Մյուրիել Բաուզեր
| Մյուրիել Բաուզեր | |
| |
| Կուսակցություն՝ | Դեմոկրատական կուսակցություն |
|---|---|
| Կրթություն՝ | Chatham University?, Elizabeth Seton High School? և Վաշինգտոնի ամերիկյան համալսարան |
| Մասնագիտություն՝ | քաղաքական գործիչ |
| Ծննդյան օր | օգոստոսի 2, 1972 (51 տարեկան) |
| Ծննդավայր | Վաշինգտոն, Կոլումբիայի շրջան, ԱՄՆ |
| Քաղաքացիություն |  ԱՄՆ
|
| Ինքնագիր | 
|
Մյուրիել Էլիզաբեթ Բաուզեր (անգլ.՝ Muriel Elizabeth Bowser, օգոստոսի 2, 1972, Վաշինգտոն, Կոլումբիայի շրջան, ԱՄՆ), ամերիկացի քաղաքական գործիչ, Դեմոկրատական կուսակցության անդամ։ Կոլումբիայի շրջանի քաղաքապետ (2015 թվականից)։
Կենսագրություն[խմբագրել | խմբագրել կոդը]
Ծնվել է կաթոլիկ Ջոն և Ջոան Բաուզերների ընտանիքում, երեխաներից ամենակրտրսերն էր, տասը տարով փոքր է իր ամենամտերիմ եղբայր Մարկից։ 1994 թվականին Ջոն Բաուզերը Կոլումբիա շրջանի խորհրդում ընտրվելու անհաջող փորձ էր ձեռնարկել։ Մյուրիել Բաուզերն ավարտել է Փիթսբուրգի Չեթեմի համալսարանը (Փենսիլվանիա), որն այն ժամանակ կանանց քոլեջ էր։ Որոշ ժամանակ աշխատել է Ֆիլադելֆիայում՝ State Farm ապահովագրական ընկերության ներկայացուցիչ էր, ապա ընդունվել է հայրենի Վաշինգտոնում գտնվող Ամերիկյան համալսարանի պետական կառավարման դպրոց, որտեղ ստացել է քաղաքագիտության մագիստրոսի աստիճան։ 2000 թվականին հաստատվել է Վաշինգտոնի Ռիգս Փարկ շրջանում, 2004 թվականին ընտրվել է շրջանային խորհրդատվական հանձնաժողով (Advisory Neighborhood Commission)[1]:
2006 թվականին Բաուզերը ընդգրկվել է քաղաքային խորհրդի անդամ Էդրիան Ֆենտիի թիմ, որը քարոզարշավ էր սկսել քաղաքապետ ընտրվելու համար, իսկ հաղթանակից հետո պայքարի մեջ էր մտել Կոլումբիայի շրջանի խորհրդում ազատված տեղի համար և հաջողության է հասել՝ լրացուցիչ ընտրություններում ստանալով ձայների 40%-ը և առաջ անցնելով իր 18 մրցակիցներից[2]։
2014 թվականի նոյեմբերի 4-ին Կոլումբիայի շրջանի քաղաքապետի ընտրություններում հաղթել է 53,9% արդյունքով՝ նրա մրցակիցներից ուժեղ անկախ թեկնածու Դևիդ Կատանիային (Հանրապետականները ընտրություններին չեն մասնակցել) 35,3%-ի դիմաց[3]։ 2015 թվականի հունվարի 2-ին ստանձնել է պաշտոնը[4]։
2018 թվականի նոյեմբերի 6-ին հաղթել է քաղաքապետի ընտրություններում՝ ստանալով 76% ձայն, սակայն դիտորդները նշել են նաև նրա տեղական անհաջողությունը. Բաուզերն ամեն կերպ աջակցություն էր ցուցաբերել քաղաքային խորհրդի պատգամավոր Դիոննա Ռիդերին (Dionne Reeder), որը պետք է ազատեր քաղաքապետին լուրջ հակառակորդից՝ գործող պատգամավոր Էլիսա Սիլվերմանից, բայց նա իր նպատակին այդպես էլ չի հասնում[5]։
Անձնական կյանք[խմբագրել | խմբագրել կոդը]
2018 թվականի մայիսի 21-ին Բաուզերը հրապարակավ հայտարարել է, որ որդեգրել է նորածին երեխայի։ Այսպիսով, նա դարձել է քաղաքապետի պաշտոնում հայտնված միակ միայնակ մայրը[6]։
Ծանոթագրություններ[խմբագրել | խմբագրել կոդը]
- ↑ Annys Shin (2014 թ․ հոկտեմբերի 13). «Muriel Bowser's D.C. mayoral ambitions come from her dad, not Adrian Fenty» (անգլերեն). The Washington Post. Վերցված է 2016 թ․ նոյեմբերի 12-ին.
- ↑ Mike DeBonis (2014 թ․ մարտի 3). «Muriel Bowser tries to escape Fenty's shadow, other Gray challengers in D.C. mayor race» (անգլերեն). The Washington Post. Վերցված է 2016 թ․ նոյեմբերի 12-ին.
- ↑ Andrea Noble and Mark Pace (2014 թ․ նոյեմբերի 4). «Muriel Bowser is elected as D.C. mayor» (անգլերեն). The Washington Times. Վերցված է 2016 թ․ նոյեմբերի 12-ին.
- ↑ Mike DeBonis and Aaron C. Davis (2015 թ․ հունվարի 2). «Muriel Bowser is sworn in as D.C. mayor» (անգլերեն). The Washington Post. Վերցված է 2016 թ․ նոյեմբերի 12-ին.
- ↑ Colbert I. King (2018 թ․ նոյեմբերի 7). «Muriel Bowser won her reelection battle, but she lost clout citywide» (անգլերեն). The Washington Post. Վերցված է 2018 թ․ նոյեմբերի 10-ին.
- ↑ Fenit Nirappil and Martin Weil (2018 թ․ մայիսի 22). «D.C. Mayor Muriel Bowser on adopting a baby: 'I had so much to share'» (անգլերեն). The Washington Post. Վերցված է 2018 թ․ մայիսի 22-ին.
Արտաքին հղումներ[խմբագրել | խմբագրել կոդը]
- Manuel Roig-Franzia (2014 թ․ ապրիլի 2). «Muriel Bowser, now the Democratic nominee for mayor, is a woman apart in D.C. politics» (անգլերեն). The Washington Post. Վերցված է 2016 թ․ նոյեմբերի 12-ին.
 | Վիքիպահեստն ունի նյութեր, որոնք վերաբերում են «Մյուրիել Բաուզեր» հոդվածին։ |
| ||||||||||||||
