Սերգեյ Սահակյան

Սերգեյ Սահակյան;
Ծննդավայր	Երևան, Հայաստան
Մահացել է	նոյեմբերի 12, 2014
Գերեզման	Եռաբլուր

Վիքիպեդիայում կան հոդվածներ Սահակյան ազգանունով այլ մարդկանց մասին։

Սերգեյ Ալեքսանի Սահակյան (Երևան –2014 նոյեմբերի 12, ԼՂՀ), Արցախի Հանրապետության Պաշտպանության բանակի մայոր, 2014 թվականի նոյեմբերի 12-ին Արցախի Հանրապետության հյուսիսարևելյան սահմանին խոցված ԼՂՀ ՊԲ Մի-24 ուղղաթիռի հրամանատար^[1]։

Կենսագրություն[խմբագրել | խմբագրել կոդը]

Ծնվել է Երևանում։ Դեռ փոքրուց երազում էր օդաչու դառնալ. օդանավերի մոդելներ է հավաքել, ավիացիոն խմբակ է այցելել^[2]։

1993 թվականից աշխատում էր ՀՀ Զինված ուժերում^[3]։ Ծառայել է «Էրեբունի» ռազմական օդանավակայանում տեղակայված 15-րդ ուղղաթիռային բազայի թիվ 32822 զորամասում։ Հայաստանի ռազմաօդային ուժերի սպա էր^[1]։

2014 թվականի նոյեմբերի 24-ին Նոր Նորքի Սուրբ Սարգիս եկեղեցում տեղի է ունեցել Սերգեյ Սահակյանի, ինչպես նաև խոցված ուղղաթիռի անձնակազմի մյուս անդամների՝ լեյտենանտ Ազատ Սահակյանի և ավագ լեյտենանտ Սարգիս Նազարյանի հոգեհանգիստը^[1]։

Աճյունը ամփոփված է «Եռաբլուր» պանթեոնում^[1]։

Ընտանիք[խմբագրել | խմբագրել կոդը]

Ամուսնացած էր, ուներ երեք որդի^[1]։

Պարգևներ[խմբագրել | խմբագրել կոդը]

2014 թվականի նոյեմբերի 22-ին Արցախի Հանրապետության Նախագահ Բակո Սահակյանի հրամանագրով մայոր Սերգեյ Սահակյանը, ինչպես նաև լեյտենանտ Ազատ Սահակյանը և ավագ լեյտենանտ Սարգիս Նազարյանը հետմահու պարգևատրվել են Արիության մեդալով^[4]։

Տես նաև[խմբագրել | խմբագրել կոդը]

Արցախում Մի-24 ուղղաթիռի խոցում (2014)

Ծանոթագրություններ[խմբագրել | խմբագրել կոդը]

[ազատություն-1] 1,0 ^1,1 ^1,2 ^1,3 ^1,4 Այսօր տեղի կունենա խոցված ուղղաթիռի անձնակազմի անդամների հոգեհանգիստը

[յություբ-2] «Տեսանյութ` նվիրված օդաչուների հիշատակին» «Յություբ» կայքում

[3] Սերգեյ Սահակյան...կործանված ուղղաթիռի հրամանատար

[արցախպրես-4] Նախագահ Սահակյանը հետմահու պարգևատրել է ԼՂՀ ռազմական օդուժի ՄԻ-24 ուղղաթիռի անձնակազմի անդամներին

[1]

[2]

[3]

[4]