ԱԴԾ-ն պայթեցնում է Ռուսաստանը

Վիքիպեդիայից՝ ազատ հանրագիտարանից
Jump to navigation Jump to search
ԱԴԾ-ն պայթեցնում է Ռուսաստանը
Blowing Up Russia: Terror from Within
ՀեղինակԱլեքսանդր Լիտվինենկո և Yuri Felshtinsky?
Տեսակգրավոր աշխատություն
ԹեմաԱնվտանգության դաշնային ծառայություն, Russian apartment bombings? և ահաբեկչություն
Բնօրինակ լեզուռուսերեն և անգլերեն
OCLC481235634

ԱԴԾ-ն պայթեցնում է Ռուսաստանը (ռուս.՝ ФСБ взрывает Россию), Ալեքսանդր Լիտվինենկոյի և Յուրի Ֆելշտինսկու կողմից գրված գիրք[1]: Թարգմանվել է 20 լեզվով և հրատարակվել է ավելի քան 20 երկրներում[2]: Գրքում հեղինակները պատմում են 1999 թվականին աշնանը Ռուսաստանում բնակելի տների պայթյունների մասին, որոնք, ըստ հեղինակների, հանդիսացել է Ռուսաստանի Դաշնության Անվտանգության պետական ծառայության կեղծ դրոշի ներքո իրականացված (en) գաղտնի գործողություն՝ Չեչենական երկրորդ պատերազմը արդարացնելու և Վլադիմիր Պուտինին իշխանության հասցնելու համար: Սակայն Ռուսաստանում գիրքն պաշտոնապես բռնագրավվել և արգելվել է պետական գաղտնիքը բացահայտելու համար, ընդգրկվելով Ծայրահեղական նյութերի դաշնային ցանկի մեջ: Գրքում ներկայացված պատմությունը ի սկզբանե հրապարակվել է Յուրի Շչեկոչիխինի կողմից 2001 թվականի օգոսոտսին Նովայա գազետա թերթի հատուկ թողարկման մեջ, իսկ 2002 թվականին լույս է տեսել որպես առանձին գիրք[3]:

Նախապատմություն[խմբագրել | խմբագրել կոդը]

Համաձայն հարցազրույցի, Յուրի Ֆելշտինսկին Ռուսաստանում բնակելի տների պայթյունների մասին նյութեր է սկսվել հավաքել 2001 թվականին, չպատկերացնելով, որ Ռուսաստանի Անվտանգության պետական ծառայությունը կարող է դրանց կազմակերպման հետ որևէ կապ ունենալ[4]: Նա խիստ անհանգստացել էր, երբ պարզել էր, որ պայթյունները փաստացի կազմակերպել է ԱԴԾ-ն: Ֆելշտինսկին խորհրդակցել է գրող և Գլխավոր հետախուզական վարչության նախկին սպա Սերգեյ Սուվորովի հետ: Ֆելշտինսկին հարցրել է Սուվորովին՝ Անձամբ դուք կպայթեցնե՞ք անմեղ բնակիչներով տունը՝ հրամանը ստանալուց հետո: Սուվորովը պատասխանել է՝ Իհարկե, ես դա կանեմ: Դա մեր գործն է: Մենք միշտ հետևում ենք հրամաններին: Ֆելշտինսկին կապվել է Ալեքսանդր Լիտվինենկոյի հետ, ով դարձել է գրքի համահեղինակը: Ֆելշտինսկին ճանաչում էր Լիտվինենկոյին 1998 թվականից:

Ֆիլմ[խմբագրել | խմբագրել կոդը]

2001 թվականին գրքի հիման ֆրանսիացի պրոդյոսերներ Ժան-Շառլ Դենյոյի (Jean-Charles Deniau) և Շառլ Գազելի (Charles Gazelle) կողմից լույս է տեսել Հարձակում Ռուսաստանի վրա (ռուս.՝ Покушение на Россию) վավերագրական ֆիլմը (նաև հայտնի է որպես Պայթեցնելով Ռուսաստանը) [5]: Ալեքսանդր Լիտվինենկոն և Յուրի Ֆելշտինսկին աշխատել են որպես ֆիլմի խորհրդակիցներ: Ֆիլմը ցուցադրվել է հեռուստատեսությամբ Էստոնիայի, Լատվիայի և Լիտվայի հեռուստատեսությամբ:

Արտաքին հղումներ[խմբագրել | խմբագրել կոդը]

Կաղապար:Ալեքսանդր Լիտվինենկո

  1. Felshtinsky & Litvinenko 2007
  2. Yuri Felshyinsky against Yulia Latynina, RFE/RL, Interview with Yuri Felshtinsky where he refutes opinion by Yulia Latynina about Russian apartment bombings
  3. FSB blows up Russia
  4. http://www.svobodanews.ru/content/transcript/1814192.html
  5. Фильм BLOWING UP RUSSIA - Покушение на Россию