Հարություն Մեհրաբյան
Հարություն Մեհրաբյան | |
---|---|
Ծնվել է | մայիսի 19, 1886 Թիֆլիս, Ռուսական կայսրություն |
Երկիր | ԽՍՀՄ և ԱՄՆ |
Մահացել է | 1961 |
Մասնագիտություն | կոմպոզիտոր |
Կրթություն | Ներսիսյան դպրոց և Մոսկվայի կոնսերվատորիա |
Հարություն Մեհրաբյան (մայիսի 19, 1886, Թիֆլիս, Ռուսական կայսրություն - 1961), հայ կոմպոզիտոր, խմբավար։
Կենսագրություն[խմբագրել | խմբագրել կոդը]
Հարություն Մեհրաբյանը ծնվել է 1886 թվականի մայիսի 19-ին Թիֆլիսում։ Երաժշտության դասեր է առել Մակար Եկմալյանից, ապա սովորել է Թիֆլիսի Ներսիսյան դպրոցում, Դոնի Ռոստովի կոնսերվատորիայում և Մոսկվայի պետական կոնսերվատորիայում։ 1919 թվականին մեկնել է Կ. Պոլիս։ 1923 թվականին բնակություն է հաստատել Նյու Յորքում։
Ստեղծել է մեծ երգչախումբ (Գրիգոր Սյունու հետ), հանդես եկել Նյու Յորքում, Դետրոյտում, Ֆիլադելֆիայում և այլ քաղաքներում։ Գրել է երգեր, որոնցից ճանաչված են՝ «Խնձորի ծառի տակին», «Դու նստել ես աղբրա ափին», «Արևի պես սիրուն Զարոս», «Սարերի աղջիկ», «Գնչուհու երգը» և այլն։ Երաժշտագիտական հոդվածներով հանդես է եկել ամերիկահայ մամուլում։
Կինը՝ Հելեն Մեհրաբյանը (Ելենա Լվովա), եղել է ճանաչված տավղահարուհի[1]։
Հարություն Մեհրաբյանը մահացել է 1961 թվականին Նյու Յորքում։
Ծանոթագրություններ[խմբագրել | խմբագրել կոդը]
Այս հոդվածի կամ նրա բաժնի որոշակի հատված վերցված է «Հայ երաժշտության հանրագիտարանից», որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։ |