Կրեշիմիր I
Կրեշիմիր I Krešimir I | |
---|---|
Խորվաթիայի թագավոր | |
Իշխանություն | 935-945 թվականներ |
Թագադրում | 935 թվական |
Ծնվել է՝ | անհայտ |
Մահացել է՝ | 945 թվական |
Երկիր | Խորվաթիա |
Ազգություն | խորվաթ |
Տոհմ | Տրպիմիրովիչների արքայատոհմ |
թագավոր | |
Հայր | Տրպիմիր II |
Երեխաներ | Միրոսլավ և Միխայիլո Կրեշիմիր II |
Հավատք | քրիստոնեություն |
Կրեշիմիր I (խորվ.՝ Krešimir I, ծնված՝ անհայտ, մահացած՝ 945 թվական), Խորվաթիայի թագավոր Տրպիմիրովիչների հարստությունից, որը կառավարել է 935-945 թվականներին[1]։ Խորվաթիայի թագավորի պաշտոնում հաջորդել է հորը՝ Տրպիմիր II-ին, որը թվով երկրորդ արքան էր[2]։ Կրեշիմիրը թագավորում է հարաբերական խաղաղության և կայունության պայմաններում՝ պահպանելով հորից ժառանգած տերության աշխարհագրական սահմանների անձեռնմխելիությունը։
Կրեշիմիրի անվան ծագումնաբանության վերաբերյալ արդի գիտության մեջ առկա են իրարամերժ կարծիքներ։ Ըստ ծագումնաբանության սլավոնական տարբերակի՝ «Կրեշիմիր» բառը խորվաթերեն «մկրտիչ» բառի ձևափոխված տարբերակն է։ Առավել արժանահավատ է այն տեսությունը, որի համաձայն թագավորի անունը կապված է լատիներեն «Cresmur» բառի հետ։ Այնուամենայնիվ, ծագումնաբանական այս վարկածները վերստին հաստատում են խորվաթների քրիստոնյա լինելու փաստը։
Ըստ Դուկլինա քահանայի տարեգրքի («Բարյան տոհմագիր»)՝ Կրեշիմիրի կառավարման տարիներին վերջինիս կրտսեր եղբայրը՝ արքայազն Պետերը դառնում է Դուկլիայի իշխան (զարգացած ֆեոդալիզմին բնորոշ իշխանական իրավասություններով)։ Կրեշիմիրն իր մահկանացնուն կնքում է 945 թվականին՝ անհայտ պայմաններում։ Արդյունքում՝ վերջինիս երկու որդիները՝ Միրոսլավը և Միխայիլո-Կրեշիմիրը սկսում են պատերազմել իրար դեմ՝ հանուն խորվաթական թագը միայնակ կրելու իրավունքի։
Տես նաև[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ «Խորվաթական հանրագիտարան». enciklopedija.lzmk.hr. Վերցված է 2020 թ․ ապրիլի 7-ին.
- ↑ «Խորվաթիայի արքաների գահացանկ (բովանդակություն)». fmg.ac. Վերցված է 2020 թ․ ապրիլի 7-ին.
Նախորդող՝ Տրպիմիր II |
Խորվաթիայի արքա 935–945 |
Հաջորդող՝ Միրոսլավ |