Յանա Դանիելյան

Յանա Դանիելյան
Ծնվել է	հուլիսի 3, 1988 (35 տարեկան); Երևան, Հայկական ԽՍՀ, ԽՍՀՄ
Երկիր	ԽՍՀՄ և Հայաստան
Մասնագիտություն	հաղորդավար և դաշնակահարուհի
Աշխատավայր	Դար 21, Հայկական երկրորդ հեռուստաալիք և Հայաստանի Հանրային Հեռուստաընկերություն
Կրթություն	Երևանի միջնակարգ մասնագիտական երաժշտական դպրոց Չայկովսկու անվան (2005) և Երևանի Կոմիտասի անվան պետական կոնսերվատորիա (2011)

Յանա Դանիելյան (հուլիսի 3, 1988(1988-07-03), Երևան, Հայկական ԽՍՀ, ԽՍՀՄ), հայ երաժիշտ, հաղորդավար։

Կենսագրություն[խմբագրել | խմբագրել կոդը]

Յանա Դանիելյանը ծնվել է 1988 թվականի հուլիսի 3-ին, Երևան քաղաքում^[1]։ Ամուսինը հաղորդավար Սուրեն Փահլևանյանն է^[2]։

Մասնագիտական կրթությունը ստացել է 2005 թվականին՝ Երևանի Պյոտր Չայկովսկու անվան երաժշտական դպրոցում։ Հետագայում ուսումը շարունակել է Երևանի Կոմիտասի անվան պետական կոնսերվատորիայի դաշնամուրային բաժինում, որն ավարտել է 2011 թվականին։ Ստացել է դաշնակահարուհու որակավորումը։

2007-2010 թվականներին որպես հաղորդավարուհի աշխատել է «Դար 21» հեռուստաընկերությունում, վարել է «Իմիջ կոդ» հաղորդումը։

2010-2011 թվականներին Հայկական երկրորդ հեռուստաալիքում եղել է «Ինչ եփել այսօր» հաղորդման հաղորդավարուհին։ Հայաստանի հանրային հեռուստաընկերությունում աշխատել է 2011 թվականից։ Նույն հեռուստաընկերությունում նկարահանվել է «Աննա» հեռուստասերիալում։

Յանա Դանիելյանը 2012 թվականից վարել է «Առավոտ լուսո» հաղորդումը^[3]։