Հիասքանչ այգեգործուհին
 |
Այս հոդվածն աղբյուրների կարիք ունի։ Դուք կարող եք բարելավել հոդվածը՝ գտնելով բերված տեղեկությունների հաստատումը վստահելի աղբյուրներում և ավելացնելով դրանց հղումները հոդվածին։ Անհիմն հղումները ենթակա են հեռացման։ |
 |
Այս հոդվածը կարող է վիքիֆիկացման կարիք ունենալ Վիքիպեդիայի որակի չափանիշներին համապատասխանելու համար։ Դուք կարող եք օգնել հոդվածի բարելավմանը՝ ավելացնելով համապատասխան ներքին հղումներ և շտկելով բաժինների դասավորությունը, ինչպես նաև վիքիչափանիշներին համապատասխան այլ գործողություններ կատարելով։ |
 ֆր.՝ La belle jardinière | |
|---|---|
 | |
| տեսակ | գեղանկար |
| նկարիչ | Ռաֆայել Սանտի |
| տարի | մոտ 1507 |
| բարձրություն | 122 |
| լայնություն | 80 |
| ուղղություն | Բարձր վերածնունդ |
| ժանր | հոգևոր արվեստ[1] |
| նյութ | Տախտակ, յուղաներկ |
| գտնվում է | Իտալական նկարներ, 5-րդ սրահ |
| հավաքածու | Լուվրի գեղանկարի բաժին[2] |
| սեփականատեր | Ֆրանսիական պետություն |
| հիմնական թեմա | Աստվածամայրն ու Որդին |
| մակագրություն | RAPHAELLO URB. MDVIII |
պատկերված են
| |
| http://www.louvre.fr/jp/oeuvre-notices/%E3%80%8A%E8%81%96%E6%AF%8D%E5%AD%90%E3%81%A8%E5%B9%BC%E3%81%8D%E6%B4%97%E7%A4%BC%E8%80%85%E8%81%96%E3%83%A8%E3%83%8F%E3%83%8D%E3%80%8B, https://www.wga.hu/html/r/raphael/2firenze/2/34ardin.html կայք | |
Ծանոթագրություններ | |
 La Belle Jardinière - Raphael - Louvre INV 602 Վիքիպահեստում | |
Հիասքանչ այգեգործուհին ֆր.՝ La belle jardinière - (122×80սմ) «Տիրամայրը» ստորագրված Ռաֆայել Սանտիի անունով, որը XVI դարից համարվում է Լուվրիր գոհարներից մեկը։ Այն վերաբերվում է Ռաֆայելի Ֆլորենցիայում ստեղծագործական շրջանին(1507) և շատ ընդհանրություններ ունի երկու այլ աշխատանքների հետ՝ «Տիրամայրը կանաչների մեջ» և «Գավազանով Տիրամայրը»։
Պատմություն[խմբագրել | խմբագրել կոդը]
Հնուց ընդունված է համեմատել «Հիասքանչ այգեգործուհուն» այն «Տիրամոր» հետ, որին Վազարիի վկայությամբ, Ռաֆայելին է պատվիրել պատկերել հայտնի սիենացի Ֆ․ Սերգարդին։ Ռաֆայելի Հռոմ մեկնելուց հետո նկարը ավարտին է հասցվել Ռաֆայել Գորլանդայոյին (նրա վրձնին է պատկանում ըստ երևույթի Տիրամոր երկնագույն թիկնոցը)։ Սիենայից կտավը կատարել է ճանապարհորդություն Ֆրանցիսկ առաջինի արքունիկ, դառնալով առաջինը Ռաֆայելի աշխատանքներից Ֆրանսիայում, որտեղ շուտով դարձավ խոնարհումի և հիացմունքի առարկա։ Թագավորական հավաքածուների կատալոգներում նկարն երկար ժամանակ նշվել է «Սուրբ Մարիամ Աստվածածնի հագուստով մի գյուղացի» անունով, մինչ հայտնի արվեստաբան Պիեռ Յան Մարիետտը 1720 թվականին չտվեց նրան ավելի ռոմանտիկ անվանում «Հիասքանչ այգեգործուհին»։
Նկարագրություն[խմբագրել | խմբագրել կոդը]
Կույսը ձեռքով բռնել է իր ծնկին թեքված նորածին Քրիստոսին։ Նա իր ձեռքը պարզել է որպեսզի վերցնի նրա ձեռքի գիրքը (ավանդական «Կարդացող Տիրամոր» կոմպոզիցիայի թեմա)։ Նրանց հայացքներն հատվում են։ Աջ անկյունում ծնկաչոք պատկերված է Հովհաննես Մկրտիչը գավազանով, խաչով պսակված։ Նրա հայացքը հառած է նորածնին։ Երեք բնորդների գլուխներն էլ բոլորված են հազիվ նկատելի պսակով։ Տիրամոր հագուստը պատկերված է երկու արդեն սովորական դարձած գույներով (կարմիր և կապույտ), ավելացված է ոսկեգույնը թևերի վրա, որը հարմոնիկ է դիտվում բնանկարի և այգու կանաչների հետ, որ շրջանակում են պատկերը ներքևից։ Կանաչների մեջ տարբերվում են մանուշակները, որ խորհրդանշում են Մարիամի հնազանդությունը, և ցնցուղը, որ խորհրդանշում է Քրիստոսի հույզերը։ Տիրամոր մեջքի հետևում փռվում է անհողդողդ բնությունը աջից լճերով, ձախից քաղաքով։ Եռանկյունաձև կոմպոզիցիան, որ նման է «Սուրբ Աննան Տիրամոր և նորածին Քրիստոսի հետ» նկարին, ցույց է տալիս Լեոնարդո Դա Վինչիի կերպարներին հետեվելը։ Սակայն Լեոնարդոյին հատուկ միստիկ պատկերման փոխարեն Ռաֆայելի կտավն թողնում է ընտանեկան համերաշխության և ներդաշնակ խաղաղության զգացողության տպավորություն։
Ծանոթագրություններ[խմբագրել | խմբագրել կոդը]
Գրականություն[խմբագրել | խմբագրել կոդը]
- Pierluigi De Vecchi. Raffaello. Rizzoli, Milano 1975
- Paolo Franzese. Raffaello. Mondadori Arte, Milano 2008
 | Վիքիպահեստն ունի նյութեր, որոնք վերաբերում են «Հիասքանչ այգեգործուհին» հոդվածին։ |
| ||||||
| ||||||||||||||