթակի ծորուն: Պանրի ամբողջ զանգվածում կան տարածված ոչ մեծ աչքեր[2][3][4]:

Այս պանիրն աչքի է ընկնում նկուղային թեթև պանրահոտով, յուղոտ կրեմաձև կառուցվածքով, վառ քաղցրահամ մրգային համով[5]: Հրամցնում են երիտասարդ սառեցված Բոժոլե (ֆր.՝ Beaujolais) և Բուրգունդյան (ֆր.՝ Bourgogne) գինիներով, որոնք ունեն մրգային փնջի և խաղողի բուրմունք[3]:

Ծանոթագրություններ[խմբագրել | խմբագրել կոդը]

  1. «Аббеи де Сито» (ռուսերեն)։ «Сыры Франции»։ Վերցված է 2016-12-19 
  2. 2,0 2,1 Французские сыры: иллюстрированная энциклопедия, 2003, էջ 18
  3. 3,0 3,1 3,2 Джульет Харбатт, 2012, էջ 30
  4. «Аббе де Сито» (ռուսերեն)։ fromages-france.com։ Վերցված է 2016-12-19 
  5. «Аббе де Сито» (ռուսերեն)։ fromages-france.com։ Վերցված է 2016-12-19 

Գրականություն[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]