Նատալյա Թեմուրյանց
Նատալյան Արմենակի Թեմուրյանց | |
|---|---|
| Պատկեր:Темурьянц Наталья Арменаковна.jpg | |
| Ծնվել է | 1944 հոկտեմբերի 31 Սիմֆերոպոլ |
| Մահացել է | հոկտեմբերի 17, 2017 (տարիքը 72) Սիմֆերոպոլ |
| Քաղաքացիություն |  ԽՍՀՄ →  Ուկրաինա |
| Մասնագիտություն | Կենսաբանություն |
| Հաստատություն(ներ) | Վ.Ի.Վերնադսկու անվան Տավրիկյան ազգային համալսարան |
| Գործունեության ոլորտ | կենսաբանություն և ֆիզիոլոգիա |
| Ալմա մատեր | Ղրիմի բժշկական ինստիտուտ |
| Կոչում | պրոֆեսոր |
| Գիտական աստիճան | կենսաբանական գիտությունների դոկտոր (1989) |
| Պարգևներ |    և  |
Նատալյա Արմենակի Թեմուրյանց ( ուկրաիներեն՝ Наталiя Арменакiвна Темур'янц ; 1944 - 2017 ) — ռուս և ուկրաինացի գիտնական, ֆիզիոլոգ և կենսաբան; կենսաբանական գիտությունների դոկտոր, պրոֆեսոր, Ղրիմի գիտությունների ակադեմիայի անդամ։
Հեղինակ է ավելի քան 350 հրապարակումների, 12 մենագրությունների և մի քանի արտոնագրերի[1][2] ; Ղրիմի մագնիտոկենսաբանության դպրոցի ղեկավար։
Կենսագրություն[խմբագրել | խմբագրել կոդը]
Ծնվել է 1944 թվականի հոկտեմբերի 31-ին Սիմֆերոպոլում։
Կրթություն[խմբագրել | խմբագրել կոդը]
1968 թվականին ավարտել է Ղրիմի պետական բժշկական ինստիտուտի (այժմ ՝ Ս. Ի. Գեորգիևսկու անվան բժշկական ակադեմիա ) մանկաբուժական ֆակուլտետը։ 1972 թվականին նույն համալսարանում պաշտպանել է թեկնածուական ատենախոսություն՝ «Կենդանիների ծայրամասային արյան մեջ լեյկոցիտների նյութափոխանակության որոշ ցուցանիշների վրա ծայրահեղ ցածր հաճախականության թույլ էլեկտրամագնիսական դաշտերի ազդեցությունը» թեմայով։ 1989 թվականին ԽՍՀՄ ԳԱ բարձր նյարդային գործունեության և նեյրոֆիզիոլոգիայի ինստիտուտում պաշտպանել է դոկտորական ատենախոսություն «ոչ իոնացնող ճառագայթման գործողությանը հարմարվելու նյարդային և հումորային մեխանիզմներ»։ թեմայով։
Գործունեություն[խմբագրել | խմբագրել կոդը]
1971 թվականից՝ ասիստենտ, դոցենտ, իսկ 1990-2017-ին՝ Սիմֆերոպոլի Մ․Վ․Ֆրունզեյի անվան պետական համալսարանի մարդու և կենդանիների ֆիզիոլոգիայի ամբիոնի պրոֆեսոր( Վ. Ի. Վերնադսկու անվան Տավրիկյան ազգային համալսարան)։ 1991 թվականին Նատալյա Թեմուրյանցին շնորհվեց պրոֆեսորի գիտական կոչում։
Եղել է կենսամետերոլոգների միջազգային միության, Ուկրաինական բիոֆիզիկական և ֆիզիոլոգիական ընկերությունների, Եվրոպական և Ամերիկյան կենսաէլեկտրամագնիսական ընկերությունների անդամ։ Նա խմբագրել է «Վ․Ի․Վերնանդսկու անվան Տավրիկյան անվան ազգային համալսարանի գիտական նշումներ» գիտական շարքը, «Շրջանների աշխարհաքաղաքականություն և էկոգեոդինամիկա»,«միլիմետրային ալիքներ կենսաբանության և բժշկության մեջ»,«Էկոհամակարգեր»,«Տավրիկյան բժշկական և կենսաբանական տեղեկագիր» գիտական ամսագրերի խմբագրական խորհրդի անդամ։
Մահացել է 2017 թվականի հոկտեմբերի 17-ին Սիմֆերոպոլում[3]։
Ղրիմի Վ.Ի.Վերնադսկու անվան դաշնային համալսարանի պատմության թանգարանում նրա պատվին տեղադրվել է հուշատախտակ[4]։
Վաստակ[խմբագրել | խմբագրել կոդը]
- Պարգևատրվել է մեդալներով, այդ թվում՝ ԽՍՀՄ տնտեսական նվաճումների ցուցահանդեսի արծաթե մեդալով (1987)։
- Վ.Ի.Վերնադսկու անվան Տավրիկյան ազգային համալսարանի Վ․Ի․Վերնադսկին անվան մրցանակի դափնեկիր (2004) և Ղրիմի Ինքնավար Հանրապետության պետական մրցանակ՝ «գիտություն և գիտատեխնիկական գործունեություն» անվանակարգում (2013)։
- Արժանացել է Ուկրաինայի կրթության և գիտության նախարարության «Գիտական նվաճումների համար» կրծքանշանի (2007) և Ղրիմի Ինքնավար Հանրապետության «կրթության վաստակավոր գործիչ» պատվավոր կոչման (2008)[5]։
- 2011 թվականին նա դարձավ Վ․Ի․Վերնադսկու անվան Տավրիկյան ազգային համալսարանի «ամենաարդյունավետ պրոֆեսոր» անվանակարգում մրցույթի հաղթող[3]։
Նշումներ[խմբագրել | խմբագրել կոդը]
- ↑ Темурьянц Наталія Арменакіївна(ուկր.)
- ↑ Патенты автора Темурьянц Наталия Арменаковна
- ↑ 3,0 3,1 НЕ СТАЛО УЧЕНОГО И ЗАМЕЧАТЕЛЬНОГО ЧЕЛОВЕКА
- ↑ «Установлена мемориальная доска памяти ученых Крымской школы магнитобиологии». Արխիվացված է օրիգինալից 2020 թ․ նոյեմբերի 29-ին. Վերցված է 2020 թ․ նոյեմբերի 30-ին.
- ↑ «Темурьянц Наталья Арменаковна». Արխիվացված է օրիգինալից 2020 թ․ դեկտեմբերի 2-ին. Վերցված է 2020 թ․ նոյեմբերի 30-ին.