Հարություն Դավթյան
- Վիքիպեդիայում կան հոդվածներ Դավթյան ազգանունով այլ մարդկանց մասին։
| Հարություն Դավթյան | |
|---|---|
| Ծնվել է | հունիսի 22, 1954 (69 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Ազգություն | հայ |
| Մասնագիտություն | օդաչու |
Հարություն Վահանի Դավթյան (հունիսի 22, 1954, Երևան, Հայկական ԽՍՀ, ԽՍՀՄ), օդաչու-հրամանատար։
Կենսագրություն[խմբագրել | խմբագրել կոդը]
Ավարտել է Սասովոյի (Ռյազանի մարզ, Ռուսաստան) քաղաքացիական ավիացիայի օդաչուական ուսումնարանը (1975), վերապատրաստվել Կիրովգրադի (Ուկրաինա) օդաչուական դասընթացներում (1980)։ 1975-1998 թվականներին աշխատել է «Էրեբունի» օդանավակայանում։
1990-1992 թվականներին Յակ-40 ինքնաթիռի անձնակազմում (հրամանատար) մասնակցել է Արցախի ինքնապաշտպանությանը։ Շուշիի ազատագրմանը նախորդող օրերին մարտական գոտում կատարել է 15-ից ավելի թռիչք։ 1992 թվականի մայիսի 9-ին գնդակոծվել է Յակ-40 ինքնաթիռը, անձնակազմը (Հարություն Դավթյանի հրամանատարությամբ) կարողացել է հմտությամբ վայրէջք կատարել Սիսիանի օդանավակայանում, փրկել ուղևորներին և վիրավոր հրահանգիչ-օդաչու Միքայել Անդրեասյանին։
Ընդհանուր թռիչքաժամը Արցախ կազմել է 199 ժամ։
Պարգևատրվել է Արցախի Հանրապետության «Մարտական խաչ» 2-րդ աստիճանի շքանշանով։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Ղարաբաղյան ազատագրական պատերազմ (1988—1994) հանրագիտարանից, որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո ։ 
|
|
Սա անձի մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։ |