Առաջին դեմք (ֆիլմ)
 Առաջին Դեմք | |
|---|---|
| Պատկեր:Առաջին դեմք.jpg | |
| Երկիր |  Հայաստան |
| Ժանր | Կատակերգություն |
| Թվական | 2016 |
| Լեզու | հայերեն |
| Ռեժիսոր | Հրանտ Երիցկինյան |
| Սցենարի հեղինակ | Նարեկ Մարգարյան, Սերգեյ Սարգսյան |
| Դերակատարներ | Արամ MP3, Աննա Սարգսյան, Դավիթ Թադևոսյան, Արա Դեղտրիկյան, Սաթի Ջանիբեկյան, Նարեկ Մարգարյան, Սերգեյ Սարգսյան |
| Տևողություն | 110 րոպե |
«Առաջին դեմք», ռեժիսոր Հրանտ Երիցկինյանի կատակերգական ֆիլմը։ Նկարահանվել է 2016 թվականին Հայաստանում։ Ֆիլմի տևողությունը 110 րոպե է։
Ֆիլմի սցենարի հեղինակներն են «ԱրմՔոմեդի» քաղաքաերգիծական հաղորդման վարողներ Նարեկ Մարգարյանն ու Սերգեյ Սարգսյանը, որոնք նաև մարմնավորում են նախագահի մամլո խոսնակների դերերը[1]։
Սյուժե
Ֆիլմի գլխավոր հերոսը կրթությամբ լրագրող Գրիգոր Աստվածատրյանն է, որն աշխատում է որպես բարմեն, սակայն սիրելիի՝ մանկաբույժ և բնապահպան Լիլիթի խնդրանքով ռեպորտաժ է նկարում ակտիվիստների մասին։ Նա սիրում է բողոքել ամեն ինչից և մեղադրել շրջապատողներին։ Մի օր նա արթնանում է Հայաստանի նախագահի պաշտոնում և հնարավորություն ստանում իրագործելու իր բոլոր մտահղացումները, բայց նաև կորցնում է իր սիրելիին[2]։
Որոշումների իրագործման ճանապարհին Գրիգորը պետք է կրկին գրավի սիրելիի սիրտը և բացահայտի դավադրությունը[1][3]։
Ֆիլմի մասին
Արամ MP3-ն, որը մարմնավորում է գլխավոր հերոս Գրիգորին, ֆիլմի մասին ասել է․
|
Վերջում հերոսը հասկանում է, որ ամեն մեկը պետք է զբաղվի իր աշխատանքով: Այսինքն` անի այն, ինչ կարող է[4]։ | 
|
Գլխավոր հերոսուհի Աննա Գրիգորյանը նշել է․
|
|
Ֆիլմը դիտելուց հետո շատ տղամարդիկ կհասկանան, որ կնոջը քիչ բան է պետք, որպեսզի նրա հետ անկեղծ լինեն և չխաբեն: Սերը ամենակարևորն է: Պետք է պայքարել և անպայման հասնել սիրելի էակին[4]։ |
|
Դերասանական կազմ և կերպարներ
- Արամ MP3 - Գրիգոր Աստվածատրյան՝ լրագրող
- Աննա Սարգսյան - Լիլիթ՝ մանկաբույժ, բնապահպան, Գրիգորի սիրելին
- Դավիթ Թադևոսյան - Հովսեփ
- Արա Դեղտրիկյան - անվտանգության պետ
- Սաթի Ջանիբեկյան - մանկաբույժ՝ Լիլիթի մոտիկ ընկերուհին
- Նարեկ Մարգարյան - Աստվածատրյանի մամլո խոսնակ
- Սերգեյ Սարգսյան - Աստվածատրյանի մամլո խոսնակ
Ծանոթագրություններ
- ↑ 1,0 1,1 «Առաջին Դեմք». www.cinemania.am. Վերցված է 2019-03-05-ին.
- ↑ «ԱՌԱՋԻՆ ԴԵՄՔ». Հայաստան կինոթատրոն. Վերցված է 2019-03-05-ին.
- ↑ «Առաջին դեմք». Tomsarkgh.am (անգլերեն). Վերցված է 2019-03-05-ին.
- ↑ 4,0 4,1 «Երբ լրագրողը դառնում է նախագահ. «Առաջին դեմք» ֆիլմը հայկական կինովարձույթում է». armenpress.am. Վերցված է 2019-03-05-ին.