«Պրիազովսկի կրայ» թերթի խմբագրության շենք

Վիքիպեդիայից՝ ազատ հանրագիտարանից
Museum Silhouette.svg
«Պրիազովսկի կրայ» թերթի խմբագրության շենք
Редакция газеты Приазовский край - к 1880г - Садовая,18 IMG 9607.JPG
Տեսակ ՌԴ մշակութային ժառանգության օբյեկտ
Երկիր Flag of Russia.svg Ռուսաստան
Տեղագրություն Դոնի Ռոստով և Բոլշայա Սադովայա փողոց (Դոնի Ռոստով)
Ժառանգության կարգավիճակ Մշակութային ժառանգություն
«Պրիազովսկի կրայ» թերթի խմբագրության շենքը գտնվում է Ռուսաստանում
«Պրիազովսկի կրայ» թերթի խմբագրության շենք
Կոորդինատներ: 47°13′5.7500041000104″ հս․ լ. 39°42′0.32000410001266″ ավ. ե. / 47.218263890027778018° հս․. լ. 39.7000888900277786320° ավ. ե. / 47.218263890027778018; 39.7000888900277786320

«Պրիազովսկի կրայ» թերթի խմբագրության շենք (ռուս.՝ Здание редакции газеты «Приазовский край»), շենք Ռուսաստանի Դաշնության Դոնի Ռոստով քաղաքում, որը գտնվում է Բոլշայա Սադովայա փողոցում (շենք 18/31)[1]։ Մինչև 1917 թվականի Հոկտեմբերյան հեղափոխությունն այստեղ գործել է «Պրիազովսկի կրայ» թերթի խմբագրությունը։ Շենքն ունի մշակութային ժառանգության տարածաշրջանային նշանակության օբյեկտի կարգավիճակ[1]։

Պատմություն[խմբագրել | խմբագրել կոդը]

Շենքը կառուցվել է 1880-ական թվականների վերջին[2]։ 1890-ական թվականներին այնտեղ աշխատել է «Պրիազովսկի կրայ» թերթի խմբագրությունը։ Խորհրդային իշխանության հաստատումից հետո շենքն ազգայնացվել է։ 2000-ական թվականների վերջում շենքը գտնվել է Դոնի Ռոստովի վարչակազմի հաշվեկշռում և չի շահագործվել[3]։

Ճարտարապետություն[խմբագրել | խմբագրել կոդը]

Редакция газеты "Приазовский край" - к 1880г.JPG

«Պրիազովսկի կրայ» թերթի խմբագրության շենքը գտնվում է Բոլշայա Սադովայա փողոցի և Բրատսկի նրբանցքի անկյունում։ Շինության հատակագիծն ուղղանկյուն է, ունի ներքին հորաձև բակ։ Շենքն ունի հատակագծման միջանցքային համակարգ` սենյակների միակողմանի դասավորությամբ[2]։

Խմբագրության աղյուսե շենքն ունի երկու հարկ և թեք տանիք։ Ճակատի ձևավորման մեջ առկա են կլասիցիզմի տարրեր։ Շենքի միասնական կոմպոզիցիան որոշում են պատուհանատեղերի ձևը և չափսերը, ելուստավորումները և ատտիկոսները։ Առաջին հարկը շարված է կոպտատաշ քարից։ Բոլշայա Սադովայա փողոցի կողմի շքամուտքն ընդգծված է որմնասյուներով։ Երկրորդ հարկի պատուհանները ձևավորված են եռանկյունաձև ճակտոններ ունեցող պորտալներով։ Պատշգամբներն ունեն կորացված մետաղական ճաղեր։ Ճակատին ձևավորման ժամանակ օգտագործվել են կամարաղեղներ, դեկորատիվ կողպեքներ և զարդաքիվեր[2]։

Հուշատախտակներ[խմբագրել | խմբագրել կոդը]

Շենքի ճակատին փակցված է երկու հուշատախտակ։ 1968 թվականին տեղադրված հուշատախտակին գրված է[2].

Aquote1.png Այստեղ «Պրիազովսկի կրայ» թերթի խմբագրությունում 1896-1898 թվականներին աշխատել է գրող Ալեքսանդր Սերաֆիմովիչ Սերաֆիմովիչը (Պոպով) (1863-1949)։ Aquote2.png


1978 թվականին շենքի ճակատին փակցվել է երկրորդ հուշատախտակը հետևյալ տեքստով[2].

Aquote1.png Այստեղ «Պրիազովսկի կրայ» թերթի խմբագրությունում 1896-1898 թվականներին աշխատել է գրող Ալեքսեյ Իվանովիչ Սվիրսկին (1865-1942)։ Aquote2.png


Ծանոթագրություններ[խմբագրել | խմբագրել կոդը]

  1. 1,0 1,1 «Ростов-на-Дону (объекты культурного наследия регионального значения)»։ Официальный портал Правительства Ростовской области։ Վերցված է 2013-08-28 
  2. 2,0 2,1 2,2 2,3 2,4 Шулепова Э. А. Материалы свода памятников истории и культуры РСФСР. Ростовская область.. — М.: Изд-во НИИ культуры, 1990. — С. 21.
  3. «О здании редакции газеты “Приазовский край”»։ voopiik-don.ru։ Վերցված է 2013-09-06 

Գրականություն[խմբագրել | խմբագրել կոդը]

  • Захарьянц Т. Н., Иноземцев Г. А., Семерик П. В. Ростов-на-Дону. — Ростов-н/Д., 1949. — С. 128.

Հղումներ[խմբագրել | խմբագրել կոդը]