Ձյունե հեքիաթ
 ռուս.՝ Снежная сказка | |
|---|---|
 | |
| Երկիր | .svg){kind=small} ԽՍՀՄ |
| Ժանր | մանկական ֆիլմ |
| Թվական | 1959 |
| Լեզու | ռուսերեն |
| Ռեժիսոր | Ալեքսեյ Սախարով |
| Սցենարի հեղինակ | Վիկտոր Վիտկովիչ |
| Դերակատարներ | Զինաիդա Նարիշկինա |
| Երաժշտություն | Յուրի Լևիտին |
| Կինոընկերություն | Մոսֆիլմ |
«Ձյունե հեքիաթ» (ռուս.՝ «Снежная сказка»), խորհրդային ֆիլմ-հեքիաթ՝ նկարահանված 1959 թվականին Վիկտոր Վիտկովիչի ու Գրիգորի Յագդֆելդի «Հեքիաթ օրը ցերեկով» (ռուս.՝ «Сказка среди белого дня») գրքի հիման վրա։ Էլդար Շենգելայա և Ալեքսեյ Սախարով ռեժիսորական դուետի երկրորդ ֆիլմն է «ժամանակակից հեքիաթի» ժանրում[1]։
Նախատեղվել է ֆիլմը ցուցադրել Կաննի մանկական ֆիլմերի փառատոնում, սակայն գրաքննությունը Լեոնովի կերպարում կասկածել է ակնարկ Նիկիտա Խրուշչովի վերաբերյալ, և Սերգեյ Միխալկովի գլխավորությամբ հանձնաժողովը որոշել է թույլ չտալ, որ ֆիլմը մասնակցի փառատոնին, և այն թողարկվել է ոչ մեծ տպաքանակով վարձույթային չորրորդ կատեգորիայով[2] (5-10 պատճեն օրիգինալից), ինչը համարժեք էր ֆիլմը «դարակում թողնելուն»։
Սյուժե[խմբագրել | խմբագրել կոդը]
Ամանորի նախօրեին Միտյան, որը սիրում էր երևակայության գիրկն ընկնել, դպրոցում կատակով ընկերներին պատմում է, որ իր մանկական խաղալիք ժամացույցը, որն ունի նկարված սլաքներ, կախարդական է ու կարող է կանգնեցնել աշխարհի բոլոր ժամացույցները, կանգնեցնել ժամանակը և նույնիսկ կենդանացնել ձնեմարդուն։ Նրան ոչ ոք չի հավատում։ Սակայն նրա բոլոր ֆանտազիաները հանկարծ իրականություն են դառնում. ձնեմարդը, որի սրտի փոխարեն Միտյան դրել էր ժամացույցը, վերածվում է գեղեցիկ աղջկա, և Միտյան նրան կոչում է Լյոլյա։
Ժամացույցի գոյության մասին իմանում է Հին տարին՝ խորհրդավոր ու նենգ մի կերպար, որը չի ցանկանում և վախենում է Նոր տարվա գալուց, քանի որ դա կնշանակի իր մահը։ Նա որոշում է տիրանալ այդ ժամացույցին, որպեսզի կանգնեցնի ժամանակն ու ընդմիշտ ապահովագրի իր գոյությունը։
Ապարդյուն կերպով փորձելով Միտյայից ու Լյոլյայից ստանալ ժամացույցը՝ Հին տարին երեխաներից վերցնում է տուփ, որում կային երեք աննշան իրեր՝ թղթադրամ, ածուխ և թղթի կտոր։ Այդ կախարդական իրերի օգնությամբ նա կենդանացնում է ևս երեք ձնեմարդերի, որոնք դառնում են իր օգնականները։ Վերջիններիս օգնությամբ Հին նոր տարին փորձում է Ամանորից տասը ժամ առաջ գտնել կախարդական ժամացույցը։
Դերերում[խմբագրել | խմբագրել կոդը]
- Իգոր Երշով – Միտյա (հնչյունավորող՝ Մարգարիտա Կորաբելնիկովա[3], տիտրերում նշված չէ)
- Ալլա Կոժոկինա – Լյոլյա (հնչյունավորող՝ Մարգարիտա Կորաբելնիկովա[3], տիտրերում նշված չէ)
- Եվգենի Լեոնով – Հին տարի
- Զինաիդա Նարիշկինա – Թղթե հոգի
- Կլարա Լուչկո – Սև հոգի, Կլեոպատրա Պետրովնա, մորաքույր Կլյոպա
- Վերա Ալտայսկայա – Վաճառված հոգի
- Նիկոլայ Սերգեև – ժամագործ Պետուշկով
- Միխայիլ Պուգովկին – վարորդ (հնչյունավորող՝ Յուրի Սարանցև[4][5], տիտրերում նշված չէ)
Ստեղծողներ[խմբագրել | խմբագրել կոդը]
- Սցենարիստներ – Վիկտոր Վիտկովիչ, Գրիգորի Յագդֆելդ
- Բեմադրող ռեժիսորներ – Ալեքսեյ Սախարով, Էլդար Շենգելայա
- Օպերատորներ՝ Վիկտոր Լիստոպադով, Յուրի Սխիրտլաձե
- Համակցված նկարահանումների օպերատոր – Բ. Տրավկին
- Նկարիչ – Լև Միլչին
- Կոմպոզիտոր – Յուրի Լևիտին
- Հնչյունային օպերատոր – Ե. Ֆեոդորով
- Խմբագիր – Ի. Ռոստովցև
- Մոնտաժող –Ա. Կարպովա, Լ. Ֆեյգինովա
- Գրիմը՝ Ս. Շկալիկովա
- Հագուստները՝ Լ. Ռյաշենցևայի
- Ֆիլմերի արտադրության ղեկավարության նվագախումբ, դիրիժոր՝ Ա. Ժյուրայտիս
- Գեղարվեստական ղեկավար – Սերգեյ Յուտկևիչ
- Ֆիլմի տնօրեն – Վիկտոր Սլոնիմսկի
Տեխնիկական տվյալներ[խմբագրել | խմբագրել կոդը]
Ֆիլմը գունավոր է, մետրաժը՝ 1888 մետր, բաղկացած է յոթ մասից[6]։
Ծանոթագրություններ[խմբագրել | խմբագրել կոդը]
- ↑ Искусство кино, № 2, 1959 (с. 10) // изд. «Искусство».
- ↑ Клара Лучко. Я — счастливый человек. (с. 198—200) // «Вагриус», 2006; ISBN 978-5-9697-0366-7.
- ↑ 3,0 3,1 Корабельникова Маргарита Павловна
- ↑ Пуговкин Михаил
- ↑ Михаил Пуговкин
- ↑ Страницы истории отечественного кино. (с. 100) // НИИ Киноискусства, М., 2006 ISBN 5-85646-163-0.
Արտաքին հղումներ[խմբագրել | խմբագրել կոդը]
- «Снежная сказка» — энциклопедия Кирилла и Мефодия
- Отзывы о фильме на kino-teatr.ru
- «Сказка среди бела дня» — литературная основа сценария
- Лучко Клара Степановна. Чёрная душа из снежной сказки
|
