Ղազախական ԽՍՀ գիտությունների ակադեմիայի աստղաֆիզիկական ֆակուլտետ

Ղազախական ԽՍՀ գիտությունների ակադեմիայի աստղաֆիզիկական ֆակուլտետ, գիտահետազոտական հիմնարկ Ալմա-Աթայում։

Հիմնադրում

Հիմնադրվել է 1942 թվականին։ Ինստիտուտի լեռնային աստղադիտարանում (ծովի մակարդակից 1500 մ բարձր) տեղակայված են Մակսուտովի աստղադիտակը (50 սմ տրամագծով), ռեֆլեկտոր (70 սմ տրամագծով) և այլ գործիքներ։ Ինստիտուտի բարձրլեռնային բազայում (ծովի մակարդակից ավելի քան 3000 մ բարձր) գտնվում է արևապսակային կայանը։ Ինստիտուտում աշխատանքներ են տարվում

• մթնոլորտային օպտիկայի
• Արեգակնային համակարգի անդամների ֆիզիկայի
• աստղերի ու միջաստղային միջավայրի փոխադարձ կապի
• աստղային համակարգերի դինամիկայի
• կոսմոգոնիայի և կոսմոլոգիայի ուղղությամբ։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։