Ֆերդինանդ Մանուկյան

Ֆերդինանդ Մանուկյան
Ծնվել է	ապրիլի 20, 1941(1941-04-20)
Ծննդավայր	Լենինական, Հայկական ԽՍՀ, ԽՍՀՄ
Վախճանվել է	ապրիլի 18, 2022(2022-04-18) (80 տարեկան)
Քաղաքացիություն	ԽՍՀՄ և  Հայաստան
Կրթություն	Փանոս Թերլեմեզյանի անվան գեղարվեստական ուսումնարան (1960) և Երևանի պետական գեղարվեստա-թատերական ինստիտուտ (1967)
Մասնագիտություն	նկարիչ
Պարգևներ	և Հայաստանի Հանրապետության ժողովրդական նկարիչ
Անդամակցություն	Հայաստանի նկարիչների միություն
Զավակներ	Զարուհի Մանուկյան

Ֆերդինանդ Հովսեփի Մանուկյան (Գյումրեցի) (ապրիլի 20, 1941(1941-04-20), Լենինական, Հայկական ԽՍՀ, ԽՍՀՄ - ապրիլի 18, 2022(2022-04-18)), հայ նկարիչ։ ՀԽՍՀ վաստակավոր նկարիչ (1988)։ ՀՀ ժողովրդական նկարիչ (2015)։ Հայաստանի նկարիչների միության անդամ։

Նկարչուհի Զարուհի Մանուկյանի հայրն է։

Կենսագրություն

1960 թվականին ավարտել է Երևանի գեղարվեստի ուսումնարանը, 1967 թվականին՝ Երևանի գեղարվեստա-թատերական ինստիտուտը։ 1968-1972 թվականներին եղել է Գյումրու գլխավոր նկարիչը։

Աշխատանքները գտնվում են Հայաստանի ազգային պատկերասրահում, Երևանի ժամանակակից արվեստի թանգարանում։

Ստեղծագործություններ

Աշխատում է հիմնականում մոնումենտալ և հաստոցային գեղանկարչության բնագավառում։ Մանուկյանի ֆլորենտական տեխնիկայով արված խճանկարներին և որմնանկարներին բնորոշ են ազգային նկարագրի վավերական, մարդկանց և առարկայական աշխարհի վերացարկված կերպարավորումները։ Ստեղծել է երկրաշարժի զոհերին նվիրված «Երկրաշարժ և վերածնունդ» խճանկարի նախանկարը (1997), ջրաներկ նկարաշարեր (2000-2004)։
Գործերից են՝

• «Մուտք Գյումրի», որմնանկար, 1970
• «Գյումրեցիներ», խճանկար, Գյումրի, 1970
• «Սասունցիների պարը», խճանկար, Գյումրի, 1973-1975

Հաստոցային գործեր՝

• «Նատյուրմորտ»
• «Մեկ ամիս գյուղում»
• «Կնոջ իրան»
• «Տիեզերք», 1980-1990

Անհատական ցուցահանդեսներ

• Երևան, 1994, 2002, 2012
• Գյումրի, 1995
• Փարիզ, 1999
• Փասադենա, 2001
• Հաագա, 2004