Քեթրին Բուրդեկին

Քեթրին Բուրդեկին; անգլ.՝ Katherine Burdekin
Ծնվել է	հուլիսի 23, 1896
Ծննդավայր	Դերբիշիր, Անգլիա, Մեծ Բրիտանիայի և Իռլանդիայի միացյալ թագավորություն
Վախճանվել է	օգոստոսի 10, 1963 (67 տարեկան)
Վախճանի վայր	Սուֆոլք, Անգլիա, Միացյալ Թագավորություն
Գրական անուն	Murray Constantine և Kay Burdekin
Մասնագիտություն	վիպասան, գրող, գիտաֆանտաստիկ գրող և արձակագիր
Քաղաքացիություն	Միացյալ Թագավորություն և Ավստրալիա
Կրթություն	Չելտնռմ Լեդիզ քոլեջ
Ժանրեր	ֆանտաստիկա
Ամուսին	Beaufort Burdekin?

Քեթրին Բուրդեկին ( անգլ.՝ Katherine Burdekin հուլիսի 23, 1896(1896-07-23)^[1]^[2]^[3], Դերբիշիր, Անգլիա, Մեծ Բրիտանիայի և Իռլանդիայի միացյալ թագավորություն - օգոստոսի 10, 1963(1963-08-10)^[1]^[3]^[2], Սուֆոլք, Անգլիա, Միացյալ Թագավորություն^[4]), անգլիացի վիպասան, ֆանտաստիկայի ժանրի գրքերի հեղինակ, որոնք քննարկել են սոցիալական և հոգևոր հարցեր։ Կոռնուոլի Մինակ թատրոնի հիմնադիր Ռովենա Քեյդի կրտսեր քույրն է։ Քեթրին Բուրդեկինի վեպերից մի քանիսը կարող են վերագրվել ֆեմինիստական ուտոպիայի/հակաուտոպիայի ժանրին։ Նրա գործերը լույս են տեսել նաև Քեյ Բուրդեկին անվան տակ և Մյուրեյ Կոստանտայն կեղծանունով։ Մյուրեյ Կոստանտայն կեղծանունը բացահայտել է հետազոտող Դաֆնա Պատաիի կողմից՝ 20-րդ դարի 80-ականների կեսերի ուտոպիստական և հակաուտոպիստական գրականության ուսումնասիրման ժամանակ։

Կենսագրություն[խմբագրել | խմբագրել կոդը]

Ծնվել է անգլիական Սպոնդոն քաղաքում, Դերբիշիր կոմսությունում։ Ընտանիքում 4 երեխաներից ամենափոքրն էր։ Նրա նախնիներից մեկը հայտնի նկարիչ Ջոզեֆ Ռայթն է։ Քեթրինը տնային կրթություն է ստացել Քեյդով Հոումստեդ կալվածքում՝ դաստիարակի վերահսկողությամբ, որից հետո ուսումը շարունակել է Չելտնեմ կանանց քոլեջում։ Նա աչքի է ընկել ընթերցանության հանդեպ սիրով և ցանկացել է Օքսֆորդում սովորել, ինչպես իր եղբայրները, սակայն ծնողները խոչընդոտել են դրան։ 1915 թվականին ամուսնացել է Բոֆորտ Բյորդեկինի հետ։ Քեթրին Բուրդեկինը ընտանիքի հետ միասին տեղափոխվել է Ավստրալիա, որտեղ նա սկսել է գրել։ Նրա առաջին վեպը, «Աննա Կոլքահունը» (Anna Colquhoun), լույս է տեսել 1922 թվականին։ Նույն տարում բաժանվել է ամուսնուց և վերադարձել է Անգլիա ու հաստատվել է Կոռնուոլի Մինակ հեդում, որտեղ ապրում էր նրա քույրը։ 1926 թվականին Քեթրին Բուրդեկինը հանդիպել է մի կնոջ, որը նրա հետագա ողջ կյանքի ուղեկիցն է դարձել։ 1930-ական թվականներին Քեթրին Բուրդեկինը հրատարակել է վեց վեպ։ Ընդհանուր առմամբ, նա գրել է ավելի քան 20 վեպ, ինչպես նաև բազմաթիվ պիեսներ, պատմվածքներ և բանաստեղծություններ։

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 ^1,3 ^1,4 Internet Speculative Fiction Database — 1995.
↑ ^2,0 ^2,1 ^2,2 ^2,3 ^2,4 NooSFere (ֆր.) — 1999.
↑ ^3,0 ^3,1 ^3,2 ^3,3 ^3,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^4,0 ^4,1 ^4,2 The Encyclopedia of Science Fiction / P. Nicholls, J. Clute, D. Langford

[_1786fa44ec37d156-1] 1,0 ^1,1 ^1,2 ^1,3 ^1,4 Internet Speculative Fiction Database — 1995.

[_15dc0d73fb54d627-2] 2,0 ^2,1 ^2,2 ^2,3 ^2,4 NooSFere (ֆր.) — 1999.

[_9cdeed4a917b5762-3] 3,0 ^3,1 ^3,2 ^3,3 ^3,4 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_7273a5fe64c0a380-4] 4,0 ^4,1 ^4,2 The Encyclopedia of Science Fiction / P. Nicholls, J. Clute, D. Langford

[1]

[2]

[3]

[4]