Մոխրոտ 4×4։ Ամեն ինչ սկսվում է ցանկությունից
 ռուս.՝ Золушка 4×4. Всё начинается с желаний | |
|---|---|
 | |
| Երկիր |  Ռուսաստան |
| Ժանր | մանկական ֆիլմ |
| Թվական | 2008 |
| Լեզու | ռուսերեն |
| Ռեժիսոր | Aleksandr Barshak? |
| Սցենարի հեղինակ | Դմիտրի Ալեյնիկով |
| Դերակատարներ | Դարյա Մելնիկովա, Պյոտր Մերկուրև, Ալեքսանդր Գոլովին, Վլադիմիր Տուրչինսկի, Լյուդմիլա Արտեմևա, Դմիտրի Ֆիլիմոնով, Վասիլի Լիվանով, Oksana Stashenko? և Oleg Akulich? |
| Երաժշտություն | Sergey Miklashevskiy? |
«Մոխրոտ 4×4։ Ամեն ինչ սկսվում է ցանկություններից» (ռուս.՝ «Золушка 4×4. Всё начинается с желаний»), 2008 թվականի ռուսական ֆիլմ[1][2]։ 2008 թվականին արժանացել է «Киномалышок» մրցույթի դիպլոմ ԱՊՀ երկրների, Լատվիայի, Լիտվայի և Էստոնիայի «Киношок» կինոյի 12-րդ բաց փառատոնում։
Սյուժե[խմբագրել | խմբագրել կոդը]
Դաշան սովորում է ութերորդ դասարանում։ Նա շատ սովորական աղջիկ է, չունի մայր և ապրում է հոր ու կրտսեր քրոջ հետ։ Հայրն աշխատում է որպես ավտոփականագործ և շփվում է իր անհավասարակշիռ հաճախորդների հետ, և Դաշան ստիպված է հոգ տանել իր քրոջ մասին, ինչում երբեմն նրան օգնում է տարեց հարևանը՝ Պավելը։
Դաշան սիրում է երազել։ Նա պատկերացնում է, որ ապրում է հեքիաթում, իսկ իր շուրջը գտնվող մարդիկ նրա հեքիաթի հերոսներն են։ Մի օր՝ գիշերը քրոջը հեքիաթ պատմելիս նա ամեն ինչ այնքան հստակ է պատկերացնում, որ հեքիաթը կենդանանում է և իրականություն դառնում։ Դաշան դառնում է Մոխրոտը, որն ապրում է Ավտոտնակում, որտեղ շատ երկաթ կա, բոլորը կեղտոտ են, գզգզված մազերով, կաշվե հագուստ են հագնում և վարում են ավտոմեքենաներ, իսկ Ավտոտնակում իշխում է թագավորը, որն ատում է հայելին և օգտագործում է դյուրակիր համակարգիչ։
Մինչ Մոխրոտի մայրը կենդանի էր, ամեն ինչ լավ էր, Ավտոտնակում խաղաղ կերպով ապրում էին Սոլովեյ Ռազբոյնիկը, Ուլյանան դարձել է Մատնաչափիկ, իսկ Խլուրդը վարում էր հաշվապահությունը և ստուգում էր բենզինի որակը։ Բայց մայրը մահանում է, և հայրը նորից է ամուսնացել և տուն է բերել չար խորթ մորն ու նրա վնասակար ու չար դուստրերին, որոնք վարում են միշտ փչացող մեքենա, ծիծաղում Մոխրոտի վրա և շահագործում նրան։
Բացի այդ, թագավորը որոշում է, որ ժամանակն է խելքի բերել իր Որդուն, այսինքն՝ ամուսնացնել նրան։ Նա որոշում է կազմակերպել պարահանդես, այսինքն՝ մեծ թագավորական մրցարշավ, որին պետք է մասնակցեն Թագավորության բոլոր չամուսնացած աղջիկները, և նրանց բոլորին հաղորդագրություն է ուղարկում Mail.ru կայքով։
Բոլորը գնում են մասնակցել մրցարշավին՝ Մոխրոտին թողնելով մենակ։ Բայց գալիս է կնքամայր Փերին, Մոխրոտին տալիս մեծ ջիպ և Չեմպիոնների զգեստը՝ սպիտակ կոմբինեզոն։ Մրցաշրավին մասնակցելու Մոխրոտը ժամանում է նորաձև զգեստով ու վառ դիմահարդարումով և հաղթում։ Սակայն կախարդության գործողության ժամանակը սպառվում է, և Մոխրոտը փախչում է մրցարշավից՝ կորցնելով արծաթե պահեստային անիվը։
Հաղթող անծանոթին ապարդյուն փնտրում են (այդ թվում՝ ինտերնետային որոնմամբ)։ Վերջապես որոշում են փնտրել այն գրությամբ, թե որ մեքենային է հարմար։ Արդյունքում Մոխրոտին գտնում են, բայց արքայազնի և Մոխրոտի միջև զգացմունքներ չկան, և նրանք չեն ցանկանում ամուսնանալ։
Ավարտվում է Դաշայի երազը, և նա հանկարծ բացահայտում է, որ իրեն շրջապատող աշխարհն այնքան էլ վատը չէ, և Փոքրիկ իշխանը եկել է իր մոտ իրականում։
Դերերում[խմբագրել | խմբագրել կոդը]
| Դերասան | Դեր |
|---|---|
| Դարյա Մելնիկովա | Դաշա / Մոխրոտ |
| Պյոտր Մերկուրև | Մոխրոտի հայրը |
| Ուլյանա Իվաշչենկո | Ուլյանա / Մատնաչափիկ |
| Ալեքսանդր Գոլովին | Փոքրիկ իշխան |
| Վլադիմիր Տուրչինսկի | Կախարդված արքայազն |
| Լյուդմիլա Արտեմևա | Փերի |
| Դմիտրի Ֆիլիմոնով | քեռի Պաշա, հարևան / Մանկլավիկ |
| Վասիլի Լիվանով | Խլուրդ (հնչյունավորում) |
| Արշակ Օհանյան | Թագավոր (հնչյունավորել է Նիկիտա Պրոզորովսկին) |
| Իննա Կորոլյովա | Դատավոր |
| Օքսանա Ստաշենկո | Խորթ մայր |
| Եկատերինա Յուդինա | ավագ քույր Աննա |
| Նատալյա Ռևա | կրտսեր քույր Մարիաննա |
| Օլեգ Ակուլիչ | Ծաղրածու |
Ծանոթագրություններ[խմբագրել | խմբագրել կոդը]
- ↑ «Մոխրոտ 4×4։ Ամեն ինչ սկսվում է ցանկություններից» ֆիլմը kinopoisk.ru կայքում
- ↑ «Մոխրոտ 4×4։ Ամեն ինչ սկսվում է ցանկություններից» ֆիլմը kino-teatr.ru կայքում
Արտաքին հղումներ[խմբագրել | խմբագրել կոդը]
- Золушка 4х4. Все начинается с желаний (Кино России)
- Золушка 4х4. Все начинается с желаний (Новая энциклопедия кино)(չաշխատող հղում)
- Золушка 4х4 на РусКино Արխիվացված 2021-02-03 Wayback Machine
|
