Մայիս Միրզոյան
- Վիքիպեդիայում կան հոդվածներ Միրզոյան ազգանունով այլ մարդկանց մասին։
Մայիս Միրզոյան | |
---|---|
մայիսի 1, 1956[1] - ապրիլի 4, 2016[2] (59 տարեկան) | |
Ծննդավայր | Դարբաս, Սիսիանի շրջան, Հայկական ԽՍՀ, ԽՍՀՄ |
Մահվան վայր | Մարտակերտ, Թարթառի շրջան, Ադրբեջան |
Քաղաքացիություն | Հայաստան |
Ծառայության տարիներ | 1974-2016 |
Կոչում | ավագ լեյտենանտ, կապիտան փոխգնդապետ |
Հրամանատարն էր | դասակի |
Պաշտոն | Սիսիանի բաժանմունքի հիմնադիր նախագահ |
Մարտեր/ պատերազմներ | Արցախա-ադրբեջանական սահմանային պատերազմ (2016) |
Պարգևներ |
|
Մայիս Միրզոյան (մայիսի 1, 1956[1], Դարբաս, Սիսիանի շրջան, Հայկական ԽՍՀ, ԽՍՀՄ - ապրիլի 4, 2016[2], Մարտակերտ, Թարթառի շրջան, Ադրբեջան), ապրիլյան քառօրյա պատերազմի հերոս, ավագ լեյտենանտ, կապիտան, փոխգնդապետ։
Կենսագրություն[խմբագրել | խմբագրել կոդը]
Մայիս Երջանիկի Միրզոյանը ծնվել է 1956 թվականի մայիսի 1-ին, Սիսիանի Դարբաս գյուղում։ 1963-1973 թվականներին սովորել է Դարբասի միջնակարգ դպրոցում։ Ավարտելով դպրոցը, 1973-1974 թվականին սովորել է Երևանի թիվ 9 տեխնիկական ուսումնարանում։ 1974-1977 թվականներին ծառայել է խորհրդային բանակում։ 1977-1979 թվականներին աշխատել է Տաթև ՀԷԿ-ի գլխավոր կառույցում, համատեղելով ուսումը Սիսիանի Պոլիտեխնիկում։ 1988 թվականին Ղարաբաղյան շարժման առաջին օրից մասնակցել է ՀՀ սահմանների, ապա` Ղարաբաղի Բերդաձորի ենթաշրջանի պաշտպանությանը։ 1993 թվականի հունվարի 16-ին ծառայության է անցել ՀՀ ՊՆ N զորամասի պայմանագրային վաշտում որպես դասակի հրամանատար և ստացել է ավագ լեյտենանտի կոչում։ 1993 թվականի մարտի 31-ին Քելբաջարի ազատագրման ժամանակ Վակունիս գյուղի համար մղվող մարտերում վիրավորվել է։ Սակայն որոշ ժամանակ անց դարձել է վաշտի հրամանատար և մասնակցել է Ղարաբաղի ազատագրման մարտերի բոլոր պատերազմական գործողություններին։ 1995-1996 թվականներին ստեղծել է ԵԿՄ (երկրապահ կամավորական միություն) հասարակական կազմակերպությունը։ Զբաղեցրել է Սիսիանի բաժանմունքի հիմնադիր նախագահի պաշտոնը։ 1996 թվականից նշանակվել է N զորամասի մարտական պատրաստության խմբի պետ ստանալով կապիտանի կոչում[3]։ 1997 թվականին նշանակվել է 4-րդ բանակային կորպուսի ուսումնական կենտրոնի պետ, մասնակցելով բանակաշինության բոլոր փուլերին։ 2011 թվականին փոխգնդապետի կոչումով անցել է կրթաթոշակի։ 2012 թվականի սեպտեմբերին ընտրվել է Դարբաս համայնքի ղեկավար։ 2015 թվականի դեկտեմբերին ընտրվել էր ԵԿՄ Սիսիանի տարածքային կառույցի ղեկավարի պաշտոնակատար[4]։
Մարտական գործողություններ[խմբագրել | խմբագրել կոդը]
Ապրիլի 3-ի գիշերը լույս 4-ին Մարտակերտում ադրբեջանական կողմը լայնածավալ ռազմական գործողություններ է սկսել սահմանագծում։ Հակառակորդը Մարտակերտի ճանապարհին անօդաչու սարքով ռմբակոծել է Սիսիանի ջոկատի ավտոբուսը։ Այդ ավտոբուսի մեջ է եղել և մահացու վիրավորում ստացել հերոս Մայիս Միրզոյանը[5]։
Պարգևներ[խմբագրել | խմբագրել կոդը]
- ՀՀ «Մարտական ծառայություն» մեդալ
- ԵԿՄ պատվոգիր
- ԵԿՄ հուշամեդալ
- ԼՂՀ Մայրական երախտագիտության կրծքանշան
Հուղարկավորություն[խմբագրել | խմբագրել կոդը]
Հոգեհանգիստը տեղի է ունեցել 2016 թվականի ապրիլի 6-ին ժամը 18:00-ին, իսկ հուղարկավորությունը՝ 2016 թվականի ապրիլի 7-ին, ժամը 13:30-ին Սիսիանի Դարբաս գյուղում։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 https://www.facebook.com/1522744434505655/posts/1837498996363529/
- ↑ 2,0 2,1 2,2 https://shamshyan.com/hy/article/2018/01/14/1086697/
- ↑ «Սիսիանցի կամավոր,[[Դարբաս]]ի գյուղապետ Մայիս Միրզոյանը այսօր կդառնար 60 տարեկան». Արխիվացված է օրիգինալից 2016 թ․ մայիսի 3-ին. Վերցված է 2017 թ․ հուլիսի 4-ին.
- ↑ ԱՊՐԻԼՅԱՆ ՀԵՐՈՍԱՄԱՐՏԻ ՍԻՍԻԱՆՑԻ ՆԱՀԱՏԱԿՆԵՐԸ
- ↑ Հերոս Մայիս Միրզոյանը