Ղազի (Քղիի գավառ)

Գյուղ
Ղազի
Վարչական տարածք	Արևմտյան Հայաստան
Վիլայեթ	Էրզրումի գավառԷրզրումի գավառ
Գավառակ	Քղիի գավառակ
Այլ անվանումներ	Կազի
Պաշտոնական լեզու	Հայերեն
Ազգային կազմ	Հայեր (մինչև Մեծ եղեռնը)
Կրոնական կազմ	Քրիստոնյա (մինչև Մեծ եղեռնը)
Ժամային գոտի	UTC+3
Ղազի (Քղիի գավառ) (Աշխարհ)

Ղազի, գյուղ Արևմտյան Հայաստանում, Էրզրումի վիլայեթի Քղիի գավառակում` ժայռոտ բարձունքի վրա։ Շրջապատված էր պտղատու ծառերով։

Պատմություն

Ղազի հայերը տեղահանվել են 1915 թվականին, Մեծ եղեռնի ժամանակ։ Նրանց մեծ մասը զոհվել է բռնագաղթի ճանապարհին։

Բնակչություն

1872-1873 թվականներին ուներ 11 տուն հայ և 25 տուն թուրք, իսկ 1909 թվականին ուներ 15 տուն՝ 105 հայ բնակչով և 168 տուն թուրք բնակիչ։

Տնտեսություն

Զբաղվում էին երկրագործությամբ, անասնապահությամբ և այգեգործությամբ։

Պատմամշակութային կառույցներ

Ղազին ուներ 2 եկեղեցի։ Նրանցից մեկը ավերակ էր, իսկ կանգնուն եկեղեցին կոչվում էր Ս. Եղիա։ Այն կառուցված էր 1870 թվականին։

Կրթություն

Գյուղն ուներ հայկական փոքրիկ վարժարան։

Աղբյուրներ

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։