«Ռոստովէներգոյի» շենք
 | |
|---|---|
,_49.JPG) | |
| Տեսակ | տեսարժան վայր և շենք |
| Երկիր |  Ռուսաստան |
| Տեղագրություն | Դոնի Ռոստով |
| Փողոց | Բոլշայա Սադովայա փողոց (Դոնի Ռոստով) |
| Ճարտարապետական ոճ | Ստալինյան ճարտարապետություն |
| Ժառանգության կարգավիճակ | Ռուսաստանի մարզային նշանակության մշակութային ժառանգության օբյեկտ |
 | |
 | |
| 47°13′18″N 39°42′48″E / 47.221666666667°N 39.713333333333°E | |
«Ռոստովէներգոյի» շենք (ռուս.՝ Здание «Ростовэнерго»), վարչական շենք Ռուսաստանի Դոնի Ռոստով քաղաքում, որտեղ տեղակայված են Ռոստովի մարզի մի քանի խոշոր ընկերություններ։ Կառուցվել է 1952 թվականին ճարտարապետ Լև Էբերգի նախագծով[1]։ Շենքն ունի մշակութային ժառանգության տարածաշրջանային նշանակության օբյեկտի կարգավիճակ[2]։ Գտնվում է Բոլշայա Սադովա փողոց, 49/42 հասցեով։
Պատմություն
[խմբագրել | խմբագրել կոդը]Ներկայիս շենքի տեղում նախկինում եղել է քառահարկ շենք, որը քանդվել է Հայրենական մեծ պատերազմի ժամանակ։ «Ռոստովէներգոյի» ներկայիս շենքը կառուցվել է 1952 թվականին ճարտարապետ Լև Լեոնիդովիչ Էբերգի նախագծով՝ քաղաքի հետպատերազմյան վերակառուցման ընթացքում[1]։
Ռոստովի մարզի մշակույթի նախարարության 2015 թվականի դեկտեմբերի 14-ի թիվ 488 հրամանով «Ռոստովէներգոյի» շենքը ճանաչվել է մշակութային ժառանգության տարածաշրջանային նշանակության օբյեկտ[3]։ 2010-ական թվականներին շենքի մաշվածության աստիճանը հասել էր 35 տոկոսի, ինչի պատճառով 2016 թվականին սկսվեց վերականգնումը։ Աշխատանքները նախատեսել էին ավարտել մինչև 2018 թվականի ֆուտբոլի Աշխարհի առաջնության մեկնարկը[2]։
Ճարտարապետություն
[խմբագրել | խմբագրել կոդը]«Ռոստովէներգոյի» շենքը կառուցվել է խորհրդային նեոդասականության ոգով[2]։ Հիմնական և կողմնային ճակատների ձևավորման մեջ նկատվում են իտալական Վերածննդի տարրեր[1]։ Միջանցքային տիպի L-աձև շենքն ունի 5 հարկ։ Գլխավոր և կողմնային ճակատները երկու հարկի բարձրությամբ զարդարված են խոշոր կոպիտ սվաղով։ Բոլշայա Սադովայա փողոցին նայող հիմնական ճակատի կենտրոնական հատվածն ընդգծվում է երկու առաջին հարկերի բարձրությամբ կեղծ կամարաշարով, 3-րդ, 4-րդ և 5-րդ հարկերում խորշապատշգամբներով և պսակվում է ձեղնահարկի լուսամուտ ունեցող աստիճանավոր ատտիկոսով։ 3-րդ և 4-րդ հարկերի խորշապատշգամբները զարդարված են որմնասյուներով, 5-րդ հարկի դուրս ցցված պատշգամբով խորշապատշգամբը զարդարված է կիսաշրջանաձև կենտրոնական կամարով[1]։
Հարդարելիս օգտագործվել է ծեփածո և սվաղային դեկոր։ Երկրորդ հարկի պատուհանների տակ տեղադրված են խորհրդային խորհրդանիշներով մեդալիոններ։ Երրորդ հարկի պատուհանները զարդարված են բազմապրոֆիլ երեսկալներով և կողպեքային քարերով[1]։ Ճակատների հորիզոնական բաժանումն ընդգծվում է լայն պրոֆիլավորված գոտիով[2]։ Շենքի կլորացված անկյունը պսակված է ծեփածո անվանագիր ունեցող կլորացրած ճակտոնով[1]։
Գտնվելու վայր
[խմբագրել | խմբագրել կոդը]«Ռոստովէներգոյի» շենքը գտնվում է Դոնի Ռոստով քաղաքի Լենինյան շրջանում՝ քաղաքի վարչական շենքի դիմաց (Բոլշայա Սադովայա, 49 / Սեմաշկոյի փողոց, 42)։ Հասնել կարելի է ավտոբուսով (թիվ 3, 3ա, 7, 67, 33, 70, 80), տրոլեյբուսով (թիվ 1, 2, 9, 22), «Սեմաշկո (Բոլշայա Սադովայա փողոց)» կանգառ։
Նշումներ
[խմբագրել | խմբագրել կոդը]- 1 2 3 4 5 6 «Здание Ростовэнерго в Ростовской области». www.rostovgid.ru. Արխիվացված է օրիգինալից 2017 թ․ հունիսի 5-ին. Վերցված է 2017 թ․ հունիսի 5-ին.
- 1 2 3 4 МРСК Юга отреставрирует к ЧМ-2018 объект культурного наследия Ростова-на-Дону — здание «Ростовэнерго»
- ↑ Список объектов культурного наследия регионального значения(չաշխատող հղում)