Վիգեն Գևորգյան

Վիգեն Գևորգյան;
Ծնվել է	դեկտեմբերի 27, 2000
Ծննդավայր	Ակունք, Արագածոտնի մարզ, Հայաստան
Մահացել է	նոյեմբերի 7, 2020 (19 տարեկան)

Վիգեն Տիգրանի Գևորգյան (դեկտեմբերի 27, 2000(2000-12-27), Ակունք, Արագածոտնի մարզ, Հայաստան - նոյեմբերի 7, 2020(2020-11-07)), ՀՀ ԶՈՒ ծառայող, 44-օրյա պատերազմի մասնակից^[1], «Մարտական խաչ» 1-ին աստիճանի շքանշանակիր։

Կյանք[խմբագրել | խմբագրել կոդը]

Վիգեն Գևորգյանը ծնվել է 2000 թվականի դեկտեմբերի 27-ին Արագածոտնի մարզի Ակունք գյուղում։ 2006 թվականին հաճախել է Թալինի թիվ 1 հիմնական, ապա՝ 2015 թվականին՝ ավագ դպրոց, որտեղ էլ ավարտել է ուսումը 2018 թվականին։ Նույն տարում ընդունվել և մեկ տարի սովորել է Ճարտարապետության և շինարարության Հայաստանի ազգային համալսարանի Կառավարման և տեխնոլոգիայի ֆակուլտետում^[2], ապագա տնտեսագետ էր^[3]։

Զինվորական ծառայություն[խմբագրել | խմբագրել կոդը]

Վիգեն Գևորգյանը պարտադիր զինվորական ծառայության է մեկնել 2019 թվականի հուլիսի 24-ին՝ ծառայության անցնելով ԼՂՀ «Մարտունի 3» զորամասում որպես 1-ին հրաձգային գումարտակի նռնականետային դասակի ՀԱՆ-17 նռնականետի 4-րդ հաշվարկի հրամանատար^[4]։

44-օրյա պատերազմ[խմբագրել | խմբագրել կոդը]

Վիգեն Գևորգյանը գտնվում էր հոսպիտալում, երբ սկսվեց պատերազմը։ Չսպասելով դուրսգրման՝ սեպտեմբերի 29-ին, շտապում է առաջնագիծ^[5]։ Նա իրենց ստորաբաժանման կազմով անմիջապես պաշտպանության է անցել զորամասի պաշտպանության հատվածում, կատարել իրենց առաջադրված խնդիրները։

Հոկտեմբերի 5-ին գումարտակի կազմով մեկնել են Ջրականի շրջան, անցնելով պաշտպանության Դաշքեսանի ուղղությամբ, փայլուն կատարել է իր առջև դրված մարտական խնդիրները։ Հոկտեմբերի 9-ին մասնակցել է Դուլդուլ բարձունքում մղվող ծանր մարտերին, որպես նռնականետի հրամանատար՝ կատարել է իր խնդիրը։

Հոկտեմբերի 10-ին ստորաբաժանման կազմում մասնակցել է «9-րդ կիլոմետր» կոչվող տեղամասում մղվող պաշտպանական մարտերին։

Նոյեմբերի 1-ից ստորաբաժանման հետ պաշտպանական մարտեր է մղել Մարտունու մատույցներում, մասնակցելով Կոհակ բարձունքի ուղղությամբ մղվող մարտերին։ Օրեր շարունակ դիմագրավել են հակառակորդի մեծածավալ ուժերի հարձակումներին, կանխել նրանց ներխուժումը Մարտունի քաղաք։

Նոյեմբերի 7-ին Կոհակ կոչվող տեղամասում ստորաբաժանման կազմով մարտ են մղել, Վիգեն Գևորգյանը վերջին ճիգերն է գործադրել իր առջև դրված խնդիրը կատարելու ուղղությամբ, սակայն հակառակորդի արձակած հրետանային կրակի արկից ստացել է մահացու բեկորային վիրավորում։

Պարգևներ[խմբագրել | խմբագրել կոդը]

Արցախի Հանրապետության նախագահ Արայիկ Հարությունյանի 2021 թվականի հունիսի 16-ի հրամանագրով Արցախի հանրապետության պետական սահմանը պաշտպանելու գործում ցուցաբերած արիության համար Վիգեն Գևորգյանը հետմահու պարգևատրվեց «Մարտական ծառայություն» մեդալով։
2021 թվականի դեկտեմբերի 2-ին Վիգեն Գևորգյանը Արցախի Հանրապետության նախագահ Արայիկ Հարությունյանի հրամանագրով հետմահու պարգևատրվել է «Մարտական խաչ» 1-ին աստիճանի շքանշանով։

Հիշատակ[խմբագրել | խմբագրել կոդը]

Ընտանիքի և ընկերների նախաձեռնությամբ տպագրվել է «Հոգիս՝ ձեզ վահան» գիրքը, որտեղ հավաքված են նրա ընկերների, մտերիմների հուշերը։ Գրքի շնորհանդեսը տեղի է ունեցել 2021 թվականի դեկտեմբերի 27-ին իր ծննդյան օրը Թալինի երաժշտական դպրոցում^[5]։

Հուղարկավորվել է Թալինի պանթեոնում։

Ծանոթագրություններ[խմբագրել | խմբագրել կոդը]

[1] «Հայ զինվոր պաշտպանության նախարարության հանդես Վիգեն Գևորգյան».

[2] «ՄԵԾ ՍՐՏՈՎ ՈՒ ՔԱՋ ՈԳՈՎ ՀԵՐՈՍԸ. ՎԻԳԵՆ ԳԵՎՈՐԳՅԱՆ».

[3] «Վիգեն Գևորգյան».

[4] «Հերոսապատում. Վիգեն Գևորգյան».

[Վիգեն_Գևորգյան_21-5] 5,0 ^5,1 «Վիգեն Գևորգյան 21».

[1]

[2]

[3]

[4]

[5]