Մանուչե (անհայտ - 1110), ամիրա Շադդադյանների տոհմից, Դվինի Աբուլ Ասվար ամիրայի որդին։ Մանուչեի կինը Բագրատունի Աշոտ Դ-ի դուստրն էր։ Մանուչեի պապը՝ Գանձակի Փտալուն ամիրան (1072-75), 1072 թ-ին գնեց Անին՝ սելջուկների Ալփ-Արսլան սուլթանից և հանձնեց մանկահասակ Մանուչեին, որը իշխեց Անի-Շիրակում՝ մինչև 1110 թ.։
Ստանալով Անին կիստվեր վիճակում՝ Մանուչեն վերակառուցեց քաղաքը և նրա պարիսպները։ Հայերի նկատմամբ վարել է համեմատաբար մեղմ և բարյացակամ քաղաքականություն։ 1081 թ-ին Մանուչեի և Կյուրիկե Ա-ի օժանդակությամբ Շիրակի եպիսկոպոս Բարսեղը օծվել է Հայոց կաթողիկոս՝ Անի նստավայրով։ Մանուչեի օրոք Պահլավունյացտոհմի ներկայացուցիչները (որոնք Բագրատունիների օրոք բարձր պաշտոններ ունեին հայոց արքունիքում) վերահաստատվեցին Անիում։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 7, էջ 257)։
