Ֆրանսիական վեպ

Ֆրանսիական վեպ; ֆր.՝ Un roman français
Հեղինակ	Ֆրեդերիկ Բեգբեդեր
Տեսակ	գրավոր աշխատություն
Ժանր	վեպ
Բնօրինակ լեզու	ֆրանսերեն
Ստեղծման տարեթիվ	2009
Երկիր	Ֆրանսիա
Հրատարակման տարեթիվ	օգոստոսի 19, 2009

«Ֆրանսիական վեպ» (ֆր.՝ Un roman français), ֆրանսիացի հեղինակ Ֆրեդերիկ Բեգբեդերի ինքնակենսագրական վեպը, որը հրատարակվել է 2009 թվականին։ 2009 թվականին վեպը դարձել է Ռենոդո մրցանակի դափնեկիր^[1]։

Բովանդակություն[խմբագրել | խմբագրել կոդը]

Ֆրեդերիկ Բեգբերգերին ոստիկանությունը բռնում է հասարակական վայրում կոկաին օգտագործելու համար և նրան տեղավորում Փարիզի 8-րդ շրջանի ժամանակավոր մեկուսաբանտ։ Գիշերը տառապելով բանտախցում, նա խոստանում է գիրք գրել, ինչի համար փորձում է հիշել իր մոռացված մանկությունը։ Չնայած, որ դա անելն այնքան էլ հեշտ չէր, նրան հաջողվում է հիշողության մեջ վերականգնել իր ընտանիքի պատմությունը, ծողների հանդիպումը Գետարիում (Բասկերի երկիր), որտեղից ծագում է նրա տոհմը, ծնողների ապահարզանը, Նեյի սյուր Սենում մի քանի տարվա համատեղ կյանքից հետո, իր կյանքը ավագ եղբայր` Շարլ Բեգբեդերի հետ, ոմ հակադրում է իր հետ, բայց ում սիրում է, մանկության տարիները մոր տանը, որտեղ նա անցկացնում էր ժամանակի մեծ մասը, կամ հոր մոտ, որտեղ ծանոթանում է 1970-ական թվականների փարիզյան բոգեմի հետ։

Այն բանից հետո, երբ նրա կալանքը դատախազի որոշմամբ երկարացնում են ևս մեկ գիշեր, նրան տեղափոխում են Փարիզի ոստիկանատուն, որտեղ անմարդկային պայմանները առաջացնում են նրա վրդովմունքը, մանաանդ, որ այդ ամենը տեղի է ունենում հենց Փարիզի սրտում, Ֆրանսիայի օրրանում։ Վախի զգացումը խթանում է, որ հերոսը վերիմաստավորում է սեփական կյանքը և բանտից դուրս է գալիս այլ մարդ դարձած, կործրած մանկությունը վերագտած։