Airlander 10

Վիքիպեդիայից՝ ազատ հանրագիտարանից
Airlander 10

Airlander 10 (լրիվ անունը՝ Air Hybrid Vehicles HAV 304 Airlander), հիբրիդային դիրիժաբլ, որը ստեղծել է բրիտանական Hybrid Air Vehicles ընկերությունը ԱՄՆ-ի բանակի համար։ Long Endurance Multi-intelligence Vehicle (LEMV) նախագծում, որի շրջանակներում պատրաստվել է այս թռչող սարքը, գլխավոր կապալառուն Northop Grumman-ն էր։

Պատմություն[խմբագրել | խմբագրել կոդը]

Ըստ LEMV նախագծի՝ դիրիժաբլը նախատեսված էր հետախուզության, դիտարկման և ցամաքային զորքերի շրջադիտման համար՝ անօդաչու, միջին բարձրության թռչող, երկարաժամկետ թռիչք կատարող թռչող սարքերի օգնությամբ[1]։ Նախագծի մշակման պայմանագիրը ստորագրվել է 2010 թվականի հունիսի 14-ին։ Դիրիժաբլի առաջին փորձնական թռիչքը կատարվել է 2012 թվականի օգոստոսի 7-ին, Լեյքհերսթում։ Այն տևել է 90 րոպե և կատարվել է անձնակազմի հետ միասին։ Տվյալ փորձարկվող սարքը բանակի համար նախատեսված 3 ծրագրերից մեկն էր։ Սակայն 2013 թվականի փետրվարին ԱՄՆ-ի բանակը բարձր գնի պատճառով հրաժարվել է այս նախագծից։

Air Hybrid Vehicles-ը ետ է գնել դիրիժաբլը 2013 թվականին՝ 301 000 ԱՄՆ դոլարով։ 2014 թվականին նրան տրվել է Airlander անվանումը և սարքավորումը տեղավորել են Բեդֆորդշիր կոմսության տարածքում գտնվող Թագավորական ռազմաօդային ուժերի Royal Air Force Cardington բազայում[2]։ Որոշվել է այն օգտագործել քաղաքացիական նպատակներով[3]։

2016 թվականի մարտին Hybrid Air Vehicles ընկերությունը հայտարարել է քաղաքացիական և ռազմական նպատակերով նոր դիրիժաբլ պատրաստելու մասին։ Առաջին օրինակը կոչվել է «Մարթա Գուի»՝ վարչության նախագահի կնոջ անունով։ 2016 թվականի օգոստոսին Airlander 10-ն առաջին անգամ լքել է օդանավարանը[4][5]։ Օգոստոսի 17-ին դիրիժաբլը կատարել է առաջին թռիչքը, որը տևել է 22 րոպե[6]։ Օգոստոսի 24-ին օդապարիկի գոնդոլը վնասվել է երկրորդ վայրէջքի ժամանակ։ Ոչ ոք չի տուժել[7][8]։

Միջազգային զանգվածային լրատվության միջոցները Airlander 10-ն անվանում են ամենամեծ օդանավն աշխարհում[4][5][9][10].։

Ինքը՝ Hybrid Air Vehicles ընկերությունը հումորով է վերաբերվել իր թռչող սարքի արտաքին տեսքին՝ պաշտոնական կայքում այն անվանելով «Թռչող հետույք» (անգլ.՝ Flying Bum)[11], որը, մինչ այդ օգտագործում էին տարբեր երկրների ԶԼՄ-ները դիրիժաբլը բնորոշելու համար[12][13][14][15][16]։

  • Առաջին թռիչքը ԱՄՆ-ի բանակի համար, 2012 թվականի օգոստոս
    Առաջին թռիչքը ԱՄՆ-ի բանակի համար, 2012 թվականի օգոստոս
  • Առաջին թռիչք, 2012 թվականի օգոստոսի 7-ի գիշեր
    Առաջին թռիչք, 2012 թվականի օգոստոսի 7-ի գիշեր
  • Գոնդոլի մոտնաժ, 2016 թվականի հունվար
    Գոնդոլի մոտնաժ, 2016 թվականի հունվար
  • Նախապատրաստություն թռիչքին, 2016 թվականի հունվար
    Նախապատրաստություն թռիչքին, 2016 թվականի հունվար

Կառուցվածք և առանձնահատկություններ[խմբագրել | խմբագրել կոդը]

Airlander 10-ը Մեծ կիրճում։
Airlander 10-ը օդանավարանում։

Հիբրիդային դիրիժաբլն օժտված է ինքնաթիռի և աէրոստատի առանձնահատկություններ՝ օգտագործում է աէրոդինամիկայի վերեկալների ուժը վեր բարձրանալու համար և այնուհետև օդում մնում է ի հաշիվ լիցքավորված փուչիկի ծավալի։ Սարքավորումը դասվում է մեղմ դիրիժաբլների շարքին, պատյանը կառուցված է դիմացկուն նյութերից՝ վեկտրանից, կևլարից և մայլարից։ Airlander 10-ն ընդունակ է թռիչքներ կատարել ինչպես օդաչու, այնպես էլ անօդաչու ռեժիմով։

Ընդհանուր տվյալներ՝
  • Բեռի քաշ՝ 10 000 կգ,
  • Երկարություն՝ 92 մ,
  • Լայնություն՝ 43,5 մ,
  • Բարձրություն՝ 26 մ,
  • Պատյանի ծավալ՝ 38 000 մ3,
  • Թռիչքային քաշ՝ 20 000 կգ։
Տեխնիկական տվյալներ՝
  • Ուժային տեղակայում՝ չորս չորսլիտրանոց դիզելային շարժիչ, 242 կվտ (325 լ. ս.) յուրաքանչյուրը,
  • Հածանավային արագություն՝ 148 կմ/ժ,
  • Թռիչքի տեւողություն՝ հինգ օր օդաչու ռեժիմով, ավելի քան երկու շաբաթ է անօդաչու ռեժիմով,
  • Առաստաղ՝ 6100 մ։

Տես նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. ↑ «Long Endurance Surveillance Vehicle». Hybrid Air Vehicles. Արխիվացված է օրիգինալից 2011 թ․ հունիսի 29-ին. Վերցված է 2016 թ․ սեպտեմբերի 24-ին. (անգլ.)
  2. ↑ Westcott, Richard (28 February 2014), World's longest aircraft is unveiled in UK, BBC News (անգլ.)
  3. ↑ Gwyn Topham (2016 թ․ մարտի 21). «Massive new aircraft the Airlander 10 is unveiled». The Guardian. Վերցված է 2016 թ․ մարտի 22-ին. (անգլ.)
  4. ↑ 4,0 4,1 «World's longest aircraft leaves hangar for first time» (անգլերեն). BBC. 2016 թ․ օգոստոսի 7.
  5. ↑ 5,0 5,1 Georgie Barrat (2016 թ․ օգոստոսի 8). «World's biggest aircraft known as the 'Flying Bum' takes its first outing» (անգլերեն). The Daily Mirror.
  6. ↑ «В Великобритании испытали самое большое воздушное судно в мире» (ռուսերեն). РИА Новости. 18.08.2016. Վերցված է 2016 թ․ օգոստոսի 18-ին.
  7. ↑ Beds, Herts & Bucks (24 августа 2016). «Airlander 10: Longest aircraft damaged during flight». BBC. Վերցված է 2016 թ․ օգոստոսի 24-ին. (անգլ.)
  8. ↑ «Падение крупнейшего воздушного судна попало на видео». Lenta.ru. 24 августа 2016. Վերցված է 2016 թ․ օգոստոսի 24-ին. (ռուս.)
  9. ↑ Barry Neild and Sara Delgrossi (2016 թ․ մարտի 24). «Airlander 10: World's 'largest' aircraft readies for takeoff» (անգլերեն). CNN.
  10. ↑ «Самый большой в мире летательный аппарат готовится к своему первому полёту». Интерфакс-Запад. 2016 թ․ մարտի 25. Արխիվացված է օրիգինալից 2016 թ․ ապրիլի 13-ին. Վերցված է 2016 թ․ սեպտեմբերի 24-ին.
  11. ↑ «The 'Flying Bum' Is Set To Takeoff» (անգլերեն). Hybrid Air Vehicles. 2016 թ․ հունվարի 20. Արխիվացված է օրիգինալից 2016 թ․ հոկտեմբերի 11-ին. Վերցված է 2016 թ․ սեպտեմբերի 24-ին.
  12. ↑ «World's largest aircraft "the Flying Bum" prepares for first flight» (անգլերեն). Dezeen. 2016 թ․ օգոստոսի 9.
  13. ↑ «World's Largest Airship 'The Flying Bum' Readies for Maiden Voyage» (անգլերեն). Sputnik. 2016 թ․ օգոստոսի 10.
  14. ↑ Ben Gruber (2016 թ․ օգոստոսի 9). «'Flying Bum' edges out of hangar before debut flight» (անգլերեն). Reuters.
  15. ↑ Luke Heighton (2016 թ․ օգոստոսի 6). «World's largest aircraft leaves hangar for first time ahead of maiden flight» (անգլերեն). The Daily Telegraph.
  16. ↑ Ed Mazza (2016 թ․ օգոստոսի 8). «Airlander 10, World's Longest Aircraft, Nicknamed The 'Flying Bum'» (անգլերեն). The Huffington Post.

Արտաքին հղումներ[խմբագրել | խմբագրել կոդը]

Վիիքպահեստ
Ստացված է «https://hy.wikipedia.org/w/index.php?title=Airlander_10&oldid=9358822» էջից