Մեյբլ Օսգուդ Ռայթ
Մեյբլ Օսգուդ Ռայթ | |
|---|---|
 | |
| Ծնվել է | հունվարի 26, 1859[1][2][2][…] |
| Ծննդավայր | Նյու Յորք, Նյու Յորք, ԱՄՆ |
| Վախճանվել է | հուլիսի 16, 1934[3] (75 տարեկան) |
| Վախճանի վայր | Ֆերֆիլդ[3] |
| Գրական անուն | Barbara |
| Մասնագիտություն | վիպասան, թռչնաբան, գրող և լուսանկարիչ |
| Քաղաքացիություն | .svg){kind=small} ԱՄՆ |
| Ուշագրավ աշխատանքներ | Birdcraft: a field book of two hundred song, game, and water birds?, Bird-Lore, Volume VIII? և Bird-Lore, Volume I? |
| Անդամակցություն | American Ornithological Society?[3] |
| Պարգևներ | |
| Ամուսին | James Osborne Wright? |
 Mabel Osgood Wright Վիքիպահեստում | |
Մեյբլ Օսգուդ Ռայթ, ի ծնե՝ Մեյբլ Օսգուդ (անգլ.՝ Mabel Osgood Wright, հունվարի 26, 1859[1][2][2][…], Նյու Յորք, Նյու Յորք, ԱՄՆ - հուլիսի 16, 1934[3], Ֆերֆիլդ[3]), ամերիկացի կին գրող, որի՝ երեխաների և մեծահասակների համար նախատեսված գրքերը նվիրված են բնությանը և այգեգործությանը։ Ազգային Օդյուբոնի ընկերության անդամ է։ Օսգուդ Ռայթը Ֆերֆիլդում հիմնադրել է թռչունների համար նախատեսված արգելոց։
Կենսագրություն[խմբագրել | խմբագրել կոդը]
Մեյբլ Օսգուդը ծնվել է 1859 թվականին Նյու Յորքում։ Սեմյուել և Էլեն Օսգուդների երեք դուստրերից կրտսերն էր[5]։ Քահանա հայրը մեծ ազդեցություն է ունեցել Մեյբլի վրա[6]։ Լինելով գրական շրջանակներին մոտ՝ նա դուստրերին հնարավորություն էր տալիս շփվել գրողների, նկարիչների և մտածողների հետ։ Նախքան Մեյբլի ծնունդը Ֆերֆիլդում կառուցել է Մոսվուդ (Mosswood) քաղաքամերձ դաստակերտը, որտեղ աղջիկը հնարավորություն է ունեցել ծանոթանալ շրջակա բնությանը և հետազոտություններ կատարել։ Արդեն 16 տարեկան հասակում նա «New York Evening Post»-ում հրատարակել է բնության մասին իր առաջին էսսեն։ Այնուամենայնիվ հայրը, թեև կարծում էր, որ կանայք պետք է կրթված լինեն, ընդդիմացել է Մեյբլի՝ բժշկությունն ուսումնասիրելու ցանկությանը[5]։
1884 թվականին Մեյբլ Օսգուդն ամուսնացել է հնատիպ գրքերի առևտրական Ջեյմս Օսբոռն Ռայթի հետ։ Մի քանի տարի Եվրոպայում անցկացնելուց հետո ամուսինները վերադարձել են Միացյալ Նահանգներ և միաժամանակ ապրել Նյու Յորքում և Ֆերֆիլդում։ 1890-ական թվականներին Մեյբլ Օսգուդ Ռայթն սկսել է անանուն «New York Evening Post»-ում և «New York Times»-ում հրատարակել բնության մասին էսսեներ։ 1894 թվականին այդ էսսեները հավաքվել են «Բնության հետ բարեկամությունը» խորագրով գրքում (The Friendship of Nature)[6]: Այնուհետև հաջորդել են «Birdcraft»-ը (1895) и «Flowers and Ferns in Their Haunts»-ը (1901)։ Օսգուդ-Ռայթը կարծում էր, որ քաղաքային միջավայրում աճող երիտասարդ սերունդներին անհրաժեշտ է սեր սերմանել բնության հանդեպ, ուստի շատ է ստեղծագործել երեխաների համար։ Իր գրքերից շատերը գրողը նկարազարդել է սեփական լուսանկարներով։ 1926 թվականին լույս է տեսել նրա ինքնակենսագրությունը՝ «Իմ Նյու Յորք»[5]։ Ընդհանուր առմամբ՝ նա գրել է ավելի քան 25 գիրք, առաջին հերթին բույսերի, թռչունների և այգեգործության մասին։ Դրանցից մի քանիսը լույս են տեսել «Բարբարա» կեղծանվամբ[7]։
Բացի գրական գործունեությունից Օսգուդ-Ռայթը փորձեր է ձեռնարկել վերակենդանացնել Օդյուբոնովի ազգային ընկերությունը, որը հիմնադրվել էր 1886 թվականին, իսկ 1896 թվականին այն փաստացի լուծարվել է։ 1896 թվականին հիմնադրել է Կոնեկտիկուտի Օդյուբոնովի ընկերությունը (երկրորդը, որը կազմակերպվել է առանձին նահանգում) և ակտիվորեն համագործակցել է «Audubon» ամսագրի նախորդ «Bird-Lore» ամսագրի հետ, որը հրատարակվել է Օդյուբոնովի ընկերության կողմից։ Բացի այդ, Կոնեկտիկուտի Օդյուբոնովի ընկերությանը պատկանող տարածքում Մեյբլը 1914 թվականին ստեղծել է թռչունների համար նախատեսված արգելոցը, որը կոչվել է Բյորդքրաֆթ (Birdcraft): Արդեն տասը տարի անց նրա տարածքում բույն են դրել 32 տեսակի թռչուն, իսկ 1940-ական թվականներին դրանց քանակը դարձել է 150[5]։ Օսգուդ Ռայթը նաև Ֆերֆիլդի այգեպանների ընկերության հիմնադիրն էր, որը նպաստել է նահանգի վայրի բույսերի պաշտպանությանը[7]։
Մեյբլ Օսգուդ Ռայթը մահացել է 1935 թվականին Ֆերֆիլդում[5]։
Ծանոթագրություններ[խմբագրել | խմբագրել կոդը]
- ↑ 1,0 1,1 (not translated to mul) Գուտենբերգ նախագիծ(բազմ․) — Project Gutenberg Literary Archive Foundation, 1971.
- ↑ 2,0 2,1 2,2 2,3 Swartz A. Open Library — 2007.
- ↑ 3,0 3,1 3,2 3,3 3,4 3,5 3,6 Deceased members
- ↑ https://www.cwhf.org/inductees/mabel-osgood-wright
- ↑ 5,0 5,1 5,2 5,3 5,4 Connecticut Women's Hall of Fame
- ↑ 6,0 6,1 At Home on this Earth, 2002, էջ 110
- ↑ 7,0 7,1 Pioneers of American Landscape Design, 1995, էջ 175
Գրականություն[խմբագրել | խմբագրել կոդը]
- Lorraine Anderson, Thomas S. Edwards At Home on this Earth: Two Centuries of U.S. Women's Nature Writing. — UPNE, 2002. — P. 110.
- Charles A. Birnbaum, Julia K. Fix Pioneers of American Landscape Design II: An Annotated Bibliography. — 1995. — P. 175—178.
Արտաքին հղումներ[խմբագրել | խմբագրել կոդը]
- «Mabel Osgood Wright». Connecticut Women's Hall of Fame (անգլերեն).
- Kathy Van Der Aue. «Mabel Osgood Wright and the History of Birdcraft & the Connecticut Audubon Society». The Connecticut Audubon Society (անգլերեն).
 | Վիքիպահեստն ունի նյութեր, որոնք վերաբերում են «Մեյբլ Օսգուդ Ռայթ» հոդվածին։ |
| ||||||||||||||||
