Վահե Գասպարյան
 | |
|---|---|
 | |
| Ծնվել է | Ապրիլի 5-ին, 1971 |
| Ծննդավայր |  Երևան, Հայաստան |
| Ազգություն | Հայ |
| Մասնագիտություն | Վիրաբույժ |
| Կոչում | Դոցենտ |
| Գիտական աստիճան | Բժշկական գիտությունների դոկտոր |
| Կուսակցություն | Ազգային ժողովրդավարական բևեռ |
Վահե Գասպարյան (Ապրիլի 5, 1971, Երևան, Հայաստան) - բժշկական գիտությունների դոկտոր և հայ քաղաքական գործիչ, դոցենտ, Ազգային դեմոկրատական բևեռի խորհրդի անդամ, 2 արտոնագրի հեղինակ[1][2][3][4]։
Կրթություն[խմբագրել | խմբագրել կոդը]
1993 թ․ - Երևանի պետական բժշկական համալսարանի բժշկական գիտությունների դոկտոր (գերազանցությամբ)։
1995 թ․ Սիրտ-անոթային վիրաբուժության կլինիկական օրդինատուրա Միքայելյանի անվան վիրաբուժության հիվանդանոց-ինստիտուտում։
Մասնագիտական փորձ[խմբագրել | խմբագրել կոդը]
- 1995 թ․ մարտ-ապրիլ ամիսներին Վեստչեթերի բժշկական կենտրոնում մասնակցել է սրտային վիրաբուժության հատուկ դասընթացների, Նյու Յորք, ԱՄՆ։
- 1998 թ․ հոկտեմբեր-դեկտեմբեր ամսիներին վերաապատրաստվել է Փարիզի Բրյուսե, Լարիբուազյե և Սեն Դենի Բժշկական կենտրոններում, Փարիզ, Ֆրանսիա։
- 1996-1998 թթ․ ծառայել է Երևանի Կայազորային հոսպիտալում՝ որպես բուժծառայության ավագ լեյտենանտ։
- 1999-2001 թթ․ աշխատել է Երևանի Միքայելյանի անվան վիրաբուժության ինստիտուտի անոթային վիրաբուժության բաժանմունքում։
- 2002-2003 թթ․ աշխատել է Սինգապուրի Ազգային համալսարանական հիվանդանոցի սիրտ-անոթային և կրծքային վիրաբուժության բաժանմունքում, Սինգապուր։
- 2003-2005 թթ․ աշխատել է Էրեբունի բժշկական կենտրոնում՝ որպես Սրտի վիրաբուժության բաժանմունքի վարիչ։
- 2006-2009 թթ․ աշխատել է Զեյթունի Սիրտ-անոթային բժշկական Կենտրոնում, որպես Սրտի Վիրաբուժության բաժանմունքի վարիչ։
- 2010-2020թթ հուլիս աշխատել է Էրեբունի բժշկական կենտրոնում՝ որպես Սիրտ-անոթային վիրաբուժության բաժանմունքի վարիչ։
Մշակումներ և հոդվածներ[խմբագրել | խմբագրել կոդը]
Բժիշկ Գասպարյանը հորինել և արտոնագրել է աորտայի փականի ամբողջական աուտոլոգիական վերականգնման օրիգինալ մեթոդը (2000 թ.), որի համար ստացել է դոցենտի գիտական աստիճան։
2002 թվականին նա հորինել է միտրալ փականի ամբողջական աուտոլոգիական վերականգնման մեթոդը, որը արտոնագրել է Սինգապուրում 2003 թ․։
Բժիշկ Գասպարյանը 21 գիտական հոդվածների և գիտական գրքերի հեղինակ է (բժշկական գիտությունների վերաբերյալ)։
Քաղաքական գործունեություն[խմբագրել | խմբագրել կոդը]
- 2018 թ․ «Սասնա ծռեր» համահայկական քաղաքական շարժման անդամ.
- 2020 թ․ «Ազգային ժողովրդավարական բևեռ» շարժման անդամ։
- 2021 թ․ «Ազգային ժողովրդավարական բևեռ» շարժման խորհրդի անդամ։
- 2021 թ․ «Ազգային ժողովրդավարական բևեռ» շարժման համահիմնադիր և խորհրդի անդամ։
- 2021թ․ հունիս, «Ազգային ժողովրդավարական բևեռ» կուսակցության վարչապետի թեկնածու Հայաստանի համընդհանուր ընտրություններում։
Անձնական կյանք[խմբագրել | խմբագրել կոդը]
Բժիշկ Գասպարյանն ամուսնացած է, ունի 3 դուստր։
Ծանոթագրություններ[խմբագրել | խմբագրել կոդը]
- ↑ «Vahe Gasparyan | CTSNet». www.ctsnet.org. Վերցված է 2022 թ․ ապրիլի 10-ին.
- ↑ https://www.researchgate.net/profile/Vahe-Gasparyan.
{{cite web}}: Missing or empty|title=(օգնություն) - ↑ «Vahe Gasparyan • MEDtube.net». MEDtube.net. Վերցված է 2022 թ․ ապրիլի 10-ին.
- ↑ «Խորհուրդ». ԱԶԳԱՅԻՆ-ԺՈՂՈՎՐԴԱՎԱՐԱԿԱՆ ԲԵՎԵՌ (ամերիկյան անգլերեն). Արխիվացված է օրիգինալից 2022 թ․ օգոստոսի 9-ին. Վերցված է 2022 թ․ ապրիլի 10-ին.