Ջեյմս Սքոթ (երգահան)

'
Ծնվել է	փետրվարի 12, 1885(1885-02-12) Neosho, Միսսուրի, ԱՄՆ
Երկիր	ԱՄՆ
Մահացել է	օգոստոսի 30, 1938(1938-08-30) (53 տարեկան) Կանզաս Սիթի, Միսսուրի, ԱՄՆ
Ժանրեր	ջազ
Մասնագիտություն	կոմպոզիտոր, դաշնակահար, դիրիժոր և բենդ-լիդեր
Գործիքներ	դաշնամուր
James Scott Վիքիպահեստում

Ջեյմս Սիլվեսթեր Սքոթ (անգլ.՝ James Sylvester Scott; փետրվարի 12, 1885(1885-02-12), Neosho, Միսսուրի, ԱՄՆ - օգոստոսի 30, 1938(1938-08-30), Կանզաս Սիթի, Միսսուրի, ԱՄՆ), ամերիկացի կոմպոզիտոր և դաշնակահար։ Նա դասական ռեգթայմի երեք ամենակարևոր կոմպոզիտորներից մեկն է համարվում՝ Սքոթ Ջոպլինի և Ժոզեֆ Լամբի հետ միասին։

Կենսագրություն

Ջեյմս Սիլվեսթեր Սքոթը ծնվել է Միսուրի նահանգի Նեոշո քաղաքում՝ նախկին ստրուկներ Ջեյմս Սքոթ ավագի և Մոլի Թոմաս Սքոթի ընտանիքում։ 1901 թվականին նրա ընտանիքը տեղափոխվել Է Միսուրի նահանգի Կարթագեն, որտեղ նա հաճախել է Լինքոլնի ավագ դպրոց։ 1902 թվականին նա աշխատել է Չարլզի երաժշտական խանութում։ 1903 թվականին Սքոթը հրատարակել է իր գործերից առաջինը՝ «Ամառային զեփյուռը»։

Ռեգթայմի պատմաբաններ Ռուդի Բլեշը և Հարրիեթ Ջենիսը հայտնում են, որ Սքոթը 1905 թվականին մեկնել է Սենթ Լուիս, Միսուրի, փնտրելու իր կուռք Սքոթ Ջոպլինին։ Նա գտել է Ջոպլինին և հարցրել, թե կցանկանար լսել իր ստեղծագործություններից մեկը։ Լսելով նրա ստեղծագործություններից մեկը՝ Ջոպլինը նրան ծանոթացրել է իր սեփական հրատարակիչ Ջոն Սթիլվել Սթարկի հետ և առաջարկել, որ նա հրատարակի իր աշխատանքը։ Սթարկը հրապարակել է այդ ռեգթայմը մեկ տարի անց՝ «Frog Legs Rag» վերնագրով։ Այն արագորեն դարձել է հիթ և զբաղեցրել երկրորդ տեղը Սթարքի բեսթսելլերների կատալոգում՝ զիջելով միայն Ջոպլինի «Maple Leaf Rag»-ին։ Սքոթը մինչև 1922 թվական եղել է Սթարք կատալոգի կանոնավոր ներդրողը։

1914 թվականին Սքոթը տեղափոխվել է Միսուրի նահանգի Կանզաս Սիթի, որտեղ ամուսնացել է Նորա Ջոնսոնի հետ, այնտեղ երաժշտություն դասավանդել և Պանամայի թատրոնում որպես երգեհոնահար և գործիքավորող՝ ուղեկցել համր կինոնկարներ։ Նրան ճանաչողները հիշում են, որ թատերական գործունեությունը նրա աշխատանքի զգալի մասն էր։ Նրա զարմիկը՝ Պատսի Թոմասը, հիշում է. «Բոլորը նրան անվանում էին «Փոքր պրոֆեսոր», նա միշտ արագ քայլում էր՝ նայելով գետնին՝ փողոցով անցնելով ոչ ոքի չէր տեսնում, թվում էր, որ նա միշտ խորը մտածմունքների մեջ էր»:

Իր վերջին տարիներին Սքոթը դասավանդում էր, երաժշտություն ստեղծում և ղեկավարում ութ հոգանոց մի խումբ, որը խաղում էր կինոթատրոններում։ Սակայն նրա վիճակը վատանում է։ Նա կորցնում է թատերական աշխատանքը, կինը մահանում է։ Նա տեղափոխվում է իր զարմիկ Ռութ Քալահանի մոտ Կանզաս, և չնայած տառապում էր քրոնիկական հիվանդությամբ շարունակում էր ստեղծագործել և նվագել դաշնամուր։

Սքոթը մահացել է Դուգլասի հիվանդանոցում 1938 թվականի օգոստոսի 30-ին 52 տարեկան հասակում և թաղվել կնոջ կողքին՝ Westlawn գերեզմանատանը։

Սքոթի ամենահայտնի կոմպոզիցիաներից են՝ «Climax Rag», «Frog Legs Rag», «Grace and Beauty», «Ophelia Rag» և «The Ragtime Oriole»:

Սքոթը երգչուհի Ադա Բրաունի զարմիկն էր։

Աշխատանքների ցուցակ

Աֆրոամերիկացի կոմպոզիտոր Ջեյմս Սքոթի աշխատանքների ցուցակը բաղկացած է 39 վերնագրերից և ներառում է 28 ռագթայմ, 3 քայլերգ, 3 երգ, 4 վալս և պար։

Անվանում	Հրապարակման ամսաթիվ	Ժանր	Շապիկ
A Summer Breeze	1903	Քայլերթ
Fascinator	1903	Քայլերթ
On the Pike	1904	Քայլերթ
Frog Legs Rag	1906	Ռեգթայմ
Kansas City Rag	1907	Ռեգթայմ
Grace and Beauty	1909	Ռեգթայմ
Great Scott Rag	1909	Ռեգթայմ
Ragtime Betty	1909	Ռեգթայմ
Sunburst Rag	1909	Ռեգթայմ
Valse Venice	1909	Վալս
Hearts Longing	1909	Վալս
She’s My Girl from Anaconda	1909	Երգ
Sweetheart Time	1909	Երգ
Hilarity Rag	1910	Ռեգթայմ
Ophelia Rag	1910	Ռեգթայմ
Princess Rag	1911	Ռեգթայմ
Quality	1911	Ռեգթայմ
Ragtime Oriole	1911	Ռեգթայմ
Climax Rag	1914	Ռեգթայմ
Suffragette Waltz	1914	Վալս
Take Me Out To Lakeside	1914	Երգ
Evergreen Rag	1915	Ռեգթայմ
Honey Moon Rag	1916	Ռեգթայմ
Prosperity Rag	1916	Ռեգթայմ
Efficiency Rag	1917	Ռեգթայմ
Paramount Rag	1917	Ռեգթայմ
Dixie Dimples	1918	Ռեգթայմ-վեպ և ֆոկստրոտ
Rag Sentimental	1918	Ռեգթայմ
Springtime of Love	1918	Վալս
New Era Rag	1919	Ռեգթայմ
Peace and Plenty Rag	1919	Ռեգթայմ
Troubadour Rag	1919	Ռեգթայմ
Modesty Rag	1920	Ռեգթայմ
Pegasus	1920	Ռեգթայմ
Shimmie Shake	1920	Պար
Don’t Jazz Me Rag	1921	Ռեգթայմ
Victory Rag	1921	Ռեգթայմ
Broadway Rag	1922	Ռեգթայմ
Calliope Rag	1966	Ռեգթայմ

Արտաքին հղումներ

• https://web.archive.org/web/20160303165917/http://www.umkc.edu/orgs/kcjazz/jazzfolk/scotj_00.htm James Scott on the Kansas City Jazz site
• «Perfessor» Bill Edwards plays Scott compositions and provides background on many of his works
• James Scott: Innovative American Composer