Ռեհան մշակովի
| Ռեհան մշակովի | ||||||||
|---|---|---|---|---|---|---|---|---|
.jpg) | ||||||||
| Գիտական դասակարգում | ||||||||
|
||||||||
| Լատիներեն անվանում | ||||||||
| Ocimum basilicum
|
Ռեհան մշակովի (լատին․՝ Ocimum basilicum), խուլեղինջազգիների ընտանիքին պատկանող դեղաբույս։
Նկարագրություն[խմբագրել | խմբագրել կոդը]
Մինչև 20-60 սմ բարձրությամբ միամյա խոտաբույս է, որի ցողունները ուղիղ ճյուղավոր են, իսկ տերևները՝ հակադիր։ Կոթունավոր տերևները երկարավուն-ձվաձև և սրածայր են, կանաչ կամ կարմրավուն երանգով։ Ողկուզանման ծաղկաբույլեր առաջացնող երկշուրթ ծաղիկները օղակաձև դասավորված են տերևանութներում։ Պսակի վերին շուրթը կազմված է չորս բլթակներից, իսկ ստորինը՝ մեկ։ Սռնակը և առէջները պսակից կրկնակի երկար են։ Բաժակի խողովակում գտնվող պտուղները չորս հարթ ընկուզիկներ են[1]։
Տարածվածություն[խմբագրել | խմբագրել կոդը]
Մշակովի բույս է, ամենուրեք աճեցվում է և օգտագործվում որպես համեմունք։ Երբեմն հանդիպում է վայրի պայմաններում աղբավայրերում և բնակավայրերի հարևանությամբ[1]։
Նշանակություն[խմբագրել | խմբագրել կոդը]
Բույսի վերգետնյա մասը առանց ցողունների ստորին փայտացած հատվածների օգտագործվում են բուժական նպատակներով։ Ռեհանը ախորժաբեր է, բարելավում է մարսողությունը, ունի հաճելի հոտ և հակաբորբոքային ազդեցություն ստամոքսի համար։ Այն հակացուցված է շաքարախտի, տրոմբոֆլեդիտի, մոկարդի ինֆարկտի և հիպերտոնիկ հիվանդությունների դեպքերում։ Ցողունը տերևների հետ որպես համեմունք օգտագործում են ապուրներում և աղցաններում[1]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 Ծատուրյան, Թամարա; Գևորգյան, Մարգարիտա (2014). Պողոսյան, Ա․; Զաքարյան, Ն․ (eds.). Հայաստանի վայրի դեղաբույսեր. Երևան: Լուսակն. էջ 315. ISBN 9789939834689.