Մատա Պրետա էկոլոգիական կայան
 Estação Ecológica da Mata Preta | |
|---|---|
 | |
| Տեսակ | էկոլոգիական կայան |
| Կազմված է | Անտլանտյան անտառ |
| Երկիր |  Բրազիլիա |
| Վարչատարածք | Պարանա և Սանտա Կատարինա |
| Հիմնվել է | 2005 |
| Մակերես | 6573 հեկտար |
| Կառավարում | Բրազիլիայի դաշնային կառավարություն |
  | |
Մատա Պրետա էկոլոգիական կայան (պորտ.՝ Estação Ecológica da Mata Preta), էկոլոգիական կայան Բրազիլիայի Սանտա Կատարինա նահանգում։ Այն պահպանում է Ատլանտյան անտառի բուսականության հատվածներ, ներառյալ վտանգված բույսերի և կենդանիների տեսակներ։
Տեղագրություն[խմբագրել | խմբագրել կոդը]
Մատա Պրետա էկոլոգիական կայանը Սանտա Կատարինա նահանգի Աբելարդու Լուս մունիցիպալիտետում է[1]։ Ունի 6566.50 հա տարածք[2]։ Էկոլոգիական կայանը գտնվում է Պարանա նահանգի սահմանից անմիջապես հարավ։ Տեղակայված է Կլեվելանդիա ու Պալմասի միջև ընկած BR-280 մայրուղու հարավային մասի երկայնքով՝ երեք առանձին հատվածներում։ SC-155 մայրուղին արևելյան հատվածը բաժանում է կենտրոնական հատվածից[1]։ Բուֆերային գոտու լայնությունը 500 մետր է և ներառում է Կլեվելանդիա համայնքի մի մասը[3]։
Պատմություն[խմբագրել | խմբագրել կոդը]
Մատա Պրետա էկոլոգիական կայանը ստեղծվել է 2005 թվականի հոկտեմբերի 19-ին[2]։ Գործընթացը շատ առճակատային էր` հողատերերի խիստ հակազդեցությամբ պայմանավորված[4]։ Խորհրդատվական խորհուրդը ստեղծվել է 2010 թվականի սեպտեմբերի 1-ին[1]։ 2016 թվականի դրությամբ իրավական կարգավիճակը դեռ վերջնական տեսքի չի բերվել ու հողի սեփականատերերը չեն փոխհատուցվել։ Դաշտային ուսումնասիրություններ չեն իրականացվել և կառավարման ծրագիր չի եղել[4]։
Այն դասվում է Բնության պահպանության միջազգային միության I կատեգորիային (խիստ բնական արգելավայր)։ Նպատակն է` պահպանել բնությունը և աջակցել գիտական հետազոտություններին[4]։ Կառավարվում է Չիկո Մենդեսի Կենսաբազմազանության պահպանության ինստիտուտի կողմից[2]։
Շրջակա միջավայր[խմբագրել | խմբագրել կոդը]
Տեղանքը լեռնային է, կտրտված փոքր ջրուղիներով, որոնք սնուցում են Շապեկո գետը Որուգվայի գետային ավազանում։ Բարձրությունները ծովի մակարդակից բարձր են 830-1050 մետր։ Տարեկան տեղումների միջին քանակը 2100 մմ է։ Ջերմաստիճանը տատանվում է 10-ից մինչև 30 °C, իսկ միջինը՝ 20 °C է[4]։
Էկոլոգիական կայանը Ատլանտյան անտառ բիոմում է[2]։ Բուսականությունը հիմնականում խառը խոնավ անտառային է։ Անտառի երեք հատվածները ռեգեներացիայի տարբեր փուլերում են։ Դրանցից մեկը լավ պահպանված է և ներառում է բրազիլական արաուկարիաների հսկայական կանգուն ծառատեսակներ, որոնք պատմության մեջ բնորոշ են առաջնային անտառի ձևավորմանը։ Դրանք են՝ բրազիլական ընկուզենին, սղոցին և Sloanea lasiocoma։ Մյուս երկու հատվածները ցույց են տալիս մարդկային գործունեության ազդեցությունը, պարզաբանելով, որ դրանցում կան սուկցեսսիայի աճի տարբեր փուլեր։ Այնուամենայնիվ, դրանք պարունակում են հազվագյուտ և վտանգված ծառատեսակներ[3]։
Կարևոր ծառատեսակներից են՝ Dicksonia sellowiana, Cordia trichotoma, Ocotea pulchella և այլն[4]։ Պահպանված կաթնասուններից և թռչնատեսակներից են՝ օցելոտը (Leopardus pardalis), օնցիլլան (Leopardus tigrinus), Leopardus pajeros (Leopardus colocolo), պուման (Puma concolor) և գաճաճ այծյամը (Mazama nana)[2]։
Բուֆերային գոտին պարունակում է գյուղատնտեսական փոքր բնակավայրեր, փոքր ու մեծ տնտեսություններ և սոճու մեծ տնկարկներ։ Կան սոյայի, լոբու, ցորենի և եգիպտացորենի հսկայական դաշտեր[3]։ Շրջանը ենթարկվում է ծառահատումների և գյուղատնտեսության ինտենսիվ ճնշման։ Մասնատումից բացի, էկոլոգիական կայանին վնաս են հասցնում որսորդությունը, ձմռան վերջին բուֆերային գոտու դաշտերում բռնկված հրդեհները, լքված տնային կենդանիներն ու հարձակվող էկզոտիկ տեսակները[3]։
Պատկերասրահ[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
Աղբյուրներ[խմբագրել | խմբագրել կոդը]
- «A Estação Ecológica da Mata Preta», Apremavi (Portuguese), Վերցված է 2016-07-18-ին
{{citation}}: CS1 սպաս․ չճանաչված լեզու (link) - Esec da Mata Preta (Portuguese), Chico Mendes Institute for Biodiversity Conservation, Արխիվացված է օրիգինալից 2016-09-15-ին, Վերցված է 2016-07-18-ին
{{citation}}: CS1 սպաս․ չճանաչված լեզու (link) - ESEC da Mata Preta (Portuguese), ISA: Instituto Socioambiental, Վերցված է 2016-07-18-ին
{{citation}}: CS1 սպաս․ չճանաչված լեզու (link) - Unidade de Conservação: Estação Ecológica da Mata Preta (Portuguese), MMA: Ministério do Meio Ambiente, Վերցված է 2016-07-18-ին
{{citation}}: CS1 սպաս․ չճանաչված լեզու (link)
|
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Մատա Պրետա էկոլոգիական կայան կատեգորիայում։ |